Carta Certificada

Konfiantza eta babesik handiena bidalketarik garrantzitsuenetarako.

BIDALI Egin zaitez bezero
Carta Certificada BIDALI

Zerbitzu gehigarriak

Entregaren Froga Elektronikoa (PEE)

Entrega ziurtatuaren frogagiri digitala.
INFORMAZIO GEHIAGO

Entregaren froga elektronikoa

Entregaren frogagiri ziurtatua, denbora-zigiluarekin elektronikoki sinatua eta hartzailearen sinaduraren xehetasunarekin, PDF fitxategi baten bidez bidalia. Correosen berme osoarekin. 

CSV (Egiaztapen Kode Ziurtatua) bisorearen bidez egiazta daiteke. Bisoreak fitxategia deskargatzeko aukera ematen dizu, denbora-zigiluaren eta bertan dauden sinaduren osotasuna eta benetakotasuna egiaztatzeko.

Jasotze-oharra

Entregatu izanaren idatzizko berrespena, bidalketa noiz eta nork jaso zuen jasota gera dadin.

Ikusi helmugako herrialdeak

Ikusi helmugako herrialdeak

Zure bidalketa nazioartekoa bada, beharrezkoa da helmugako herrialdeak zerbitzu hori onartzea.
Gutunen jasotze-oharra onartzen duten herrialdeak
Paketeen jasotze-oharra onartzen duten herrialdeak

Adierazitako balioa

Bidalketa bakoitzari aplikagarria da, eta kalkulatzeko salgaiaren balioaren portzentajea erabiltzen da. 
INFORMAZIO GEHIAGO

Adierazitako balioa

3000 €-ko kalte-ordaina ordainduko da gehienez ere, aseguratutako zenbatekoaren arabera.

Nazioarteko pakete ekonomikoa bada, gehieneko muga 3000 €-koa da, eta beharrezkoa da helmugako herrialdeak onartzea:

  •  Prestatu zure bidalketa bilgarri egokiarekin (gutun-azal edo kaxa batean), behar bezala itxita eta segurtasun-zigiluarekin zigilatuta (Segure Tape 820 modeloko segurtasun-zinta itsasgarria edo antzekoa), edo jositako sistemarekin edo soka nahiz listari fin gurutzatuarekin, korapilo bakarrarekin eta lakrearekin. Kaxen kasuan, metalezkoa edo egurrezkoa izango da, gutxienez 8 mm-ko lodierakoa.
  • Gehitu marka pertsonalizatu bat identifika zaitzan, hala nola zure izena, inizialak edo enpresaren izena.
  • Adierazi bidalketaren edukiaren balioa. 
Paketeriaren nazioarteko balio aitortua onartzen duten herrialdeak
Bidalketa ziurtatuen nazioarteko balio aitortua onartzen duten herrialdeak

Itzuleraren edota helbide-aldaketaren eskaera

Bidalketaren itzulera egiteko edota helbide postala aldatu nahiz zuzentzeko eska dezakezu.
INFORMAZIO GEHIAGO

Itzulera eskaera edota helbidea aldatu nahiz zuzentzeko eskaera

Bidalketaren itzulera egiteko edota helbide postala aldatu nahiz zuzentzeko eska dezakezu. Eskakizuna telegrafo bidez egiten bada, zerbitzu telegrafikoari dagokion prezioa ere ordaindu beharko duzu.

Zerbitzu hau bidalitako gai bakoitzeko eskaintzen da, ez bidalketa sorta bakoitzeko.

Ziurtagiriak

Erregistratutako bidalketetarako, entrega-ziurtagiriaren zerbitzu gehigarria, beharrezkoa den helburuetarako jasota gera dadin, eta hirugarrenen aurrean legezko balioa izan dezan. 

Igorleak paketea berriz bidaltzeko eskaera egitea

Gainera, bidalketak berriro bidaltzea eska dezakezu. Bidalketa bidez ordaintzen da, ez sorta bidez, eta, telegrafo bidez egiten bada, dagokion zerbitzu telegrafikoaren prezioa ordaindu beharko duzu.

Hirugarren entrega-saiakera

Kontratua duten bezeroentzako.

Zerbitzu hau eska dezakezu zure bidalketa garrantzitsuenetarako.

Informazio itzulketa

Kontratua duten bezeroentzako.

Eskatu zure bidalketen jarraipen telematikoa webgunearen bidez edo fitxategiak partekatuz.

INFORMAZIO GEHIAGO

Informazio itzulketa

Kontratua duten bezeroentzako.

Eskatu zure bidalketen jarraipen telematikoa webgunearen bidez edo fitxategiak partekatuz. Bidalketaren ezagutzen eta erregistratu den azken egoerari buruz jakinaraziko dizugu, baita jaso zuen pertsonaren datuei, entrega-data eta -orduari edo entrega-saiakerari eta bidalketan eragina daukan edozein egoerari buruz ere.

Bidalketa-sorta bat gordailutu zen egunetik 40 egun natural igaro direnean, prozesu informatiko bat abiaraziko dugu egoerari buruzko jakinarazpena jaso ez dutenak hautemateko. Jarraian, behar dugun informazio guztia eskatuko diegu banaketa-bulegoetako langileei, dagokion erantzuna erregistratzeko.

Posta-helbideen normalizazioa

Kontratua duten bezeroentzat.

Zure helbideen kalitatea optimizatzen dizugu.

INFORMAZIO GEHIAGO

Posta-helbideen normalizazioa

Kontratua duten bezeroentzat.

Zure helbideen kalitatea optimizatzeko tresna ezin hobea eskaintzen dizugu; horrela, zure kanpainak bezerogaiengana iritsiko dira. Normalizazioa eskuz edo automatikoki egin daiteke. Helbide-fitxategiak formatu estandarrean aztertu eta zuzentzen ditugu, eta zure datu-baseak aberastuko ditugu merkataritza-komunikazioak hobetzeko. 

Bidalketen sailkapena eremuaren eta posta-kodeen arabera

Kontratua duten bezeroentzako.

Eskatu zerbitzu hau Correosek zure bidalketak eremuen eta posta-kodeen arabera ordenatzeko. Hori ezinbestekoa da onarpen masiboko unitateetan korrespondentzia aurkezteko. 

Dokumentuen digitalizazioa

Kontratua duten bezeroentzako.

Eskatu entregatu diren eta entregatu ez diren bidalketen frogagiriak digitalizatzea. Gainera, aukera ematen dizugu bezeroei eskaneatutako irudiak ziurtagiri digitalarekin sinatuta bidaltzeko, baita denbora zigiluarekin ere.

INFORMAZIO GEHIAGO

Dokumentuen digitalizazioa

Kontratua duten bezeroentzako.

Eskatu entregatu diren eta entregatu ez diren bidalketen frogagiriak digitalizatzea. Gainera, aukera ematen dizugu bezeroei eskaneatutako irudiak ziurtagiri digitalarekin sinatuta bidaltzeko, baita denbora zigiluarekin ere.

Bidalketa-sortaren gordailutze-datatik 60 egun natural igaro ostean, prozesu informatiko bat abiaraziko dugu, irudi eskaneaturik ez dutenak identifikatzeko. Horren arabera, ziurtagiri bat sortuko dugu, datu hauekin: entregaren egoera, jaso zuenaren datuak, hartzailearekiko erlazioa, entrega-saiaker(ar)en data eta ordua, Correos-eko langilearen nortasuna eta sinadura eta bulegoaren zigilua.

Erantzun eta irudirik gabeko bidalketen kasuan, “Galduta” gisa erregistratuko da, eta hala egin izanaren ziurtagiria digitalizatuko da. Digitalizazioa arduradunak sinatu beharko du.

Etxean jasotzea

Kontratua duten bezeroentzako.

Zure paketeak etxean edo biltegian jasotzen ditugu. Erabilgarritasuna bidalketaren bolumenaren eta entrega-gunearen araberakoa da.

 

Diru-itzulketa

Jaso zure bidalketen kobrantza modu seguruagoan, errazagoan eta fidagarriagoan. Correosen hartzaileak aurrez ordaindutako eta bidalketan agertzen den kopurua itzuliko dizugu.
Hautatu BIDALI eta erregistratu gutunak aurrez online edo etorri edozein bulegotara.
Adierazi bidali nahi duzun gutun-mota, bete datuak eta adierazi zerbitzu gehigarriren bat gehitu nahi duzun.
Ordaindu banku-txartel edo PayPal bidez, edota edozein bulegotan.
Inprimatu etiketak gutunak identifikatzeko bilketa kudeatu edo bulegora eraman baino lehen.

Produktuari buruzko informazioa

Deskribapena

Carta Certificada datu pertsonalak dauzkaten dokumentu garrantzitsuak bidaltzeko aukerarik onena da, hala nola, kontratuak edo sinatutako aurrekontuak.

  • Segurtasunik handiena: bidalketak banaka identifikatu eta erregistratzen dira barra-kode bakarrarekin.
  • Bermearekin: bidalketa helmugara iristen denean, hartzaileak sinatu behar du jaso ahal izateko. Entrega ezin bada egin, postontzian ohar bat utziko dugu adierazitako bulegoarekin bidalketa 15 egun igaro baino lehen jasotzeko. 
  • Zure lasaitasunerako: kontsultatu dohainik gutunaren jarraipena eta kontrola bidalketa-bilatzailearen bidez. 
  • Zure beharretara egokitua: bidalketa nazionaletarako eta nazioartekoetarako erabilgarri gure bulegoetan edo online.

Bidalketaren xehetasunak

Zeuk aukeratzen duzu bilgarri ezin hobea. Hori bai, tamaina neurri hauetara doitu behar da:

Gehienez:

  • Gutun-azala edo kutxa: Luzera + Altuera + Zabalera = 90 cm; neurri batek ere ezin du 60 cm gainditu.
  • Biribilkia edo hodia: Luzera + bi aldiz diametroa = 104 cm, eta neurri batek ere ezin du 90 cm gainditu.

Gutxienez:

  • Gutun-azala edo kutxa: 14 x 9 cm.
  • Biribilkia edo hodia: Luzera + bi aldiz diametroa = 17 cm, eta neurri batek ere ezin du 10 cm baino txikiago izan.

Zerbait txikiagoa bidali nahi baduzu, ez zaitez kezkatu, nahikoa duzu 10 x 7 cm-ko etiketa bat eranstearekin, bertan helbidea eta frankeoa adierazita.

Eta ez dezala 2 kg baino gehiago izan!

Azkenik, nora bidali nahi duzun esan beharko diguzu:

  • Oso garrantzitsua da zure datuak eta hartzailearenak bilgarrian jarrita egotea, ikusteko moduan.
  • Nazionala bada, “CERTIFICADO” adieraziko da etiketan, bidalketaren aurrealdeko goiko ezkerreko izkinan.
  • Nazioartekoa izanez gero, “RECOMMANDÉ / CERTIFICADO” eta “PRIORITARIO / PRIORITY”adieraziko da alde berean kokatu behar den etiketan.
  • Gogoan izan etiketa sortzeko eta bidalketa ordaintzeko hona joan zaitezkeela.
Kontsultatu nazioarteko eremuak eta nola banatzen diren

Bermeak eta entrega-epeak

Bidalketa helmugara iristean arazoren bat egonez gero, Correosek kalte-ordaina emango dizu. Ordaina hartzaileak jasotzea nahiago baduzu, sinatutako baimena aurkeztu beharko duzu.

Badakigu gutaz fidatzen zarela; horregatik, horrela eskertzen dizugu:

Bidalketa nazionaletarako bermeak:

Bidalketa hondatu edo galtzeagatik:

  • Gertaera edo erreklamazioa egiteko epeak: gutxienez 7 egun eta gehienez 4 hilabete, bidalketaren onarpen-datatik aurrera.
  • Kalte-ordaina: 2021/06/27tik aurrera, kalte-ordaina izango da ordaindutako tarifa bider 10, gehi aitortutako balioa, kontratatu bada. Data hori baino lehen, kalte-ordaina 30 eurokoa zen, gehi kontratatutzat jotako balioa. 
  • Kalte-ordainaren zenbatekoari Adierazitako balioa gehitu beharko zaio, baldin eta kontratatu baduzu. Ezbeharra jazotzen bada, honako zenbateko hauetako zenbatekorik txikiena ordainduko zaizu:
    • Adierazitako balioa.
    • Galdutako objektua birjartzea.
    • Kaltetutako objektua konpontzea.
  • Baldintzak: beharrezkoa da hondatzeari buruz bidalketa jasotzerakoan berri ematea. Bestela, bidalketa egoera onean entregatu dela izango da kontuan eta ez dugu erreklamaziorik onartuko.
  • Aurkeztu beharreko dokumentuak: bilgarriaren eta hondatutako edukiaren argazkiak eskatu ahal izango dizkizugu, kaltea eta bidalketaren osotasuna bermatzeko bilgarri egokia zuen egiaztatzeko. Bidalketa onartzean, hura nola prestatu aholkatu eta bilgarririk egokiena eskain diezazukete gure langileek.
  • Asegurua edo Adierazitako balioa duen bidalketa bat galtzeagatik, hondatzeagatik edo edukia faltatzeagatik erreklamazioa aurkeztuz gero, merkantziaren balioa egiaztatzen duen agiria edo konponketaren edo birjartzearen faktura eskatu ahal izango dugu.

Nazioarteko bidalketetarako bermeak:

Bidalketa hondatu edo galtzeagatik:

  • Gertaera edo erreklamazioa egiteko epeak: gutxienez 15 egun eta gehienez 6 hilabete, bidalketaren onarpen-datatik aurrera.
  • Kalte-ordaina: gehieneko zenbatekoa tarifa + 30 IEB edo tarifa + Adierazitako balioa, baldin eta asegurua kontratatu baduzu; horren gehieneko estaldura 3000 €-kea da.
  • Baldintzak: edukiaren osotasuna bermatzen duten gutun-azalak eta bilgarriak erabili behar dituzunez, Cortesek behar guztietara egokitzen diren produktuen aukera zabala eskaintzen dizu. Gogoan izan igorlearen eta hartzailearen datuak bilgarrian toki ikusgarri batean jarri beharko direla.
  • Aurkeztu beharreko dokumentuak: Asegurua edo Adierazitako Balioa duen bidalketa bat galtzeagatik, hondatzeagatik edo edukia faltatzeagatik erreklamazioa aurkeztuz gero, merkantziaren balioa egiaztatzen duen agiria edo konponketaren edo birjartzearen faktura eskatu ahal izango dugu.

Horrez gain, bidalketa ahal bezain laster ere entregatuko dugu. 

Aurkitu hurbilen duzun bulegoa, eta ekarri zure bidalketa. Paketea bulegoan utzi eta 4 eguneko epean entregatzen ditugu bidalketen % 93

Prezioa

Kontsultatu zure tarifa hemen edo Correosen bulegoetan.