COVID-19ren aurkako Correosen protokoloa

Correosek zure segurtasuna bermatzen du Covid-19ren aurka! Koronabirusaren mundu-krisialdian aktibo egon gara beti, eta funtsezko zerbitzua den salgaien joan-etorria bermatu dugu herritarren artean. Ez da lan erraza izan, baina harro gaude Correoseko ekosistema osoan osasun-segurtasuna bermatu izanaz. Gizartearekin dugun konpromisoa zorrotza da, eta, beraz, gure langile eta bezeroen segurtasuna lehentasuna izan da pandemiaren hasi-hasieratik. 

Gure hitzak ekintzekin baieztatzen ditugu! Hona hemen gure ekintza-sare osoan (bulegoak, banaketa, logistika-zentroak...) banatu dugun babes-materiala, segurtasuna ahalik eta handiena izan dadin: FFP2 motako 14 milioi maskara inguru, 98 000 litro gel hidroalkoholiko baino gehiago, 30 000 litro gel desinfektatzaile eta 20,5 milioi eskularru  inguru.

AENOR zigilua ere lortu dugu. Zigilu horrek COVID-19ren aurkako  jarduera-protokoloak eta antolakuntza- eta  prebentzio-neurrien dokumentuak egokitu direla onartzen du, Osasun Ministerioaren eskakizunen arabera. 

AENOR zigilua

Gure segurtasun-neurriek AENORen zigilua dute!

Bai, harro gaude Espainiako Normalizazio eta Ziurtapen Elkarteak gure prebentzio-lana onartu duelako. Horrela, egiaztatuta geratu da COVID-19ren aurkako gure jarduteko protokoloak eta antolaketa- eta prebentzio-neurrien dokumentuak Osasun Ministerioak prebentzioaren eta higienearen arloan ezarritako eskakizun eta gomendioetara egokitzen direla.

Zergatik lortu dugu AENORen onarpena?

Gure ekimen garrantzitsuenetako bat izan da jarduera-protokoloa aktibo mantentzea, etengabe eguneratua eta osasun-krisiaren hasieratik egoerak izan duen bilakaerara egokitua. Gure helburua beti izan da gaixotasunak gure langileen artean izan dezakeen eragina bermatzea eta murriztea.

Gure helburua betetzeko, langile eta bezeroentzako segurtasun- eta osasun-arloko prebentzio-neurrien plana jarri dugu martxan. Horien artean nabarmentzekoak dira  bulegoak eta instalazioak garbitzea eta desinfektatzea, entrega eta bilketa seguruak egiteko prozedurak, lantokietako edukieraren kontrola, telelanaren sustapena, bereziki sentikorrak diren langileen arriskuaren kudeaketa eta norbera babesteko neurriak. Orobat, gure langileek COVID-19ri buruzko prestakuntza eta informazio zehatza jaso dute, etengabe eta eguneraturik. 

Nola ebaluatu du AENORek segurtasunarekiko dugun konpromisoa?

AENOReko langileek auditoretza bat egin ziguten, eta bertan berrikusi zituzten gure jarduera-protokoloak jasotzen dituzten dokumentuak eta COVID-19ren aurrean gure langile guztien segurtasuna bermatzeko hartutako prozedurak. Baina, gainera, aurrez aurre egiaztatu zuten banaketa-unitateetan, bulegoetan, tratamendu-zentroetan eta administrazio-eraikinetan ezarritako neurriak betetzen zirela.

 

Ez dugu guk esaten, AENORek baizik: Correosek bere langileen, bezeroen, hornitzaileen, kolaboratzaileen eta, oro har, egunero Correosen konfiantza jartzen duten herritar guztien segurtasuna eta osasuna bermatzeko duen konpromisoa egiaztatuta dago. 

COVID-19REN ERAGINAREN PREBENTZIORAKO EGUNGO NEURRIAK CORREOSEN

Correosen hartu diren segurtasun-neurriak 360°-ko ikuspegitik diseinatu dira, enpresaren sistema eragile konplexu guztia barne hartzen duten gomendioak kontuan hartuta. 

Gure protokolo garrantzitsuenetako bat da gure instalazioetako edozein langileren artean COVID-19 kasuak gertatzen direnean jardutea. Kasu positiboei, haien harreman estuei eta horiek kudeatzeko moduari  aurre egiteko jarraibideak ezarri dira. Eragindako langileak ez ezik, gainerako langileak ere babesten dira. 

Halaber, Correosen haratago heldu nahi izan dugu, eta gure langileak etxetik lanera doazenean jarraitu beharreko gomendioak zabaldu ditugu. Osasun- eta prebentzio-jarraibideak uneoro betetzea gomendatu diegu, hau da, pertsonen arteko ahalik eta distantzia handiena izatea, eskuen ohiko higienea eta maskara erabiltzea.

Jakina, maskara nahitaez erabili behar da gure lantoki guztietan, baita gel hidroalkoholikoa ere langileentzat eta bezeroentzat. Zentro guztietan eskularruak daude langileen  eskura, eskatzen dutenek erabil ditzaten.

Jarraian, AENORen zigilua lortzeko oinarrizkoak izan diren berariazko neurriak aurkezten dizkizugu.

Segurtasun orokorra Correoseko instalazioetan

Jakin badakigu gure langileen lanaren zati handi bat aurrez-aurre egin behar dela nahitaez. Horregatik, gure eraikinetan prebentzioa funtsezkoa izan da. 

Eraikinetako sarrera eta irteera arautzeari dagokionez, langileen pilaketa galarazteko neurriak ezarri ditugu. Lantoki mota bakoitzaren arabera, sarrera eta irteera mailakatuak ezarri ditugu, edo txanda baten amaieraren eta hurrengoaren hasieraren arteko denbora-tarteak, eta abar. Orobat, lantokietan lan egiten ez dutenek ezin dute bertara sartu.

Bestalde, gure espazio eta eremu komunen edukiera kontrolatzea da gure lehentasun nagusietako bat. Segurtasuna babesteko, eremuen gehieneko okupazioa eta atsedenaldietarako txanda mailakatuak diseinatu dira. Era berean, komun eta aldagelen erabilera arautu da. Banan-banan erabiltzea gomendatzen da, eta aldizka garbitzeko protokolo zorrotza ezarri da.

Unitateen garbiketa eta higienea aldatzea

Correosek instalazioen garbiketa eta higienea optimizatu du pandemia hasi zenetik. Gure unitateentzako berariazko garbiketa-plana diseinatu dugu, non egindako jarduerak erregistratzen diren, eta garbiketaren maiztasuna eta intentsitatea areagotu egin da. 

Lantokiak egunero garbitzen dira, eta arreta berezia jartzen zaie honako eremu hauei: ate eta leihoetako helduleku, eskutoki eta tira-egitekoak; etengailuak; igogailuen botoiak; eskaileren barandak; lan-mahaien azalerak eta erabilera publikoko eremu komunak. 

Era berean, laneko ibilgailuak eta ekipoak (erretiluak, kaiolak eta orgak) egunero garbitu eta desinfektatzen dira.

Etengabeko aireztapena 

Aireztapena eta klimatizazioa funtsezko neurriak dira gure lantokietan. Espazio bakoitzaren ezaugarrietara egokitutako eguneroko aireztatze-lanak egiteko jarraibideak jaso dituzte gure unitate guztiek. 

Gainera, klimatizazio-ekipoei egiten zaien mantentze-lan prebentiboan, aldian behin aire-iragazkiak garbitu, mantendu eta ordezkatzen dira. 

 

Bereziki sentikorrak diren langileak

Gure langileak dira gure lehentasun nagusia! Horregatik, prozedura-multzo berezi bat sortu dugu COVID-19rekiko sentikortasun berezia duten langileentzat. Prozedura horietan, ohiz kanpoko neurriak ezartzen dira SARS-CoV-2 koronabirusarekiko ahultasun berezia duten langileentzat.

Banaketa

Pertsonen arteko segurtasun-distantzia eta maskara erabili beharra bidalketen banaketa-sarean ezarritako oinarrizko bi neurri dira. 

Gure langileek ez dute inoiz zuzeneko harremanik izan behar bidalketaren hartzailearekin. Entregatzeko unean, postariak hartzailearen informazioa jaso ondoren, bidalketa eskura utziko dio eta joan egingo da. Beraz, etxean entregatu beharreko bidalketengatik zenbatekorik ordaindu behar bada, abisua emango da, bulegoan entrega dadin. 

Jakinarazpen administratiboen, burofaxen eta telegramen kasuan, sinadurapean entregatuko dira; horretarako, segurtasun-protokolo zorrotza beteko da bai postariarentzat bai bidalketaren hartzaile den bezeroarentzat.

Azkenik, sare logistikoari dagokionez, txanden arteko eguneroko garbiketak egiten ditugu, zentroetako lan-tresnen eta elementu logistikoen desinfekzioa bermatzeko. Halaber, lanaldiak egokitu ditugu, sarreretan eta irteeretan langileak pilatu ez daitezen. Horretaz gain, eragiketa guztiak gutxieneko segurtasun-tartea errespetatuz egingo direla bermatzen dugu.

Bulegoak

Gure bulego-sarean harturiko neurririk garrantzitsuenetakoak dira pilaketak saihesteko edukiera-kontrola eta pertsonen arteko segurtasun-distantzia. Nola lortu dugu?

Indarrean dauden araudi autonomikoen arabera, edukiera murrizteko prebentzio- eta kontrol-neurriak ezarri ditugu. 

Sukurtsal guztietan joan-etortzeko bidea seinaleztatzeaz gain, bulego guztietako sarreran gel hidroalkoholiko-banagailuak jarri dira, edo txanda-kudeatzailearengandik ahalik eta hurbilen, sartu aurretik bezero bakoitzak bere eskuak garbi ditzan.

Jende ugari dagoen tokietan, bulegoko langile batek enbaxadorearen rola hartuko du eta bezeroen joan-etorriak dinamizatuko ditu, aurretik aipatutako edukiera neurriak bermatzeko. 

Leihatiletan, langileen eta erabiltzaileen arteko kontaktua saihestu beharra dago; horretarako, banantzeko manparak jarri ditugu bezeroaren arretarako lanpostuetan. Dokumentuak, gutunak, paketeak, tiketak, dirua eta abarrekoak trukatzeko, mostradorean utziko dira. Ez da inoiz harreman fisiko zuzenik izango langilearen eta bezeroaren artean.

Nola eskura dezake bezeroak sinadura elektronikoa, bidalketak onartu eta jasotzeko?

Bidalketak entregatzeko eta jasotzeko prozesuetako batzuk osatzeko, gure bulegoetako tableta elektronikoetan nahitaez sinatu behar dute bezeroek.  Sinatzeko unean bezeroak eskuak garbitu dituela bermatu beharko da, gel hidroalkoholikoa erabiliz. Gel hori sinadura-tabletatik hurbil dago. Bezeroak ezingo du sinatu eskuak garbitu ez baditu.