Inportazioa Penintsulan eta Balearretan

Espainiara inportatzen den bidalketa orok inportazioko aduana-izapideak bete behar ditu, jatorria, edukiaren balioa edo izaera, edo hartzailearen edo bidaltzailearen izaera edozein dela ere.

Espero duzun bidalketa Penintsulan edo Balear Uharteetan bada eta Kanariar Uharteetatik, Ceutatik eta Melillatik edo Europar Batasunekoa ez den herrialde batetik badator, hainbat modutan izapidetu ahal izango da:

Balio gutxiko bidalketetarako Aitorpen Sinplifikatua (Balio Txikia/H7), baldin eta hurrengo baldintzak betetzen badira: :

• Bidalketaren edukiaren balioa ez izatea 150 eurotik gorakoa
• Salgaia ez egotea zerga bereziei lotuta (tabakoa, alkohola, etab.)
• Salgaia ez egotea aduanaz gaindiko kontrolei lotuta (osasuna, farmazia, etab.)

Hartzailea arduratuko da saltoki elektronikoan BEZa ordaintzeaz (betiere, jatorriko posta-operadorearen bidez ez denean telematikoki jakinarazi bidalketa IOSS araupean dagoela), Correos-en tarifaz gain. 

Zenbateko horiek www.adtpostales.com webgunearen edo Correos-en App-aren bidez (bidalketa entregatu aurretik) edo esku-dirutan (bidalketa entregatzean) ordaindu ahalko ditu hartzaileak.

Inportazioa Prozedura Arruntaren bidez (DUA Arrunta). Inguruabar hauetakoren bat gertatzen denean:

• Bidalketaren edukiaren balioa 150 eurotik gorakoa izatea
• Salgaia Zerga Bereziei lotuta egotea (tabakoa, alkohola, eta abar)
• Salgaia aduanaz gaindiko kontrolei lotuta egotea (osasuna, farmazia, etab.)

Aduana-izapideengatik Correos-i ordaindu beharreko tarifez gain, hartzaileak hurrengo zerga hauek ere ordaindu beharko ditu, hala dagokionean:

• Inportazioaren muga-zergak
• Inportazioaren BEZa
• Zerga Bereziak (tabakoa, alkohola, etab.) 

Zenbateko horien ordainketa bidalketa entregatu aurretik egingo da, eta hartzaileak ordainduko du www.correosaduanas.es webgunearen bidez edo banku-transferentziaz.