DGT Ingurumen-bereizgarria

DGT Ingurumen-bereizgarria etiketa bat da ingurumenarekiko errespetua duten ibilgailuak azkar identifikatzeko. Haizetakoan jarri behar da, beheko eskuineko angeluan, eta, nahiz eta borondatezkoa izan, komeni da izatea:

• Materiala: itsasgarria
• Tamaina: 97 mm-ko (ibilgailuak eta furgonetak) eta 87 mm-ko diametroa (motozikletak).

Lau Bereizgarri mota daude, kutsatzeko gaitasunaren arabera:

1. Zero igorpenen bereizgarria, urdin kolorekoa, hauei dagokie:

• Ibilgailu elektriko bateriadunak (BEV).
• Autonomia hedatuko ibilgailu elektrikoak (REEV).
• Ibilgailu elektriko hibrido entxufagarriak (PHEV), gutxienez 40 kilometroko autonomiarekin.
• Erregai-pilako ibilgailuak.

2. Eko bereizgarria, urdin eta berde kolorekoa, hauei dagokie:

• Ibilgailu hibrido entxufagarriak, 40 kilometro baino gutxiagoko autonomiarekin.
• Entxufatu ezin diren ibilgailu hibridoak (HEV).
• Gas natural bidezko ibilgailuak.
• Gas naturalren (GNC eta GNL) edo petrolio-gas likidotuaren (GLP) bidezko ibilgailuak.

3. C bereizgarria, berde kolorekoa, hauei dagokie:

• Gasolina bidezko turismoak eta furgoneta arinak, 2006ko urtarriletik aurrera matrikulatuak.
• Diesel bidezko turismoak eta furgoneta arinak, 2014tik aurrera matrikulatuak.
• 8 eserleku baino gehiagoko ibilgailuak eta ibilgailu astunak, gasolina edo diesel bidezkoak, 2014tik aurrera matrikulatuak.

Gasolinako ibilgailuek Euro 4, 5 eta 6 arauak bete behar dituzte; dieselekoek, berriz, Euro 6 araua.

4. B bereizgarria, hori kolorekoa, hauei dagokie:

• Gasolina bidezko turismoak eta furgoneta arinak, 2000ko urtarriletik aurrera matrikulatuak.
• Diesel turismoak eta furgoneta arinak, 2006ko urtarriletik aurrera matrikulatuak.
• 8 eserleku baino gehiagoko ibilgailuak eta ibilgailu astunak, gasolina edo diesel bidezkoak, 2005etik aurrera matrikulatuak
• Gasolinako ibilgailuek Euro 3 araua bete behar dute; dieselekoek, berriz, Euro 4 eta 5 arauak.

Bi etiketa mota daude, , motorrentzat eta beste ibilgailu batzuentzat, baina guztiek kostu bera dute:

• Bi eta hiru gurpileko ziklomotorrak, 50 cm³-ko zilindrada baino gutxiagokoak, barne-errekuntzako motorra eta gehienez 45 km/h-ko abiadura baldin badute.
• Kuadriziklo arinak, 350 kg-tik beherako tararekin (bateriaren pisua kontuan hartu gabe, elektrikoen kasuan), gehieneko abiadurak ezin du gainditu 45 km/h-ko abiadura, eta 50 cm³-ko zilindrada edo gutxiagokoa eztanda-motorretan edo 4 kW-ko potentzia edo gutxiagokoa bestelako motorretan.
• Bi gurpileko motozikletak, sidekarrarekin edo gabe, 50 cm³-ko zilindrada baino gehiagokoak, barne-errekuntzako motorrekoa bada eta gehieneko abiadura 45 km/h-ko abiadura gainditzen badu.

Zure motoari zein dagokion kontsulta dezakezu DGTren webgunean

Erosi zure DGT Ingurumen-bereizgarria Correos Market.

Ibilgailuari dagokion Bereizgarria inprimatu eta bidali ahal izateko, gogoan izan argi eta garbi hauek erakusten dituen irudi bat erantsi behar duzula:

• Bereizgarria eskatzen den ibilgailuaren zirkulazio-baimena.
• Bereizgarria eskatzen duen ibilgailuaren titularraren edo baimendutakoaren NANa.

Dokumentuak PDF, JPG, JPEG, GIF edo PNG formatuetan erantsi behar dira Erosketa-saskiko "Pertsonalizatu" atalean amaitu baino lehen, eta, jarraian, eskaera ordaindu behar da. Informazio hori gabe, ezin izango da bidali bereizgarria.

Eskaera bakar batean Ingurumen-bereizgarri bat baino gehiago erosi nahi baduzu, Bereizgarri bakar bat erostean egin beharreko urrats berak egin behar dituzu:

• 1. pausoa: Egiaztatu zer Ingurumen-bereizgarri dagokion ibilgailu bakoitzari DGTren webgunean.
• 2. pausoa: Hautatu behar dituzun Bereizgarri guztiak eta gehitu saskian.
• 3. pausoa: Eskatzen dituzun Bereizgarriendokumentuak aurkeztu, argi eta garbi ikus daitezkeen irudietan, (PDF, TXT nahiz PPT formatuan), ibilgailuen zirkulazio-baimena eta baimendutakoen NANa.
• 4. pausoa: Egin ordainketa. Zalantzarik baduzu, jarri gurekin harremanetan inprimaki hau betez. Pozik lagunduko dizugu!

Bereizgarri bat baino gehiago erosi behar baduzu eta eskatutako informazio guztia biltzen duen dokumentu bat ez baduzu, banaka gehi ditzakezu saskian, bakoitza bere dokumentazioarekin:

• 1. pausoa: Gehitu Bereizgarria erosketa-saskira.
• 2. pausoa: Aurkeztu dokumentazioa.
• 3. pausoa: Itzuli dendara eta gehitu beste bereizgarri bat.
• 4. pausoa: Erantsi bigarren ibilgailuaren dokumentazioa eta errepikatu prozesua.

Behin ordainketa egitean, berrespen-mezu bat bidaliko dizugu, eskaeraren kodearekin. Ez baduzu jasotzen mezurik, begiratu Spam karpetan.

Dokumentazioa egokia dela berrikusi ostean, eskaera prozesatuko da. Une horretan, beste mezu bat jasoko duzu, jarraipen-kodearekin. Horrela, paketearen jarraipena egin ahal izango duzu nahi duzunean.

Edonola ere, behin eskaera prozesatzean, ezin izango duzu eskatu ingurumen-bereizgarriaren itzulketa, produktu pertsonalizatua baita.

Eskaeran errorerik balego, jar zaitez gurekin harremanetan eta baztertu ezazu oraindik prozesatu ez bada. Horretarako, jarri gurekin harremanetan inprimaki hau betez erosketa egin eta hurrengo 24 orduen buruan.