Dibisa-trukea etxean

Correos-ek eroso bidaiatzen laguntzen dizu: trukatu zure dirua behar duzun dibisarekin eta jaso ezazu etxean 3 eguneko epean edo lehenago!

Joan zaitez gure sukurtsaletako batera indarrean duzun identifikazio-agiriarekin. 
Inprimaki batean, idatzi zure datu pertsonalak, helbidea eta beste dibisan nahi duzun diru kantitatea. Ez ahaztu telefono mugikorra! Ezinbestekoa izango da erreserba egiteko. 
Eman dibisaz aldatu nahi duzun dirua, eta ordaindu bidalketa-gastuak, beharrezkoa bada. Eta... kito! Dirua 3 eguneko epean edo lehenago jasoko duzu etxean. 

Produktuari buruzko informazioa

Deskribapena

Ria Money Transfer-ekin dugun hitzarmenari esker, Correos-en zure diruaren dibisa-truke azkarra eta segurtasun-berme handienekoa eskaintzeko aukera dugu. Onena?

Dibisa-aukera zabala jarri dugu zure eskura. Correos-ekin zure bidaiak erosoagoak eta errentagarriagoak izango dira!  Penintsula eta Balearretako lurraldeetan soilik dago eskura zerbitzu hori. Kanarietan, Ceutan eta Melillan ezin dizugu dibisa-trukerik eskaini oraindik. 

Transakzio bakoitzeko 200€ eskatu behar duzu gutxienez edo 999€ gehienez. Hiruhileko berean, 6.000€ arte trukatzeko eska dezakezu.

Garrantzitsua! Dibisa kopurua aldatu egingo da merkatuaren eskaintza eta eskaeraren arabera. Hona hemen erabilgarri dauden txanponak:

AED (Arabiar Emirerri Batuetako dirham-a), ARS (Argentinako pesoa), AUD (Australiako dolarra), BGN (Bulgariako lev-a), BOB (Boliviako bolivianoa), BRL (Brasilgo real-a), CAD (Kanadako dolarra), CHF (Suitzako frankoa), CLP (Txileko pesoa), CNY (Txinako renminbi-a), COP (Kolonbiako pesoa), CRC (Costa Ricako colon-a), CZK (Txekiako koroa), DKK (Danimarkako koroa), DOP (Dominikar Errepublikako pesoa), EGP (Egiptoko libera), GBP (Britainia handiko libera esterlina), HKD (Hong Kongko dolarra), HRK (Kroaziako kuna), HUF (Hungariako forint-a), IDR (Indonesiako errupia), ILS (Israelgo  shekel berria), INR (Indiako errupia), ISK (Islandiako koroa), JOD (Jordaniako dinarra), JPY (Japoniako yen-a), KRW (Hego Koreako won-a), KWD (Kuwaitko dinarra), MAD (Marokoko dirham-a), MUR (Maurizio uharteetako errupia), MXN (Mexikoko pesoa), MYR (Malaysiako ringgit-a), NOK (Norvegiako koroa), NXD (Zeelanda Berriko dolarra), PEN (Peruko sol-a), PHP (Filipinetako pesoa), PLN (Poloniako zloty-a), PYG (Paraguayko guarania), QAR (Qatarreko rial-a), RON (Errumaniako leu-a), RUB (Errusiako errubloa), SAR (Saudi Arabiako rial-a), SEK (Suediako koroa), SGD (Singapurreko dolarra), THB (Tailandiako Baht-a), TRY (Turkiako lira), TWD (Taiwango dolarra), UAH (Ukrainako hrivni-a), USD (AEBko dolarra), UYU (Uruguaiko pesoa), VND (Vietnamgo dong-a), ZAR (Hegoafrikako rand-a).

Dibisa-trukea egiteko erabil daitezkeen nortasun-agiriak

Dibisa-trukea egin asmoz gure bulegoetako batera joatea erabakitzen duzunean, garrantzitsua da indarrean dagoen nortasun-agiria erakustea. Zer agiri onartzen ditugu Correos-en?

  • Nazionalitate espainiarra baduzu, Nortasun Agiri Nazionala (NAN) aurkeztu beharko duzu. Kasu honetan, izapidea ezingo da egin gidabaimenarekin edo pasaportearekin. 
  • Europar Batasuneko kide den herrialde batekoa bazara, jatorrizko estatuko agintariek igorritako nortasun-agiri ofiziala eraman beharko duzu.
  • Beste nazionalitateren bat baduzu, Atzerriko Nortasun Agiria edo AIZ espainiarra erakutsi beharko duzu. Oso garrantzitsua! Kubako pasaportea eta nortasun-agiria ez dira onartzen dibisa-trukerako.

Entregatzeko epeak

Azkar eta seguru entregatuko zaizula bermatzen dizugu! Epea aldatu egingo da bizi zaren tokiaren arabera:

  • Penintsula: 24 - 48 ordu 
  • Balearrak: 24 - 72 ordu

Ria Money Transfer enpresak zuzenean ematen du entrega-zerbitzua. Etxean entregatzeko bi saiakera egingo dira. 

Bigarren entrega-saiakera bidalketaren hartzailearekin hitzartuko da, zurekin harremanetan jarriko baikara entregatze-data berria hitzartzeko.

Zer gertatzen da bigarren entrega-saiakeran dirua eman ezin badugu?

Hala gertatuko balitz, zure helbideko erreferentziazko bulegoan gordeko dugu dirua, irekitze-ordutegian bulegora etorri eta jaso dezazun. 

Azkenik, dirua ez bada inoiz entregatzen, Ria Money Transfer-ek bertan behera utziko du eskaera, eta, bezero zarenez, garraioak eragindako gastuak zure gain hartu beharko dituzu. Horretarako, dibisa erosteko eskaeran ordaindutako zenbatekotik gastu horiek kentzeko baimena eman beharko diozu enpresari.

Bai! Ria Money Transfer-ek zure dirua itzuliko dizu, baina aurretik bere gain hartutako bidalketa-gastuak kenduko ditu. 

Prezioak

Garrantzitsua da kontuan hartzea dibisen prezioak aldatu egiten direla merkatuaren arabera. Hori dela eta, truke-tasa ofiziala erreferentzia bat besterik ez da, eta hortik datoz erosketa-tasa eta salmenta-tasa (bi transakzio ezberdin dira). 

Prezioak aldakorrak badira ere, faktore bat ez da inoiz aldatzen: Correos-en ez dizugu komisio gehigarririk aplikatuko dibisa-trukeagatik. Ordaindu beharko dituzun gastu gehigarri bakarrak bidalketa-gastuak izango dira, eta zenbatekoa 500€-tik beherakoa denean soilik. Hala denean, bidalketa-gastuari dagozkion prezioa, 10€, ordaindu beharko duzu.  

Erreserba bakoitzeko 999€-ko muga izango duzu!

Zergatik da garrantzitsua telefono mugikorra?

Erreserba egiteko unean, telefono mugikorra aktibo eta interneterako sarbidearekin izan beharko duzu, zerbitzuaren barruan sartzen diren zehaztapenak, baldintzak eta politikak dituen mezu elektroniko bat edo SMS bat jasoko baituzu. Operazioarekin aurrera egiteko, dibisa-trukea eskatzen duzun unean bertan onartu beharko dituzu betebehar horiek gailu mugikorrean. 

Baliogabetzeen politika

Azkar! Bai! Dibisa-trukerako erreserba bat doan utz dezakezu bertan behera, baina eskaera egin duzun Correos-eko bulego berean gauzatu beharko duzu eta, gehienez, 60 minutuko epean. 

Denbora hori igaro ondoren, 917 613 762 telefono-zenbakira deitu edo esfx@riafinancial.com helbide elektronikora idatzi beharko duzu erreserba bertan behera uzteko.

Edonola ere, garrantzitsua da kontuan izatea bertan behera uzteak eragin dezakeen edozein kostu gehigarri kobratuko duela Ria Money Transfer-ek dibisa mezularitza-zerbitzura bidali bada; garraio-gastuak ere hor sartzen dira.