Correosen, zure bidalketak kudeatzen ditugu, zure negozioaz soilik kezka zaitezen.
Correoseko APIekin integratzeko, garraio-kontratua sinatu behar da
Garatzaileen Atarira sartzeko urratsak
Garatzaileen Atarira sartu ahal izateko (han Correosen APIak erabiltzen hasi ahal izango zara), urrats hauek egin behar dituzu:
1. Garatzaileen Atarira sartzeko, CorreosID-en alta eman behar duzu. Zure eskura uzten dugu erregistro-eskuliburua, prozesuan lagun diezazun.
2. Sartu Garatzaileen atarira eta eskatu kudeatu nahi dituzun APIetarako sarbidea. Zure esku uzten dugu APIetara sartzeko eskuliburua, prozesuan lagun diezazun.
3. Dokumentu lagungarri gisa, Ekitaldi-matrizea ere deskarga dezakezu.
Zertan datza API bidezko integrazioak?
API bidez integratzeko aukerari esker, bidalketak erabat kudeatu ahal dira, eta horrek logistika, biltegiko kudeaketa eta Bezeroen arreta-zerbitzua bizkortzen ditu. Gomendagarria da egunero bidalketa asko egiten dituzten bezeroentzat, dagoeneko beste hornitzaile batzuekin erabiltzen dutenentzat eta logistika-kudeaketa automatizatuta daukatenentzat.
Zerbitzua erabilgarri dago gure hainbat produktutarako:
Pakete nazionalak:
Nazioarteko paketeak:
Gainera, funtzionalitate ugari izango dituzu:
Murriztu bidalketak kudeatzeko erabiltzen duzun denbora gure entrega-zerbitzuarekin. Correosen guztiaz arduratzen gara, zure esfortzua negozioari zuzen diezaiozun.
Oraindik ez bazara bezero, jar zaitez harremanetan gure Bezeroaren Arreta-zerbitzuarekin 915 197 197 telefono-zenbakian, eta informazioa emango dizugu.
Nola erabili OAuth 2.0 Correosen APIetara sartzeko
Oinarrizko urratsak:
1. Eskuratu CorreosID-ren OAuth 2.0-ren kredentzialak
2. Lortu sarbide-token bat Correosen baimen-zerbitzaritik
3. Bidali sarbide-tokena API batera
4. Behar izanez gero, eguneratu sarbide-tokena
Oharra: OAuth 2.0ren Correosen inplementazioaren erabilera OAuth 2.0ren Politikekarautzen dute.
Ondoren, zure bezero-aplikazioak Correosen baimen-zerbitzarira sartzeko token bat eskatzen du, erantzunetik token bat ateratzen du eta atzitu nahi duzun Correosen APIra bidaltzen du.
1. Lortu CorreosIDren OAuth 2.0-ren kredentzialak
CorreosIDen erregistratzeko prozesua amaitu ondoren, OAuth 2.0-ko bezeroaren kredentzialak lortuko dituzu (client_id eta client_secret).
2. Lortu sarbide-token bat Correosen baimen-zerbitzaritik
Zure aplikazioak Correoseko API baten bidez datu pribatuetara sartzeko aukera izan baino lehen, API horretara sartzeko aukera emango dizun sarbide-tokena lortu behar duzu. Sarbide-token bakar batek hainbat sarbide-maila eman ditzake hainbat APItan. Scope izeneko parametro aldakor batek sarbide-token batek onartzen dituen baliabide eta eragiketen multzoa kontrolatzen du. Sarbide-tokena eskatzean, zure aplikazioak balio bat edo gehiago bidaltzen ditu scope parametroan.
Gutxienez baimen bat ematen bada, Correosen baimen-zerbitzariak zure aplikaziora sartzeko token bat bidaliko dizu.
3. Bidali sarbide-tokena API batera
Aplikazio batek sarbide-token bat lortu ondoren, Correoseko API batera bidaltzen du, HTTP baimen-eskaeraren goiburu batean. Posible da tokenak bidaltzea URI kontsulta-katearen parametro gisa, baina ez dugu gomendatzen, URI parametroak guztiz seguruak ez diren erregistro-fitxategietan amaitu baitaitezke. Gainera, REST jardunbide egokia da beharrezkoak ez diren URI parametroen izenak sortzea ekiditea.
Sarbide-tokenak tokenaren eskaeraren scope-an deskribatzen diren eragiketa eta baliabide guztietarako bakarrik dira baliozkoak. Adibidez, Preregister APIrako sarbide-token bat emititzen bada, ez da Requests APIrako sarbiderik ematen. Hala ere, Preregister APIra sartzeko token hori hainbat aldiz bidal dezakezu antzeko eragiketak egiteko.
Garatzaileen Atarian APIra sartzeko eskaera bete ondoren, APIren client_id eta client_secret lortuko dituzu, eta horiek ere eskaeran sartu beharko dituzu sarbide-tokenarekin batera.
4. Behar izanez gero, eguneratu sarbide-tokena
Sarbide-tokenek balio-bizitza mugatua dute. Zure aplikazioak Correoseko API batera sartu behar badu sarbide-token baten bizi-zikloaz haratago, sarbide-token berri bat lor dezake.