Correos Market

Correosek eskubidea du iragarle, ekoizle edo sortzaile oro ikuskatzeko, betatzeko edo haren jarduera eteteko, baldin eta kalitate-bereizgarria lortzeko beharrezko baldintzak betetzen ez baditu:

• Correos Marketen produktuak Espainian egin, sortu edo tratatu dira.
• Osasunari buruz (elikadura, edaria eta edertasuna) eta lanari buruz (kategoria guztietan) indarrean dagoen araudia betetzen da.
• Produktuak sortzeko, ekoizteko edo prozesatzeko prozesuetan erabilitako osagai, lehengai eta gainerako elementuen kalitatea zaintzen da.
• Artisautzarekin zerikusia duten prozesuetan, erabilitako sorkuntzen eta prozesuen arte-aberastasuna defendatzen eta sustatzen da.
• Sorkuntza-teknikak eta ekoizpen-prozesuak Correos Marketeko kalitate-gainbegiratzearen arabera garatzen dira.
• Jatorrizko deitura bermatua duten material naturalen erabilera sustatzen da.
• Ekoizle, sortzaile eta banatzaile guztiek baimendutako pertsona fisiko edo juridikoak izan beharko dute eta beren jarduera ekonomikoari atxikita egon beharko dute.
• Baliabideen erabilera arduratsua eta jasangarria baloratzen da, bai eta jarduerak garatzeko erantzukizun soziala ere.

Eskaerak astelehenetik ostiralera (jaiegunak sartu gabe) bidaliko dira estatu mailan, Correosen Paq Premium zerbitzua erabiliz. Bidalketa estandar bat entregatzeko lehen saiorako gehienezko epea 24 ordutik 48 ordura bitartekoa da, helmugaren arabera eta larunbatak kontuan hartu gabe.

Correosen eskubidea dugu entregak edo bilketak egiteko adostutako ordutegiak aldatzeko, gure antolaketa-beharren arabera.

Aukeratu ahal izango duzu etxean, Correoseko bulego batean edo CityPaq batean jaso nahi duzun. Produkturen baten ezaugarriak direla-eta modalitate guztietan entregatzea ezinezkoa bada, egoera hori produktuaren fitxan zehaztuta egongo da. Correosek sinadurapean adierazitako helbidean entregatuko dela bermatzen du:

• Etxean: eskaera zure etxean jasoko duzularik, aurretik SMS edo posta elektroniko bidez jakinaraziko dizugu. Horretarako, zure helbidea eman beharko diguzu eta emandako datuen egiazkotasunaren eta benetakotasunaren erantzule izango zara. Zerbitzu honetan bi entrega-saiakera egingo ditugu; beraz, paketearen pisuaren edo bolumenaren edo etxebizitzaren ezaugarrien ondorioz egiterik ez badago, kalean edo hurbilen dagoen Correosen bulegoan entregatuko da, aurrez zurekin adostuta. Bulegoan 15 egun izanen dituzu jasotzeko.
• Correosen posta-bulegoan: nahi duzun bulegoan jaso ahal izango duzu eskaera, 15 eguneko epean, entregaren jakinarazpenarekin SMS edo mezu elektronikoa jaso duzunetik zenbatzen hasita.

Gogoratu baldintza hauek onartzen badira soilik ziurta dezakegula SMS edo mezu elektroniko horien bidalketa:

• Igortzeko ordutegia astelehenetik ostiralera da, 9:00etatik 21:00etara, eta larunbatetan, 9:00etatik 14:00etara.
• Berariaz onartzen duzu Correosek adostutako ordutegi eta egun batzuen barruan SMSak edo mezu elektronikoak bidaltzeak ez duela bermatzen parametro horien barruan jasoko dituzunik; beraz, ezin zaio inola ere Correosi egotzi jasotzearen erantzukizuna.
• Agerian adierazten eta bermatzen diozu Correosi baimen argia duela harremanetarako zure datuak izateko, eta beraz eskaera iritsi dela jakinarazi ahal dizugu.

Bestalde, zure bidalketen egoerari buruzko informazioa izango duzu uneoro, gure lokalizatzailearen bidez.

Bigarren entrega saioa lehen saioaren biharamunean eginen da helmuga nagusietarako, eta egun bat beranduago 10.000 biztanle baino gutxiagoko herrietarako.

Produktuen prezioak BEZa barne dela erakutsiko dira, bai eta eskaintzan aplikagarri diren igoera edo deskontuak eta jasanarazten zaizkion gastu gehigarriak ere. Hala, produktuaren azken prezioa jakin ahal izango duzu erosketa-orgara gehitu aurretik, ez baituzu bidalketa-gasturik zure gain hartu beharko.

Erosketa-inprimakia betez eskaera bat egitean, une horretan indarrean dauden prezioak eta salmenta-baldintzak onartzen dira, eta, beraz, ezin izango dira aldatu bi aldeek berariaz adosten ez badute.

Ordaintzeko moduak zordunketa- edo kreditu-txartelak edo payPal izango dira, eta txartelaren laburpenean ikusiko duzun kargua Correosen izenean egongo da. Gogoan izan batzuetan 60 egun arteko atzerapenak izan daitezkeela kobrantza-eragiketetan.

Erosketaren faktura nahi baduzu, Correosek eskaera tramitatuko du eta garaiz igor dezan jakinaraziko diogu saltzaileari.

Erositako produktuaren izakinik ez badago, egoera hori berehala jakinaraziko dizute, eta ordaindutako zenbatekoa itzuliko dizute.

Kreditu- edo zordunketa-txartelarekin eskaera bat egitean ordainketa baimendu ondoren, bankuak eskaeraren zenbateko osoa atxikiko du saltzaileak onartzen duen arte. Edozein arrazoirengatik ezeztatuz gero, bankuak ez du transferentziarik egingo eta dagokizun zenbatekoa zure kontuan libratuko du berriro. Prozesu horrek 3 eta 5 egun natural bitartean iraun dezake; beraz, onartu beharko duzu ez Correosek ez saltzaileak ez dutela erantzukizunik zenbatekoa zure kontuan libratzen bankua atzeratzen bada.

Produktu bakoitzak bere funtsezko ezaugarrien deskribapena izango du, erosi aurretik xehetasun guztiak ezagut ditzazun:

• Nahi dituzun produktuak eta behar dituzun unitateak sartu orgatxoan, produktuak saltzaile ezberdinenak badira ere. Horiek eskuratzeko, saioa hasi, erregistratu edo gonbidatu gisa erosi beharko duzu.
• Datuak zehatz-mehatz adierazi beharko dituzu bidalketan nahasterik edo gorabeherarik gerta ez dadin, eta dagokion laukia onartu beharko duzu, datuak gure datu-basean sartuko baitira eskaera prozesatu eta erosketaren entrega errazteko.
• Eskaera berretsi eta ordaindu kreditu- edo zordunketa-txartelaren bidez edo PayPal bidez. Kargua online egingo da dagokion bankuaren ordainketa-pasabidearen bidez, jakinarazitako datuak zuzenak direla egiaztatu ondoren. Transakzioa berrestean, mezu elektroniko bat bidaliko dizugu aurrez adierazitako helbidera, 24 orduko epean. Mezu horretan jakinaraziko dizugu eskaera berretsi den, eta erosketa egitean adostutako metodoaren arabera kargatuko zaizu ordainketa. Eskaera berresten bada, beste mezu elektroniko bat jasoko duzu erositako produktuen deskribapenarekin eta eskaera-zenbakiarekin. Zenbaki horrek erosketa behar bezala egin dela bermatzen du. Mezu hori jasotzen ez baduzu, baliteke sareak huts egin izana edo adierazitako posta-helbidean akatsen bat egotea. Bi kasuetan, komeni zaizu market@correos.com helbidera idaztea.
• Dagoeneko erregistratuta bazaude, eskaera zure eremu pribatuan gordeko da, eta behar duzunean sartu ahal izango zara erregistroan emandako erabiltzaile eta pasahitzarekin. Erregistratuta ez bazaude, ez dago arazorik: erosketan adierazitako helbide elektronikora bidaliko dizkizugu zenbakia eta eskaeraren jarraipena, une oro eskura izan dezazun.

Correosek saltzaile bakoitzari erositako produktuen berri emango dio, gure marketplaceak eskaera berean hainbat saltzaileren produktuak erosteko aukera ematen baitu.

Saltzailea da erantzule bakarra eskaeraren bat errefusatzen bada. Horregatik, Correos Market-en salgai dituen produktuen stocka eguneratuta edukitzeko konpromisoa hartu behar du.

Halaber, saltzaileak kudeatuko ditu erositako salgaiak, bidalketa-etiketa erabiliz. Etiketa hori bere kudeaketa pribatuko eremuan prozesatuko du.

Indarrean dagoen legediaren arabera, ezin izango dituzu eskaera jakin batzuk itzuli:

• Azkar hondatu edo iraungi daitezkeen elikagaiak.
• Zigilatutako produktuak, osasuna edo higienea babesteko itzuli ezin direnak eta entregatu ondoren ireki direnak.

Saltzaileak bere gain hartu behar ditu bezeroaren eta kontsumitzailearen eskubideak erregulatzen dituen araudiaren ondoriozko betebeharrak, eta kontratuari uko egiteko aukera eskaini behar dizu 14 egun naturaleko epean erosketak itzuliz. Jatorrizko bilgarririk gabe itzultzen baduzu produktua, erosketan ordaindu zenuena baino gutxiago itzuli ahalko zaizu.

Itzultzeko epea 14 egun naturaletan amaituko da, eskaera entregatu zen egunetik zenbatzen hasita. Eskaera berean produktu bat baino gehiago erosi badituzu eta bereizita entregatu bazaizkizu, azken produktua jaso duzun egunetik hasiko da epea.

Produktu bat itzultzeko eskatzeko, saltzailearekin harremanetan jarri behar duzu bere fitxan agertzen diren harremanetarako datuak erabiliz. Horrela, saltzailea izango da itzulketa kudeatzeko eta zuri dagozkion ondorioen berri emateko arduraduna.

Itzuli nahi duzun eskaeraren ordainketa Correosen eskutik saltzaileak jaso ez badu, geuk itzuliko dizugu erosketagatik ordaindutako zenbatekoa. 

Bezeroaren eta saltzailearen arteko auziak haiek zuzenean konponduko dituzte, beraz, irtenbide adiskidetsua lortzen saiatu beharko dute. Behar izanez gero, eskatutako produktua birbidali edo itzuliko da.

Saltzailea eta bezeroa enpresaburu eta kontsumitzaile badira, Europako Parlamentuaren eta Kontseiluaren 2013ko maiatzaren 21eko 524/2013 (EB) Erregelamenduan xedatutakoaren arabera, Europako Batzordeak auziak judizioz kanpo ebazteko online plataforma bat eskaintzen du, zure erreklamazioak aurkeztu ahal izateko.

Correosek ez du inoiz erantzukizunik izanen honako egoera hauen aurrean:

• Bezeroak Correos Market-era sartzeari edo webguneko informazioa erabiltzeari buruzko edozein arau betetzen ez badu.
• Hirugarren pertsonek Correos Market-en agertzen diren marken edo produktuen izenak legez kontra erabiltzen badituzte.
• Saltzaileek emandako informazioaz egindako erabilera.
• Hirugarren zerbitzu-hornitzaileen egintzak eta omisioak, Correosekin kontratu-lotura izan ala ez.
• Zerbitzu-etenak, sarbide-hornitzaileek egindako akatsengatik, sarearen behin-behineko akatsengatik edo sistema informatikoaren, konexio- edo nabigazio-softwarearen, telefono-sarearen, ADSLaren, kablearen, satelitearen eta beste edozein garraio- edo komunikazio-azpiegituraren ondoriozko arazoengatik.
• Nahigabeko eta nahita eragindako interferentziek eragindako alterazioak: birusak, zerbitzarien erorketak, fitxategiak ezabatzea, datu-basean kalteak, suteak, leherketak, uholdeak, hirugarrenen indarkeriazko ekintzak, arazo elektrikoak (gehiegizko korrontea edo korronterik eza), edo ekipo zerbitzarien funtzionamenduan eta horietan gordetako informazioan eragina izan dezakeen edo eragina duen beste edozein.
• Bezeroaren zerbitzaria erortzea, gehiegi edo gaizki erabiltzeagatik, kanpoko erasoengatik, hardware edo software akatsengatik eta antzekoengatik.
• Zerbitzariaren funtzionamendu txarrak eragindako akatsak.
• Helbide elektronikoen aldaketen berri ez ematea Correosi. Saltzailea informazio hori garaiz emateko arduraduna da, arduragabekeria saihesteko.
• Correosen kontroletik kanpoko inguruabarrak, hala nola informazioa istripuz galtzea, saltzailearen ekipo terminalak gaizki erabiltzeagatik hondatzea, bezeroaren konfigurazioan akatsak edo hutsegitea edo antzekoak.
• Saltzaileak edo hirugarrenek telekomunikazio-sareetako akatsen edo deskonexioen ondorioz edo hirugarren zerbitzu-hornitzaileei egotzi ahal zaizkien arrazoiengatik jasan ditzaketen kalteak.
• Correos Marketen argitaratutako produktuetan gerta daitezkeen gorabeherak. Saltzailea da horien erantzule.
• Entrega-epea atzeratzea edo ez betetzea, Correosekin zerikusirik ez duten arrazoiengatik. Xedapen horrek ez dio eragiten bezeroak bere eskaera aurreikusitako epean jasotzeko duen eskubideari, ez eta dagokion itzulketa jasotzeko eskubideari ere, saltzaileak ezin badu eskaera adostutako epean entregatu. Horregatik, erantzukizuna saltzailearena izango da soilik.
• Saltzaileen eskaintza, ekintza, produktu eta edukirik ez.