Deterioración

O beneficiario de calquera indemnización é sempre o remitente. Se o remitente desexa que a indemnización sexa cobrada polo destinatario, deberá presentar ante Correos unha solicitude asinada autorizando a compensación ao destinatario.

Estes son os produtos que teñen cobertura ou garantía por demora:

Carta certificada/Paquete azul

Garantías Nacionais
Por deterioración:
  • Prazos para poder formular unha incidencia ou reclamación:
    • Carta certificada: Mínimo 7 días e máximo 6 meses dende a data de admisión do envío.
    • Paquete azul: Mínimo 10 días e máximo 6 meses dende a data de admisión do envío.
  • Indemnización:
    • Carta certificada: Dende o 27/06/2021 a indemnización será a tarifa aboada multiplicada por 10, máis o valor declarado no caso de telo contratado. Anterior a esta data, a indemnización era de 30 euros máis o valor declarado contratado.
    • Paquete azul: Dende o 27/06/2021 a indemnización será a tarifa aboada multiplicada por 4, máis o valor declarado no caso de telo contratado. Anterior a esta data, a indemnización era de 23,44 euros máis o valor declarado contratado. 
  • No caso de sinistro, aboarase a menor das seguintes cantidades:
    • Polo valor declarado.
    • Por reposición do obxecto extraviado.
    • Por reparación do obxecto danado.
  • Condicións: cómpre comunicar a  deterioración no momento de recepción do envío. Pola contra, consideramos que o envío se entregou en bo estado. Non poderemos admitir reclamacións por dano/deterioración ou falta de contido destes produtos se se constata con posterioridade á entrega.
  • Documentos para achegar: podémosche solicitar fotos da embalaxe e do contido danado, para comprobar o dano e se a embalaxe é axeitada para garantir a integridade do envío. Durante a admisión, o persoal de Correos pódeche asesorar sobre como preparar o teu envío e ofrecerche a embalaxe máis axeitada.
  • No caso de reclamación dun envío extraviado, deteriorado ou con falta de contido, con seguro ou valor declarado, poderemos solicitar un documento xustificativo do valor da mercadoría, factura de reparación ou de reposición.
Consulta toda a información sobre envíos para particulares
Consulta toda a información sobre envíos para empresas

Paquete Estándar/Paquete Premium

Por deterioración:
  • Prazos para que a reclamación poida dar lugar a indemnización: deberase poñer de manifesto no momento da entrega ou dentro dos seguintes 7 días naturais á entrega.
  • Indemnización: 6.67 € por kg facturado (6.43 € por kg facturado para envíos admitidos en 2022).
  • A indemnización mínima é de 40 € só para o Paq Premium e clientes sen contrato. É dicir, se o cálculo da suma da  indemnización (segundo a formula anterior) máis a tarifa é inferior a 40 €, a indemnización ascenderá a 40 €. 
  • Condicións: para este tipo de incidencias realizarase unha peritaxe co fin de determinar o importe a pagar pola deterioración sufrida.
  • Documentos para achegar: podemos solicitarche fotos da embalaxe e o contido deteriorado para comprobar o dano e se a embalaxe é axeitada para garantir a integridade deste. Durante a admisión, o noso persoal pode asesorarte sobre como preparar o teu envío e ofrecerche a embalaxe máis axeitada.
  • No caso de reclamación dun envío deteriorado ou con falta de contido que dispoña de Seguro ou Valor Declarado, poderemos solicitar un documento xustificativo do valor da mercadoría, factura de reparación ou de reposición.
  • Os clientes con contrato recibirán as indemnizacións segundo as condicións fixadas neste.
Consulta toda a información sobre paquetería para particulares
Consulta toda a información sobre paquetería para empresas

Atención ao cliente

Solicita máis información

Solicita a través deste formulario a información que necesitas

Nas nosas oficinas

Se desexas atención presencial, podes ir a calquera oficina de Correos.

Máis formas de contacto con Atención ao Cliente

Consulta: Aviso legal