Iriste-jakinarazpena bidalketa baten hartzaileari zuzendutako informazio-dokumentu bat da. Entregatzeko unean hartzailea ez badago etxean, postariak postontzian utziko du.

Jakinarazpenaren aurreko aldean, “Bidalketaren datuak” atalean, adierazita daude bidalketaren zenbakia, jatorria, igorlea eta entrega-saiakera egin den data. Bidalketa erabilgarri egongo da bulegoan hurrengo egun baliodunetik aurrera.

“Bidalketaren egoera” atalean agertzen da bidalketa berriro egingo den edo Correos-eko bulego batean jaso behar den.

“Modalitatea” atalean adierazten da jaso duzun bidalketa mota: arrunta, premiazkoa, diru-itzulketarekin, etab.

Bidalketa bulegoan egongo den denbora ere zehazten da, eta denbora hori “Produktua” motaren araberakoa (gutuna, Paquete azul, telegrama…) izango da. Epe hori igarotakoan, bidalketa jatorrira itzuliko da.

Bestalde, jakinarazpenaren atzealdean, “Bulegoa” atalean, adierazi egiten dira bidalketa jaso beharko den sukurtsalaren datuak: helbidea, ordutegia eta telefonoa.

“Bulegoan jasotzeko betekizunak” atalean agertzen dira bete beharrekoak pertsona bati bidalketa jasotzeko baimena emateko, zuk zeuk jaso ezin baduzu. Jakinarazpenaz gain, baimenduak bere NANa eta zurearen fotokopia bat aurkeztu behar ditu. Baimen horrek entrega modalitate guztietarako balio du, hartzaileari berariaz entregatzekoa denerako izan ezik.

SMS edo mezu elektroniko honek ohiko iriste-jakinarazpena ordezten du. Correos-ek bidalketa zure etxean entregatzen saiatu dela adierazten du, eta ezin izan duela.

Bigarren SMS bat jaso arte itxaron beharko duzu; hor zehaztuko zaizkizu eta Correos-eko bulego batean jasotzeko datuak. Gogoan izan bidalketa ez dela egongo prest bulegoan mezua jasotzen duzun hurrengo egunera arte.

Nahikoa da zure NANa eskueran izanda adierazitako Correos-eko bulegora joatearekin, eta bidalketa emango dizugu. Zuk ezin baduzu jaso, baimen bat bete behar duzu, zure izenean nork jasotzea nahi duzun adieraziz. Baimena ematen diozun pertsonak NANa eraman beharko du, zure agiriaren fotokopia batekin batera.

Zuk zeuk sor dezakezu baimena edo eskura jartzen dizugun eredu hau bete.

Bidalketa Correos-era iritsi dela esan nahi du, eta zure etxean 24-72 ordu barru entregatuko dela, produktuaren epeen arabera.

Ezin bada entrega egin, eta bidalketak bi saiakera barne hartzen baditu, beste SMS bat jasoko duzu bigarren saiakeraren berri izateko, hurrengo 24 orduetan.

Azkenean etxean ezin izan bada entregatu, SMS bat jasoko duzu zure bidalketa dagoen Correos-eko bulegoaren datuekin, bertan jasotzeko. Gogoan izan 15 egun izango dituzula, eta erabilgarri egongo dela SMSa jasotzen duzun hurrengo egunetik aurrera.

Nahikoa da zure NANa eskueran izanda adierazitako Correos-eko bulegora joatearekin, eta bidalketa emango dizugu. Zuk ezin baduzu jaso, baimen bat bete behar duzu, zure izenean nork jasotzea nahi duzun adieraziz. Baimena ematen diozun pertsonak NANa eraman beharko du, zure agiriaren fotokopia batekin batera.

Zuk zeuk sor dezakezu baimena edo eskura jartzen dizugun eredu hau bete.

Bidalketa Correos-era iritsi dela esan nahi du, eta hautatutako bulegoan 24-48 ordu barru entregatuko dela, produktuaren epeen arabera.

Bidalketa Correos-eko bulegora iristean, bigarren SMS bat jasoko duzu gure bilatzailerako esteka batekin, ordutegia eta kokapena kontsultatzeko.

Zure bidalketa ezin izan baduzu jaso, gogorarazteko mezu bat bidaliko dizugu 10 eta 5 eguneko epea duzunean, jasotzeko behar dituzun datu guztiekin.

Nahikoa da zure NANa eskueran izanda adierazitako Correos-eko bulegora joatearekin, eta bidalketa emango dizugu. Zuk ezin baduzu jaso, baimen bat bete behar duzu, zure izenean nork jasotzea nahi duzun adieraziz. Baimena ematen diozun pertsonak NANa eraman beharko du, zure agiriaren fotokopia batekin batera.

Zuk zeuk sor dezakezu baimena edo eskura jartzen dizugun eredu hau bete.