Jakinarazpen administratibo eta judizialak

Jaso izanaren legezko frogarekin, Erakunde Publikoentzako zerbitzu esklusiboa.

Zerbitzu gehigarriak

Entregaren Froga Elektronikoa (PEE)

Entrega ziurtatuaren frogagiri digitala.
INFORMAZIO GEHIAGO

Entregaren froga elektronikoa

Entregaren frogagiri ziurtatua, denbora-zigiluarekin elektronikoki sinatua eta hartzailearen sinaduraren xehetasunarekin, PDF fitxategi baten bidez bidalia. Correosen berme osoarekin. 

CSV (Egiaztapen Kode Ziurtatua) bisorearen bidez egiazta daiteke. Bisoreak fitxategia deskargatzeko aukera ematen dizu, denbora-zigiluaren eta bertan dauden sinaduren osotasuna eta benetakotasuna egiaztatzeko.

Entregaren kudeaketa

Kontratua duten bezeroentzako.

Eskatu kudeaketa gehigarria bidalketa baten entrega edo itzulketa baten onarpena baino lehen. 

Bidalketen sailkapena eremuaren eta posta-kodeen arabera

Kontratua duten bezeroentzako.

Eskatu zerbitzu hau Correosek zure bidalketak eremuen eta posta-kodeen arabera ordenatzeko. Hori ezinbestekoa da onarpen masiboko unitateetan korrespondentzia aurkezteko. 

Itzuleraren edota helbide-aldaketaren eskaera

Bidalketaren itzulera egiteko edota helbide postala aldatu nahiz zuzentzeko eska dezakezu.
INFORMAZIO GEHIAGO

Itzulera eskaera edota helbidea aldatu nahiz zuzentzeko eskaera

Bidalketaren itzulera egiteko edota helbide postala aldatu nahiz zuzentzeko eska dezakezu. Eskakizuna telegrafo bidez egiten bada, zerbitzu telegrafikoari dagokion prezioa ere ordaindu beharko duzu.

Zerbitzu hau bidalitako gai bakoitzeko eskaintzen da, ez bidalketa sorta bakoitzeko.

Hirugarren entrega-saiakera

Kontratua duten bezeroentzako.

Zerbitzu hau eska dezakezu zure bidalketa garrantzitsuenetarako.

Etxean jasotzea

Kontratua duten bezeroentzako.

Zure paketeak etxean edo biltegian jasotzen ditugu. Erabilgarritasuna bidalketaren bolumenaren eta entrega-gunearen araberakoa da.

 

Dokumentuen digitalizazioa

Kontratua duten bezeroentzako.

Eskatu entregatu diren eta entregatu ez diren bidalketen frogagiriak digitalizatzea. Gainera, aukera ematen dizugu bezeroei eskaneatutako irudiak ziurtagiri digitalarekin sinatuta bidaltzeko, baita denbora zigiluarekin ere.

INFORMAZIO GEHIAGO

Dokumentuen digitalizazioa

Kontratua duten bezeroentzako.

Eskatu entregatu diren eta entregatu ez diren bidalketen frogagiriak digitalizatzea. Gainera, aukera ematen dizugu bezeroei eskaneatutako irudiak ziurtagiri digitalarekin sinatuta bidaltzeko, baita denbora zigiluarekin ere.

Bidalketa-sortaren gordailutze-datatik 60 egun natural igaro ostean, prozesu informatiko bat abiaraziko dugu, irudi eskaneaturik ez dutenak identifikatzeko. Horren arabera, ziurtagiri bat sortuko dugu, datu hauekin: entregaren egoera, jaso zuenaren datuak, hartzailearekiko erlazioa, entrega-saiaker(ar)en data eta ordua, Correos-eko langilearen nortasuna eta sinadura eta bulegoaren zigilua.

Erantzun eta irudirik gabeko bidalketen kasuan, “Galduta” gisa erregistratuko da, eta hala egin izanaren ziurtagiria digitalizatuko da. Digitalizazioa arduradunak sinatu beharko du.

Informazio itzulketa

Kontratua duten bezeroentzako.

Eskatu zure bidalketen jarraipen telematikoa webgunearen bidez edo fitxategiak partekatuz.

INFORMAZIO GEHIAGO

Informazio itzulketa

Kontratua duten bezeroentzako.

Eskatu zure bidalketen jarraipen telematikoa webgunearen bidez edo fitxategiak partekatuz. Bidalketaren ezagutzen eta erregistratu den azken egoerari buruz jakinaraziko dizugu, baita jaso zuen pertsonaren datuei, entrega-data eta -orduari edo entrega-saiakerari eta bidalketan eragina daukan edozein egoerari buruz ere.

Bidalketa-sorta bat gordailutu zen egunetik 40 egun natural igaro direnean, prozesu informatiko bat abiaraziko dugu egoerari buruzko jakinarazpena jaso ez dutenak hautemateko. Jarraian, behar dugun informazio guztia eskatuko diegu banaketa-bulegoetako langileei, dagokion erantzuna erregistratzeko.

Igorleak paketea berriz bidaltzeko eskaera egitea

Gainera, bidalketak berriro bidaltzea eska dezakezu. Bidalketa bidez ordaintzen da, ez sorta bidez, eta, telegrafo bidez egiten bada, dagokion zerbitzu telegrafikoaren prezioa ordaindu beharko duzu.

Posta-helbideen normalizazioa

Kontratua duten bezeroentzat.

Zure helbideen kalitatea optimizatzen dizugu.

INFORMAZIO GEHIAGO

Posta-helbideen normalizazioa

Kontratua duten bezeroentzat.

Zure helbideen kalitatea optimizatzeko tresna ezin hobea eskaintzen dizugu; horrela, zure kanpainak bezerogaiengana iritsiko dira. Normalizazioa eskuz edo automatikoki egin daiteke. Helbide-fitxategiak formatu estandarrean aztertu eta zuzentzen ditugu, eta zure datu-baseak aberastuko ditugu merkataritza-komunikazioak hobetzeko. 

Ziurtagiriak

Erregistratutako bidalketetarako, entrega-ziurtagiriaren zerbitzu gehigarria, beharrezkoa den helburuetarako jasota gera dadin, eta hirugarrenen aurrean legezko balioa izan dezan. 
Erregistratu eta identifikatu bidaltzen dituzun jakinarazpenen bidalketak.
Eman alta hartzaileen taldeari eskuz edo fitxategi bat kargatuta helbideekin, eta gehitu nahi dituzun zerbitzu gehigarriak.
Egin ordainketa banku-txartel bidez, PayPal bidez edo Correoseko edozein bulegotan.
Aurreikusi eta inprimatu zure ziurtagiriak identifikatzen dituzten etiketak, edo gutun-azalak, bai eta bidalketen zerrenda ere. 

Produktuari buruzko informazioa

Hori bai, Jakinarazpena neurri hauetara doitu behar da:

Gehienez:

  • Gutun-azala edo kutxa: Luzera + Altuera + Zabalera = 90 cm; neurri batek ere ezin du 60 cm gainditu.

Gutxienez:

  • Gutun-azala edo kutxa: 14 x 9 cm.

Zerbait txikiagoa bidali nahi baduzu, ez zaitez kezkatu, nahikoa duzu 10 x 7 cm-ko etiketa bat eranstearekin, bertan helbidea eta frankeoa adierazita.

Eta ez dezala 2 kg baino gehiago izan!

 

Jakinarazpenak gure edozein bulegotara ekarri besterik ez duzu egin behar:

  • 16:00ak baino lehen arratsaldeko txanda duten bulegoetan, eta 14:30ak baino lehen goizeko txanda soilik duten bulegoetan.
  • Gogoan izan bidalketaren aurrealdean “Jakinarazpena” gisa produktua identifikatzen duen etiketa bat egon behar dela, eta, horren azpian, tamaina txikiagoko karakteretan, dagokion ekintza (zitazioa, errekerimendua, ebazpena) eta “Espediente zk.” oharra edo jakinarazten den ekintza identifikatzen duen beste adierazpen bat.
  • Bidalketa bakoitza barra-kode bat duen etiketa itsasgarri batekin identifikatuko da.

Bestela, bidali iezaguzu fitxategi elektroniko bidez:

  • Aukera dago bidalketa masiboetarako igorle eta hartzaile ezberdinen artean hautatu ahal izatea.
  • Dokumentuak erkatzeko aukera dugu, entrega-frogaren legezko baliozkotasuna ikusi ahal izateko, doan eta ordenagailuaren bidez. Horretarako, egiaztapen-kode segurua (EKS) erabiliko da. Kode horren bitartez, elektronikoki sinatutako dokumenturako sarbidea izango duzu, dituen sinaduren eta dagozkien denbora-zigiluen osotasuna eta egiazkotasuna ziurtatu ahal izateko.

Falta den gauza bakarra da nora eraman behar dugun esatea; Correosen arduratuko gara bere helmugara eramateaz:

  • Hartzailearen edo baimendutako pertsonaren sinadurarekin soilik egiten den bidalketen %93ren entrega 3 egun naturaletan, eremu nazional osoan.
  • Bidalketa masiboen kasuan, epeen konpromisoak bezeroarekin adostuko dira.

Gainera, gure administrazio-jakinarazpenek administrazio publikoen administrazio-prozedura erkidearen 39/2015 Legean ezarritako eskakizunak betetzen dituzte.

  • Bidalketek hartu-agiria edo PEE izan behar dute, jaso izanaren froga fede-emailearen baldintza betetzeko.
  • Bidalketek etxeko bigarren entrega-saiakera bat izan behar dute, lehen saiakerako ordua ez den beste une batean. Bi saiakeretan entrega ezin bada burutu, Jakinarazpenak zerrendan jarriko ditugu, ezarritako 7 egun naturaleko epean. Gainera, iritsiera-abisu bat utziko dugu hartzailearen postontzian; bertan, zein bulegoetan dagoen, zenbat denboraz egongo den eta bigarren entrega-saiakerari buruzko inguruabarrak azalduko dira.
  • Ez da egingo bigarren entrega-saiakera bat interesdunak edo haren ordezkariak Jakinarazpena ukatu badu, helbidea okerra bada, edo hartzailea ezezaguna bada, hil bada edo entrega egitea saihesten duen egoera antzekoren batean.
  • Correoseko langileak beti adierazi beharko du bere sinadura eta identifikazio zenbakia, hala balegokio, jakinarazpenarekin eta iritsi izanaren abisuarekin batera doan hartu-agirian.
  • Jakinarazpen guztien kontrola eta jarraipena egin daiteke, doan, gure bidalketa-bilatzailearekin.