Paquete Azul (Pakete Urdina)

Paquete Azul tamaina handieneko bidalketetarako aukerarik onena da:

• Segurtasunik handiena: entregak banaka identifikatu eta erregistratzen dira. Balio komertzialeko edo balio komertzialik gabeko bidalketetarako diseinatua.
• Bermearekin: entrega etxean egiten da hartzailearen sinadura bidez. Hala eta guztiz ere entrega ezin bada egin, postontzian ohar bat utziko dugu adierazitako bulegoarekin bidalketa 15 egun igaro baino lehen jasotzeko. 
• Zure lasaitasunerako: eskatu bidalketaren jarraipena bidalketa-bilatzaile edo telefonoaren bidez.
• Zure beharretara egokitua: eskuragarri 20 kg-ra arteko bidalketa nazionaletarako eta Andorrarako bidalketetarako.

Zeuk aukeratzen duzu bilgarri ezin hobea. Produktu ugari eros ditzakezu gure Online Dendan eta Correoseko bulego guztietan! 

Hori bai, tamaina neurri hauetara doitu behar da:

Gehienez:

• Kutxa: Luzera + Altuera + Zabalera = 200 cm; neurri batek ere ezin du 100 cm gainditu.
• Biribilkia edo hodia: Luzera = 100 cm. Diametroa = 15 cm.

Gutxienez:

• Kutxa: 14 x 9 cm.
• Biribilkia edo hodia: Luzera + bi aldiz diametroa = 17 cm, eta neurri batek ere ezin du 10 cm baino txikiago izan.

Zerbait txikiagoa bidali nahi baduzu, ez zaitez kezkatu, nahikoa duzu 10 x 7 cm-ko etiketa bat eranstearekin, bertan helbidea eta frankeoa adierazita.

Pisua: 20 kg-ra arte.

Pisu bolumetrikoa: gehienez 50 kg. 

Pisu bolumetrikoa pakete baten pisua da, baina neurriak kontuan hartuta. Gure tarifak kalkulatzeko, garraio-enpresok neurri hori erabili ohi dugu pisu errealaren ordez; izan ere, ez du toki bera hartzen tamaina handiko objektu baten kg bat edo objektu txiki baten kilo bat garraiatzeak, nahiz eta pisua berbera izan.

Correosen 167 kg/m³-ko pisua/bolumena irizpidea aplikatzen dugu paketea onartzeko unean, formula honi jarraituz: luzera x altuera x zabalera cm-tan / 6.000.

Jada guri nora bidali nahi duzun esatea besterik ez zaizu geratzen:

• Oso garrantzitsua da zure datuak eta hartzailearenak bilgarrian jarrita egotea, ikusteko moduan. 
• Adierazitako helbidean entregatzen da sinadurarekin. Entrega ezin bada egin, bidalketa 15 egunez egongo da eskuragarri zugandik gertuen dagoen bulegoan. 
• Gogoan izan etiketa sortzeko eta bidalketa ordaintzeko hona joan zaitezkeela. 

Bidalketa helmugara iristean arazoren bat egonez gero, Correosek kalte-ordaina emango dizu. Ordaina hartzaileak jasotzea nahiago baduzu, sinatutako baimena aurkeztu beharko duzu.

Badakigu gutaz fidatzen zarela; horregatik, horrela eskertzen dizugu:

Bidalketa nazionaletarako bermeak:

Bidalketa hondatu edo galtzeagatik:

• Gertaera edo erreklamazioa egiteko epeak: gutxienez 10 egun bidalketa hondatzeagatik eta 7 egun galtzeagatik, eta gehienez 4 hilabete bidalketaren onarpen-datatik aurrera.
• Kalte-ordaina: 23,44 € + asegurua, baldin eta kontratatu baduzu.

Kalte-ordainaren zenbatekoari Adierazitako balioa gehitu beharko zaio, baldin eta kontratatu baduzu. Ezbeharra jazotzen bada, honako zenbateko hauetako zenbatekorik txikiena ordainduko zaizu:

• Adierazitako balioa.
  • Galdutako objektua birjartzea.
  • Kaltetutako objektua konpontzea.
• Baldintzak: beharrezkoa da hondatzeari buruz bidalketa jasotzerakoan berri ematea. Bestela, bidalketa egoera onean entregatu dela izango da kontuan eta ez dugu erreklamaziorik onartuko.
• Aurkeztu beharreko dokumentuak: bilgarriaren eta hondatutako edukiaren argazkiak eskatu ahal izango dizkizugu, kaltea eta bidalketaren osotasuna bermatzeko bilgarri egokia zuen egiaztatzeko. Bidalketa onartzean, hura nola prestatu aholkatu eta bilgarririk egokiena eskain diezazukete gure langileek.
• Asegurua edo Adierazitako balioa duen bidalketa bat galtzeagatik, hondatzeagatik edo edukia faltatzeagatik erreklamazioa aurkeztuz gero, merkantziaren balioa egiaztatzen duen agiria edo konponketaren edo birjartzearen faktura eskatu ahal izango dugu.

Bilatugertuen duzun Correosen bulegoa eta ekarri zure bidalketa; ahal bezain laster entregatuko dugu.