Telegrama

Zure mezu urgenteenak fidagarritasun handienarekin bidaltzea.

BIDALI
Telegrama BIDALI

Zerbitzu gehigarriak

Hartu-agiria

Dokumentu telegrafikoa jaso izanaren idatzizko jakinarazpena emango dizugu. Horrela, bidalketaren hartzailea eta jasotzearen data eta ordua jasota geratzen dira. 

Kopia ziurtatua

Igorlea bazara, gorde Burofax edo Telegrama bidez bidali duzun kopia kautotua. Bidalketa egiten duzun unean edo geroago eska dezakezu zerbitzu hori. Legezko balioarekin hirugarrenen aurrean.

Entregaren Froga Elektronikoa (PEE)

Entrega ziurtatuaren frogagiri digitala.
INFORMAZIO GEHIAGO

Entregaren froga elektronikoa

Entregaren frogagiri ziurtatua, denbora-zigiluarekin elektronikoki sinatua eta hartzailearen sinaduraren xehetasunarekin, PDF fitxategi baten bidez bidalia. Correosen berme osoarekin. 

CSV (Egiaztapen Kode Ziurtatua) bisorearen bidez egiazta daiteke. Bisoreak fitxategia deskargatzeko aukera ematen dizu, denbora-zigiluaren eta bertan dauden sinaduren osotasuna eta benetakotasuna egiaztatzeko.

Ziurtagiriak

Erregistratutako bidalketetarako, entrega-ziurtagiriaren zerbitzu gehigarria, beharrezkoa den helburuetarako jasota gera dadin, eta hirugarrenen aurrean legezko balioa izan dezan. 

Eduki-ziurtagiria

Burofax bidez bidalitako mezuaren edukia ziurtatzen dizugu. Mezu horrek legezko froga gisa balio du hirugarrenen aurrean. Bidalketa onartu eta handik bost urtera arte ere eska daiteke.

Zaintza 120 hilabetez

Eskatu zure bidalketa denbora gehiagoz gordetzea, 60 eta 120 hilabete bitartean, epe horretan edukia ziurtatzea eskatu behar badiguzu.
Erregistratu Mi Oficina-n eta hautatu Telegrama Nacional edo Internacional bidali nahi duzun. Zure bidalketari identifikatzaile bat jar diezaiokezu, zure kontutik kudeatzeko.  
Prestatu telegrama, testua idatzi edo aurrez definitutako mezuren bat aukeratuta.
Gehitu hartzaileak banaka, fitxategiak kargatuta, edo aurreko bidalketetako hartzaileak berrerabilita, eta gehitu produktu honen bestelako zerbitzuren bat.
Ordaindu kreditu- edo zordunketa-txartelarekin, PayPal-ekin edo Correosen kontratu baten kargura. 

Produktuari buruzko informazioa

Deskribapena

Correosen Telegramarekin, zure mezu urgenteenak noiznahi eta etxetik mugitu gabe bidal ditzakezu. Entrega hartzailearen sinadurapean egingo da, eta ohar bat bidaliko dizugu, jasota gera dadin.

Halaber, telegramaren edukiaren eta entregaren abisuaren kopia ziurtatua eska dezakezu, epaile eta auzitegien aurrean froga-balioa duena eta hirugarrenen aurrean legezko balioa duena. 

Bidaltzeko modua

  • Aurrez aurre, Correoseko edozein bulegotan. Ordainketa txartelarekin edo eskudiruarekin egin dezakezu
  • Online eta edozein tokitatik, gure webguneko Mi Oficina zerbitzuaren bidez. Ordainketa kreditu txartelaren bidez eginen da.

Azkenik, nora bidali nahi duzun esan beharko diguzu:

  • Hartzailearen etxea.
  • Correoseko bulegoak.
  • Correoseko posta-kutxetan.

Bermeak eta entrega-epeak

Correosi egotz dakiokeen atzerapenagatik, Telegramari dagokion tarifa itzultzen da balio erantsirik gabe.

Bidalketa nazionaletarako bermeak:

  • Gorabehera edo erreklamazioa aurkezteko epeak: gutxienez 2 egun eta gehienez 6 hilabete.
  • Kalte-ordaina: ordaindutako tarifa itzultzen da zerbitzu gehigarriak kontuan hartu gabe.
  • Baldintzak: egun berean entregatuko dira eguerdiko 13:00ak baino lehen onartutako eta Banaketa Berezien Unitatea duten udalerrietara helbideratutako bidalketak. Gainontzeko bidalketak hurrengo egun balioduneko goizean entregatuko dira. Larunbatak, igandeak eta jaiegunak izan ezik.
  • Online telegrama bat baldin bada, entrega-epeak beteko dira online onartzeko prozesua 12:45ak baino lehen bete bada eta bidalketaren norakoa banaketa bereziko unitateak dituzten herriak badira.
Nazioarteko bidalketetarako bermeak:
  • Gorabehera edo erreklamazioa aurkezteko epeak: gutxienez 3 egun eta gehienez 4 hilabete.
  • Kalte-ordaina: ordaindutako tarifa itzultzen da zerbitzu gehigarriak kontuan hartu gabe, Correosi egotz dakiokeen atzerapena gertatzen bada.
  • Baldintzak: epeak helmugako herrialdearen araberakoak izango dira.

Gogoratu entrega epeak beteko direla online onartzeko prozesua 12:45ean baino lehen bete bada eta bidalketaren norakoa banaketa bereziko unitateak dituzten herriak badira.