1. Tratamenduaren arduraduna

Tratamenduaren arduraduna “Sociedad Estatal Correos y Telégrafos, S.A., S.M.E.” da (hemendik aurrera, “Correos”; IFK: A-83052407 IFK; egoitza soziala: Calle del Conde de Peñalver nº 19, 28006 Madril (Espainia)).

Tratamendua modu egokian egiten dela bermatzeko, Correosek datuen babeserako ordezkari bat izendatu du (DBO). Datuekin lotutako gai guztietarako, harremanetan jar zaitezke berarekin helbide elektroniko honetan: dpdgrupocorreos@correos.com 

 

2. Tratamenduaren xedea, legitimazio oinarriak eta tratatutako datu motak

Datuak xede hauetarako tratatuko dira:

A. Kontsulta, kexa edo erreklamazioa izapidetzea

Xedearen azalpena: Erabiltzailearen datuak bere kontsulta, kexa edo erreklamazioa izapidetu eta erantzun pertsonalizatua eskaintzeko tratatuko dira, “Bezeroen inprimakia” dokumentuaren bidez eta Correosek eskura jarritako eta erabiltzaileak baliatutako beste edozein komunikazio kanalen bidez ere. 

Xede horretarako tratatuko diren datuak: izena, abizenak, helbide elektronikoa eta, egokia bada, enpresa. 

Horrez gain eta kontsultaren izaeraren arabera, datu pertsonal hauek tratatuko dira. 

• Bidalketak jaso eta kudeatzea: bidalketa edo eskaeraren zk. 

• Finantza produktuak. Produktu hauen inguruko kontsultak egiteko, egokia denean, igorpen zenbakia, eragiketa zenbakia, MTCN edo txartel zenbakia eskatuko da, kontsultarekin lotutako finantza produktuaren arabera.

• Fakturazioa: egokia denean, bidalketa zenbakia, eskari zenbakia edo faktura zenbakia eskatuko da. 

• Laguntza teknikoa: gorabeherarekin lotutako gaiaren arabera: (i) Citypaq: bidalketa edo terminal zenbakia; (ii) Correosen webgunea: bidalketa edo erreklamazio zenbakia; (iii) Nire Bulegoa (birtuala): Nire Bulegoa erabiltzailea; (iv) Correos aplikazioa: aplikazioko erabiltzaile izena; (v) zibersegurtasun auzia: bidaltzailearen helbide elektronikoa.

Erabiltzaileak bermatzen du eskatutako zerbitzuak emateko Correos sozietateari emandako datuak errealitatearekin bat datozela eta haien edozein aldaketa jakinaraziko duela. Ondorioz, erabiltzailea izango da Correos sozietatearen eta hirugarrenen aurrean erantzule klausula honetan onartutako betebeharrak ez betetzetik eratorritako kalte edo galeren kasuan.

Inprimakian izartxoarekin adierazitako datu guztiak nahitaezkoak dira.

Legitimazio oinarria: Tratamenduaren oinarria kontratu bat gauzatzea edo interesdunak eskatuta kontratuaren aurreko neurriak ezartzea da.

B. Legezko betebeharrak betetzea.

Xedearen azalpena: Dagozkion betebeharrak betez, Correosek zure datuak jakinarazi ahal izango dizkie Administrazio Publikoei eta auzitegiei, baldin eta ezarritako legezko prozesuei jarraikiz eskatu bada informazioa.

Xede horretarako tratatuko diren datuak: Xede honekin tratatuko dira legezko obligazioak betetzeko beharrezkoak diren datuak, araudi aplikagarriaren arabera.

Legitimazio oinarria: Tratamenduaren oinarria legezko obligazio bat betetzea da.

C. Gogobetetze inkestak

Xedearen azalpena: Correosek erabiltzaileen iritzia ezagutzeko interes legitimoa dauka, bai erabiltzaileen arreta zerbitzuari buruzkoa eta baita kontsulten ebazpenari buruzkoa ere.

Aurreko paragrafoan azaldu den helburua lortzeko, Correosek Bezeroen Inprimaki bidez emandako datuak tratatu ahalko ditu, eta gogobetetze inkestak egin ahalko ditu ere, telefonoz zein bestelako bitarteko elektronikoen bidez.

Hala ere, honelako komunikazioak jasotzeari aurka egin diezaiokezu bitarteko hauetako bat baliatuta:

• Datu pertsonalak biltzeko momentuan ageri den inkestak egitea aurkaratzeko laukia markatuta. 

• Helbide honetara bidalitako mezu elektroniko bidez: derechos.protecciondatos.correos@correos.com.

• Gogobetetasun inkesta bat jasotzen den bakoitzean adierazten diren baja mekanismoak baliatuta. 

Xede horretarako tratatuko diren datuak: erabiltzailearen helbide elektronikoa.  

Legitimazio oinarria: Tratamenduaren oinarria CORREOSen interes legitimoa da.

D. Informazio estatistikoa

Tratatuko diren datuak: Erabiltzaileak zenbait ekintzen bidez emandako datuak, esaterako:

• Correosek eskura jarri dizkion inprimakiak beteta, hala nola izen-abizenak, helbidea, bidalketa kodea, erreklamazio/kontsultaren arrazoia.

• Correosi zuzenki bidalitako komunikazio pribatuak.

Xedearen azalpena: Correosek multzokatuta edo bakarka erabiliko du informazio hori erabiltzaile eta bezeroen kontsulta, kexa edo erreklamazioen arrazoiak ezagutzeko eta emandako zerbitzuak hobetzeko.

Legitimazio oinarria: Tratamenduaren oinarria CORREOSen interes legitimoa da.

E. Datu pertsonalak agenteen pantailetako grabaketa bidez atzitzea eta, ondoren, datuok anonimizatzea, bezeroen arretarako prozesuak aztertzeko 

Tratatuko diren datuak: Interesdunak zuzenki bezeroen arretarako zerbitzuei helarazitako harremanetarako inprimakien bitartez bildutako datuak tratatuko dira: identifikazio datuak (izena, abizenak, NAN edo beste identifikazio agiri fede-emaile baten zenbakia eta sinadura) eta harremanetarako datuak (telefono zenbakia eta helbide elektronikoa). Interesdunak bezeroen arretarako zerbitzuei zuzendutako komunikazioetan jakinarazitako gainerako datu pertsonalak ere tratatu ahalko dira.

Xedearen azalpena: Correosek gorago adierazitako datu pertsonalak bilduko ditu, bezeroen arretarako agenteen pantailetako grabaketa bidez, bezeroen arretarako telefono bidezko zerbitzua ematean. Ondoren, datu horiek anonimizatu eta aztertuko ditu, barne prozesuak hobetzeko helburuarekin. 

Legitimazio oinarria: tratamendua beharrezkoa da Correosen interes legitimoak asebetetzeko, datu anonimizatuen analisiaren bitartez bezeroen arretarako prozesuak hobetzeko eta efizientzia areagotzeko helburuekin.

 

3. Datuak gordetzeko epea

Kontsulta, kexa edo erreklamazioa izapidetzeko behar den epean zehar gordeko dira datu pertsonalak. Epea amaitu ondoren, datuak ezabatuko dira datuen babesari buruzko araudiari jarraituz. Horrek esan nahi du blokeatuko direla, eta bakarrik egongo dira eskuragai epaileek eta auzitegiek, Ministerio Fiskalak, edo Administrazio Publiko eskudunek eskatzen badituzte, eratorritako akzioen preskripzio epean zehar; ondoren, ezabatuko dira.

 

4. Zure eskubideak

Datuak babesteko gure araudiak zenbait eskubide ematen dizkizu gure zerbitzuek egiten duten datuen tratamenduari dagokionez. Ondorengo hauek dira, laburbilduta:

• Atzipen eskubidea: eskubide hau baliatuz gero, zer datu mota tratatzen ari garen eta egiten ari garen tratamenduaren ezaugarriak ezagutuko dituzu. 

• Zuzenketa eskubidea: eskubide hau baliatuz gero, datuak aldatzea eskatu ahal izango duzu, zehatzak edo egiazkoak ez badira. 

• Eramangarritasun eskubidea: eskubide hau baliatuz gero, tratatzen ari diren datuen kopia formatu elkarreragingarri batean eskuratu ahal izango duzu, Legeak aurreikusitako kasuetan.

• Tratamendua mugatzeko eskubidea: eskubide hau baliatuz gero, zure datuen tratamendua mugatzeko aukera izango duzu, Legeak aurreikusitako kasuetan.

• Ezabaketa eskubidea: eskubide hau baliatuz gero, datuak ezabatzea eskatu ahalko duzu, Legean aurreikusitako baldintzak betetzen badira.

• Aurkaratze eskubidea:  eskubide hau baliatuz gero, datuen tratamenduaren aurka egin ahal izango duzu, Legeak aurreikusitako kasuetan.

• Emandako baimena atzera botatzeko eskubidea, hala badagokio.

Zure eskubideak jarraian adierazitako kanalen bidez balia ditzakezu, baliatu nahi duzun eskubidea adierazita eta Nortasun Agiri Nazionalaren edo baliokidea den dokumentu baten kopia erantsita, beharrezkoa izan daitekeen beste edozein dokumentaziorekin batera: 

a) Posta helbidea: Calle del Conde de Peñalver, nº 19, 28006 Madrid (España)

b) Helbide elektronikoa: derechos.protecciondatos.correos@correos.com

Datuak Babesteko Espainiako Bulegoaren (AEPD, gaztelaniaz) webgunean hainbat eredu aurki ditzakezu, zure eskubideak baliatzen lagunduko dizutenak. Halaber, kontrol agintaritzaren aurrean (Espainian, AEPD) erreklamazio bat aurkezteko eskubidea daukazula jakinarazten dizugu, zure eskubideak urratu direla uste baduzu; eta Correoseko Datuak Babesteko Ordezkariarekin (DPD edo DPO, gaztelaniaz) harremanetan jartzeko eskubidea ere, helbide honetan: dpdgrupocorreos@correos.com.