Sariak posta berrikuntzari
CORREOSek bi sariren bidez aitortzen die langileei posta zerbitzuaren kalitatearen hobekuntza jarraituari eta banaketa bulego eta unitateen kudeaketaren bikaintasunari egiten dioten ekarpena: ‘Bulego Bikaina’ eta ‘Hermes’. Era berean, langileen bultzada berritzailea eta konpainiaren modernizazio eta teknifikazioan izandako parte-hartzearen alde egiteko, 2008an Posta Berrikuntzari Sariaren hirugarren edizioa iragarri zen. Guztira, 119 proiektu aurkeztu ziren kategoria ezberdinetan eta 8 lan saritu ziren.
Literatura Epistolar eta Argazkigintza Lehiaketa
2008an, CORREOSek Literatura Epistolar eta Argazkigintza Lehiaketaren XI. ediziorako deialdia egin zuen. Emandako 12 sariak jaso zituzten lanak guztien artean sortzaile eta originalenak izan ziren. Literatura lehiaketan 212 langilek parte hartu zuten, bakoitzak bere gutunekin, eta argazkigintzakoan 266 parte-hartzailek egindako 887 lan aurkeztu ziren. Edizio horretan ingurumenari eskainitako sari berezi bat gehitu zen, gure enpresak Expo Zaragozan parte hartu zuelako eta garapen iraunkorra balio korporatibo gisa ezarri zelako.
