Aparteko prozesua da, egoera irregularrean dauden migratzaileei edo Espainian Nazioarteko Babesa eskatzen dutenei eta 2026ko urtarrilaren 1a baino lehen iritsi direnei zuzendua.
Dagoeneko gure gizartearen parte diren milaka pertsonen ekarpena aitortzeko diseinatu da programa hau.
Erregularizatzeko Errege Dekretua apirilaren 15ean argitaratu da Estatuko Aldizkari Ofizialean. Eskaerak egiteko epea ostegunean, apirilaren 16an, irekiko da, eskaera telematikoak izapidetzen hastearekin batera. Bien bitartean, bide presentziala erabiltzeko, web-orriaren bidezko aurretiko hitzordua hartzeko sistema ere apirilaren 16an jarriko da martxan, baina apirilaren 20tik aurrera hasiko dira ematen aurrez aurreko arreta.
Ekainaren 30era arte egongo da zabalik bi bide horietarako eskabideak aurkezteko epea.
Bi egoerahauetakoren batean bazaude parte har dezakezu erregularizazioan:
a) Nazioarteko babesa eskatu duzu Espainian 2026ko urtarrilaren 1a baino lehen.
b) Administrazio-egoera irregularrean zaude eta 2026ko urtarrilaren 1a baino lehen iritsi zinen Espainiara.
Errege Dekretuak aparteko erregularizazio-prozesuan sartzeko bi baldintza ezartzen ditu:
2026ko urtarrilaren 1a baino lehen gure herrialdean egotea, eta eskaera egiten den unean gutxienez bost hilabetez etenik gabe egon dela frogatzea.
Zigor penalik ez izatea eta ordena publikoarentzat, segurtasun publikoarentzat edo osasun publikoarentzat mehatxua ez izatea.
1. Eskaera postetxean aurkezteko, nahitaezkoa da AURRETIKO HITZORDUA izatea.
2. AURRETIKO HITZORDUA EZ da eskatzen Correosen kanalen bidez
3. Hitzordua Administrazioaren kanal ofizialen bidez eskatu behar da: