Genero Indarkeriaren aurkako lankidetza hitzarmena Berdintasun Ministerioarekin

Gizartearen sentsibilizazioa genero indarkeriaren arazoaren aurrean gero eta handiagoa da eta guztion inplikazioa funtsezkoa da jatorri horren ekintzak ekidin eta aurreikusteko. Gaitz horren aurka borrokatzeko asmoz, CORREOSek eta Lan eta Gizarte Arazoetarako Ministerioak (egun, Berdintasun Ministerioa, http://www.migualdad.es/) elkarlanerako hitzarmena sinatu zuten 2008ko martxoan. Hitzarmen horren bidez, sentsibilizazio egitasmoak sustatu eta indarkeriaren biktimak diren emakumeak gizartean eta lanean integratzea erraztuko duela agintzen du posta enpresak.

Mezu hori hiritarrei helarazteko eta gizartearen arreta osotasunean erakartzeko, CORREOSek ‘Genero indarkeriaren aurka’ dion zigilua argitaratu du (ikus Filatelia atala), filatelia espainiarraren ‘Balio Hiritarrak’ bilduma barruan (45 milioi aleko tirada batean –espainiar bakoitzeko bat-). Bertan, ondokoa dator idatzita: ‘Tratu txarren berri izanez gero, ez onartu, deitu 016 zenbakira’ -informatzeko eta laguntzeko adituen doako zerbitzua da, eguneko 24 ordutan eta urteko 365 egunetan aholkuak emateko-. Zenbaki horretara dei dezakete biktimek, senideek, auzokoek edo hala nahi duten hiritarrek, eta deiak isilpean geratuko dira. Genero indarkeriaren aurka laguntzeaz gain, enpleguari, gizarte zerbitzuei, prestazio ekonomikoei eta abegi etxeei buruzko informazioa eta aholkularitza juridikoa ematen dute. Harrera zerbitzua gaztelaniaz, katalanez, galizieraz eta euskaraz eskaintzen da, baita ingelesez eta frantsesez ere.