CORREOS 2002an atxiki zitzaion Nazio Batuen Munduko Itunari (http://www.un.org/spanish/globalcompact/) eta, hala, bere enpresa estrategian barneratu ditu itun horrek ezartzen dituen hamar printzipioak.
Munduko Ituna sinatu duten enpresek (http://www.pactomundial.org/) hitzematen dute beste enpresa batzuetara zabalduko dituztela itunean jasotako printzipioak -giza eskubideak, lan eskubideak, ingurumenaren babesa eta ustelkeriaren aurkako borroka- eta urtero argitaratuko dutela konpromiso hori nola betetzen ari den.
Ituneko hamar printzipioak ondorengoak dira:
- Nazioartean aintzatetsita dauden oinarrizko giza eskubideen babesa bermatzea eta errespetatzea.
- Enpresa sinatzaileek giza eskubideak urratzen ez dihardutela ziurtatzea.
- Elkartzeko askatasuna eta negoziazio kolektiborako eskubidearen benetako aintzatespena bultzatzea.
- Behartuta edo indarkeriaz egindako lan forma oro ezabatzearen alde egitea.
- Haurren lana desagerraraztearen alde egitea.
- Enpleguan eta okupazioan diskriminazioa desagerraraztearen alde egitea.
- Ingurumena faboratzen duen prebentzio ikuspegia mantentzea.
- Ingurumenarekiko erantzukizun handiagoa bultzatzen duten ekimenak sustatzea.
- Ingurumena errespetatzen duten teknologien garapena eta hedapena faboratzea.
- Ustelkeriaren kontra egitea, forma guztietan, estortsioa eta eroskeria barne.
Estatuko sozietateak aurrerabide txostenak prestatu ditu Munduko Itunaren aldeko bere babesa berritzearen erakusgarri eta 10 printzipioak ezartzen aurrera egiten jarraitzeko nahia adierazi du.
