Dibisa-trukea etxean

Correos-ek eta Global Exchange-k gauzak erraztuko dizkizute atzerrira bidaiatzen duzunean: aurkitu dibisa-aldaketarako bulegoa Correos-eko gure sukurtsaletan, edo, nahiago baduzu, etxerako dibisa-zerbitzua erabil dezakezu.

ESKATU DIBISA-ALDAKETA
Dibisa-trukea etxean ESKATU DIBISA-ALDAKETA

Online eskaera
Sartu gure webgunean eta aukeratu behar duzun dibisa. Aldatu euroak dolarretara edo beste 70 dibisatara.
Adierazi non jaso nahi duzun dibisa-aldaketa: etxean, zuk aukeratutako helbide batean edo Correos-eko bulego batean
 Bete inprimakia dibisa-aldaketaren eragiketa baliozkotu ahal izateko. Eskura izan indarreko NAN edo AIZ!
Kito! Ordaindu txartelarekin aldatu nahi duzun zenbatekoa edo ordaindu dirua jasotzen duzunean.

Eskaera Correos bulegoan
Zoaz hurbilen duzun Correos bulegora. Ez ahaztu zure mugikorra, SMS bidez terminoak eta baldintzak onartzeko.
Adieraz iezaguzu atzerriko zein dibisa behar duzun eta zenbatekoa, erakusmahaitik dibisa-aldaketa eska dezagun. 
Eman zure datuak Correos-eko langileari, atzerriko dibisara aldatzeko eragiketa baliozkotzeko. Eskura izan indarreko NAN edo AIZ!
Kito! Aukeratu ordainketa txartelaren bidez edo jasotzean egitea, eta jaso atzerriko dibisa aukeratzen duzun Correos bulegoan edo nahi duzun helbidean.

Correosen dibisa-trukerako zerbitzua

Deskribapena

Global Exchange-rekin batera, Correos-ek zure eskura jartzen du atzerriko dibisa egun gutxitan eta segurtasun osoz lortzeko modu eroso eta erraza. Behar duzun monetara egin ahalko duzu dibisa-trukea, erabilgarri dauden 70 baino aukera gehiagoren artetik hautatuta.

Eta zure dirua jasotzeko ez duzu etxetik edo lantokitik mugitu beharrik izango: Gu arduratuko gara adierazten diguzun helbidera eramateaz! Hala ere, eta nahiago baduzu, gure edozein bulegotan jaso ahalko duzu.

Gogoratu! Ez dago zerbitzua eskatzeko gutxieneko kopururik, baina eskaera bakoitzeko, gehienez, 5.900 euro eska daitezke hiruhileko natural bakoitzean pertsonako.

Zerbitzu hori, une honetan, bizilekua Penintsulan edo Balearretan duen pertsonarentzat dago erabilgarri. Ezin dugu eskaini Kanarietan, Ceutan eta Melillan, oraingoz.

Erabilgarri dauden dibisak

Ikus itzazu zerbitzu honen bitartez eskatu ahalko dituzun dibisak:

AED (Arabiar Emirerrietako Dirhama), ARS (Peso Argentinarra),AUD (Dolar Australiarra), BGN (Lev Bulgariarra), BOB (Boliviarra), BRL (Erreal Brasildarra), CAD (Dolar Kanadarra),CHF (Franko Suitzarra), CLP (Peso Txiletarra), CNY (Yuan Txinatarra), COP (Peso Kolonbiarra), CRC (Colon Costarricarra), CVE (Ezkutu Caboverdetarra), CZK (Koroa Txekiarra), DKK (Koroa Danimarkarra), DOP (Peso Dominikarra), DZD (Dinar Argeliarra), EGP (Libera Egiptoarra), GBP (Libera Esterlina), GMD (Dalasia), GTQ (Ketzal Guatemalarra), HKD (Dolar Hongkongdarra), HUF (Florin Hungariarra), IDR (Errupia Indonesiarra), ILS (Shekel berri Israeldarra), INR (Errupia Indiarra), ISK (Koroa Islandiarra), JMD (Dolar Jamaikarra), JOD (Dinar Jordaniarra), JPY (Yen Japoniarra), KES (Txelin Kenyarra), KHR (Riel Kanbodiarra), KRW (Won Hegokorearra), KWD (Dinar Kuwaitarra), LKR (Errupia Srilankarra), MAD (Dirham Marokoarra), MUR (Errupia Mauriziarra), MVR (Errupia  Maldivarra), MXN (Peso Mexikarra), MYR (Ringit Malaysiarra), NIO (Cordoba Nikaraguarra), NIP (Libera Irlandarra), NPR (Errupia Nepaldarra), NOK (Koroa Norvegiarra), NZD (Dolar Zeelandaberritarra), OMR (Rial Omandarra), PEN (Sol Berri Peruatarra), PHP (Peso Filipinarra), PLN ( Zloty Poloniarra), PYG (Guarani Paraguaitarra), QAR (Riyal Qatartarra), RON (Leu Errumaniarra), RSD (Dinar Serbiarra), RUB (Errublo Errusiarra), SAR (Riyal Saudiarabiarra), SCP (Libera Eskoziarra), SEK (Koroa Suediarra), SGD (Dolar Singapurtarra), THB (Baht Thailandiarra), TND (Dinar Tunisiarra), TRY (Lira Turkiarra), TTD (Trinidad eta Tobagoko Dolarra), TWD (Dolar Taiwandarra), TZS (Txelin Tanzaniarra), UAH (Hryvnia Ukrainarra), USD (Dolar Estatubatuarra), UYU (Peso Uruguaitarra), VND (Dong Vietnamdarra), XAF (ACko CFA Frankoa), XOF (AOko CFA Frankoa), ZAR (Rand Hegoafrikarra).

Gogoan izan dibisa kopurua eta eskuragarri dagoen zenbatekoa aldatu egin daitezkeela, merkatuaren eskaintza eta eskaeraren arabera.

Dibisa-trukea egiteko erabil daitezkeen nortasun-agiriak

Dibisa trukatzeko zerbitzua erabili behar duzun bakoitzean indarrean duzun zure nortasun-agiria (NANa edo AIZ) aurkeztu behar duzu, kapitalak zuritzeari eta terrorismoaren finantzaketari buruzko araudia betez. Gainera, eskura izan beharko duzu zure atzerriko dibisa entregatzean, gure banatzaileek zure nortasuna egiaztatu beharko baitute.

Era horretan, zure dibisa-trukeak seguruak izango dira beti!

Entregatzeko baldintzak eta epeak

Zure dibisa-trukeak erosoak eta azkarrak izatea nahi dugu!

Horregatik, 2-4 laneguneko epean jaso ahal izango duzu eskaera, ordainketa egiten duzunetik. Epe horiek berberak izanen dira etxean, hautatzen duzun beste entrega-helbide batean edo Correos-en bulegoetan entregatzen denean.

Etxean edo lantokian entregatzea aukeratzen baduzu, gure mezulariak bi entrega-saiakera egingo dituzte. Ezin badugu entrega egin, ez kezkatu! Mezu bat bidaliko dizugu, jasotzera zein Correos bulegotara joan zaitezkeen adieraziz.

Gogoan izan dibisa-trukea egin izan duenari bakarrik entregatu ahalko diogula, kapital zuritzearen aurkako araudia betez, entregaren segurtasuna bermatze aldera. Indarrean dagoen nortasun-agiria aurkeztu behar duzu.