Paquete Internacional Premium (Nazioarteko Premium Paketea)

Zure bidalketaren helburua garaiz iristea da, munduko edozein tokitara.

BIDALI Egin zaitez bezero
Paquete Internacional Premium (Nazioarteko Premium Paketea) BIDALI

Zerbitzu gehigarriak

Asegurua

Kontratatu aseguru osagarri bat zure bidalketen galera edo hondatzea estaltzeko, 3000 €-ko gehieneko mugarekin.
INFORMAZIO GEHIAGO

Nazioarteko paketeriarako aseguruak

Correosen eskubidea dugu aseguru hori kontratatzea ukatzeko, salgaiaren tipologiaren, eskatutako balioaren edo xedearen arabera. Ez da sartuko estalduraren barnean iruzurra, ohiko isurketak, pisu edo bolumen galera higadura arruntagatik, ezta objektuaren berezko akatsengatik erabilera edo hondatzea ere.

Aseguruan kontratatutako objektuen zenbatekoa ez du aldatuko aduana-agirietan edo bidalketaren fakturazio-agirietan ageri den beste edozerk. Ezbeharren bat izanez gero, hauetatik zenbateko apalena ordainduko da:

  • Adierazitako balioa.
  • Galdutako objektua itzultzeko kostua.
  • Hondatutako objektua konpontzeko kostua.
Hautatu BIDALI eta erregistratu aurretik online zure bidalketak prozesua azkartzeko, edo etorri gure bulego batera.
Adierazi zer bidalketa mota egin nahi duzun, bete datuak eta beste zerbitzu gehigarririk sartu nahi duzun.
Egin ordainketa banku-txartelarekin, PayPal-ekin edo gure bulegoetan.
Inprimatu etiketakpaketeak identifikatzeko eta eraman Correoseko gure bulegoetako batera.

Produktuari buruzko informazioa

Deskribapena

Paquete Internacional Premium aukera onena da oso urrun iritsi arte itxaron ezin duten bidalketetarako:

  • Azkartasunik handiena: presazko bidalketak, beti garaiz. 
  • Segurtasun handiagoa: etxean entregatzea eta hartzaileak sinatzea.
  • Zure lasaitasunerako: estaldura handia EMS sareari esker, aparteko bermeekin. EMS nazioarteko bidalketetarako Correo Express zerbitzu berezia da, bidalketa-prozesuan parte hartzen duen herrialde bakoitzeko posta-zerbitzuak eskainia. Gainera,Kontratua duen Bezeroa bazara eta zure paketea jomugara heltzen dela ziurtatu nahi baduzu, gorabeheren kudeaketa eta informazio itzulketa eska dezakezu.
  • Edonora: zerbitzu hau onartzen duten nazioarteko norakoetarako.

Bidalketaren xehetasunak

Zeuk aukeratzen duzu bilgarri ezin hobea. Eskuragarri dauden produktu ugari eros ditzakezu gure Online Dendan eta Correosen bulego guztietan!

Hori bai, tamaina neurri hauetara doitu behar da:

Gehienez:

  • Kutxa: Luzera + Altuera + Zabalera = 200 cm; neurri batek ere ezin du 105 cm gainditu.
  • Biribilkia edo hodia: Luzera = 100 cm eta Diametroa = 15 cm.

Gutxienez:

  • Gutun-azala edo kutxa: 14 x 9.
  • Biribilkia edo hodia: Luzera + bi aldiz diametroa = 17 cm; neurri batek ere ezin da 10 cm baino txikiagoa izan.

Zerbait txikiagoa bidali nahi baduzu, ez zaitez kezkatu, nahikoa duzu 10 x 7 cm-ko etiketa bat eranstearekin, bertan helbidea eta frankeoa adierazita.

Eta ez dezala pisu errealeko 30 kg gainditu! (helmugako herrialdearen arabera).


Gainera, Kontratua duen Bezeroa bazara, 10 pakete arte ere bidali ditzakezu Pakete askoko Bidalketa aukerarekin.

Pisu bolumetrikoa guk kalkulatzen dugu.

Azkenik, nora bidali nahi duzun esan beharko diguzu:

  • Oso garrantzitsua da zure datuak eta hartzailearenak bilgarrian jarrita egotea, ikusteko moduan.
  • Gogoratu hemen bertan etiketa sortu eta bidalketa ordain dezakezula.
Zer da pisu bolumetrikoa? Kontsultatu nazioarteko eremuak eta nola banatzen diren

Bermeak eta entrega-epeak

Bidalketa helmugara iristean arazoren bat egonez gero, Correosek kalte-ordaina emango dizu. Ordaina hartzaileak jasotzea nahiago baduzu, sinatutako baimena aurkeztu beharko duzu.

Badakigu gutaz fidatzen zarela; horregatik, honela eskertzen dizugu:

Paq Premium Internacional paq-aren entrega-epeak I. Eranskina: Entrega-epeen baldintzak nazioarteko paketerian
Nazioarteko bidalketetarako bermeak:
Atzeratuz gero:
  • Gorabehera jakinarazteko edo erreklamazioa egiteko epeak: gutxienez 7 egun eta gehienez 21 egun, bidalketaren entrega-datatik aurrera.
  • Kalte-ordaina: Correosi egotz dakiokeen atzerapenagatik, dagokion tarifa itzultzen da, balio erantsirik gabe.
  • Baldintzak: entrega-epeak Espainiako harrera-bulegoko jatorritik helmugako herrialdeko hiri handietara kalkulatuko dira. Lurraldeko beste lekuetara iristeko egun bat edo 2 egun gehiago beharko dira.
  • Halaber, bidalketa 14:00ak ondoren onartzen bada probintziako hiriburuetan eta 13:00ak ondoren gainerako herrialdean, entrega-epea hurrengo egunetik aurrera hasiko da zenbatzen.
  • Jatorrizko edota helmugako aduanetan bidalketek ematen duten denbora ez da zenbatuko entregatzeko epea kalkulatzerakoan. Horregatik da garrantzitsua posta-dokumentazioan datu guztiak argi eta garbi ematea, baita aduanako izapideak errazteko beharrezko dokumentuak ematea ere (faktura komertziala, proformako faktura, etab.).
Bidalketa hondatzeagatik:
  • Gertaera edo erreklamazioa egiteko epeak: gutxienez 3 egun eta gehienez 4 hilabete, bidalketaren onarpen-datatik aurrera.
  • Kalte-ordaina: gehienez ere 52,98 €-ko kalte-ordaina, hondatutakoaren balioaren arabera. Kalte-ordainaren zenbatekoari ordaindutako tarifa eta asegurua gehitu behar zaizkio, kontrataturik baduzu. Gehieneko estaldura 3.000 €-koa da. 
  • Baldintzak: Correosek kudeatutako nazioarteko bidalketa bat hondatutako bilgarriarekin jasotzen bada, hartzaileak, bidalketa jaso izana sinatu aurretik, gertakariaren berri eman beharko dio posta-langileari eta kalteen akta egitea eskatu beharko du. Bestalde, bidaltzailearekin harremanetan jarri beharko du, Correosekin dagokion erreklamazioa aurkez dezan.
  • Aurkeztu beharreko dokumentuak: Asegurua edo Adierazitako balioa duen bidalketa bat hondatzeagatik edo edukia faltatzeagatik erreklamazioa aurkeztuz gero, merkantziaren balioa egiaztatzen duen agiria edo konponketaren edo birjartzearen faktura eskatu ahal izango dugu.
  • Correosek beretzat gordetzen du paketea behar bezala babestuta zihoan aztertzeko eskubidea, edukiaren osotasuna bermatze aldera. Bidalketa onartzean, hura nola prestatu aholkatu eta bilgarririk egokiena eskain diezazukete gure langileek.
Bidalketa galtzeagatik:
  • Gertaera edo erreklamazioa egiteko epeak: gutxienez 7 egun eta gehienez 4 hilabete, bidalketaren onarpen-datatik aurrera.
  • Kalte-ordaina: ordaindutako tarifa + 52,98 €.
  • Bidalketak asegurua edo aitortutako balioa (3.000 €-ko gehieneko estaldurarekin) kontratatuta badauka, kalte-ordaina izango da ordaindutako tarifa + 52,98 € + asegurua edo aitortutako balioa.
  • Aurkeztu beharreko dokumentuak: Asegurua edo Adierazitako balioa duen bidalketa bat galtzeagatik edo edukia faltatzeagatik erreklamazioa aurkeztuz gero, merkantziaren balioa egiaztatzen duen agiria edo konponketaren edo birjartzearen faktura eskatu ahal izango dugu.

Horrez gain, bidalketa ahal bezain laster entregatuko dugu.

Aurkitu gertuen duzun zure Correosen bulegoa  eta bidali zure bidalketa. Kontuan izan entregatzeko epeak norako herrialdearen araberakoak izango direla:

  • Entrega-epeak lanegunetan kalkulatu dira, bai jatorrizko herrialdekoetan, bai helmugakoetan.
  • Paketea gure bulego batean jasotzen dugunetik helmugako hirian entregatzen dugun arte iraungo du entrega-epeak. Kanpoaldeko tokiren batera eramateko, 1-2 egun gehiago beharko ditugu.
  • Ez ditugu kontatzen Correosekin zerikusirik ez duten arrazoiengatik sor daitezkeen atzerapen-egunak, esaterako, ekaitzak, grebak edo gatazka kolektiboak.
  • Bidalketek aduanetan ematen dituzten egunak ere ez ditugu kontatuko. Horregatik, oso garrantzitsua da datu guztiak argi eta garbi idaztea bilgarriaren ageriko leku batean, eta aduanetako izapideak egiteko behar diren dokumentuak aurkeztea (faktura komertziala, proforma faktura, etab.).
  • Bidalketa Apartado Postal edo posta-zerrenda batera zuzentzen bada, gure bulegoetako batean bidalketa onartzen dugunetik helmugan utzi edo dagokion oharra jaso arte kontatuko dugu.
  • Online aurre-erregistroarekin bidaltzeko entrega-epea Correosera ekartzen diguzunean hasiko da.
  • Idatzi zure bidalketako datuak gaztelaniaz edo ingelesez. Helmugako herrialdeko hizkuntzan egiten baduzu, ez ahaztu bi hizkuntza hauetako batera itzultzea. Ez dugu gomendatzen karaktere zirilikoak, arabiarrak edo txinatarrak idaztea, horrek entrega atzeratu baitezake.
  • Gogoan izan 17:00ak ondoren bidalketa ekartzen badiguzu, entregatzeko epea hurrengo egunetik aurrera hasiko dela.

Prezioa

Eskaintza pertsonalizatu bat egitea nahi baduzu, utz iezazkiguzu zure datuak hemengo inprimakian.

Pisu bolumetrikoari buruzko informazioa

Pisu bolumetrikoa pakete baten pisua da, baina neurriak kontuan hartuta. Gure tarifak kalkulatzeko, garraio-enpresok neurri hori erabili ohi dugu pisu errealaren ordez; izan ere, ez du toki bera hartzen tamaina handiko objektu baten kg bat edo objektu txiki baten kilo bat garraiatzeak, nahiz eta pisua berbera izan.

Correosen 167 kg/m3-ko pisua/bolumena irizpidea aplikatzen dugu paketea onartzeko unean, formula honi jarraituz: luzera x altuera x zabalera cm-tan / 6.000.