Recoller un envío

• DNI.
• Pasaporte.
• Permiso de conducir.
• Tarxeta de residencia (non se considera válido o impreso de solicitude da tarxeta de residencia).
• Outros documentos considerados válidos no país do destinatario, sempre e cando incorpore fotografía.

No caso no que non o poidas recoller persoalmente, deberás completar unha autorización indicando quen desexas que recolla o envío no teu nome. Podes autorizar tanto unha persoa física como unha persoa xurídica.

Os envíos poden ser recollidos por:

• Destinatario
• Autorizado polo destinatario

Pode ser autorizado tanto unha persoa física como unha persoa xurídica:

Persoa física

• Fotocopia ou copia dixital dalgún dos documentos do destinatario considerados como válidos para a súa identificación.
• Autorización asinada polo destinatario: será válido tanto o Aviso de Chegada coma unha autorización xenérica en papel.
• Algún dos documentos orixinais do autorizado considerados como válidos para a identificación.

Persoa xurídica

A entrega de notificacións a persoas xurídicas realizarase ao representante da empresa ou a un empregado desta. No Aviso de Recibo deberá constar:

• A identidade da persoa que recolle o envío, sinatura e data da notificación, e o selo da empresa.
• No caso das Comunidades de Bens, entre as que se atopan as Comunidades de Propietarios, poderase facer entrega de notificacións sen a estampaxe do selo sempre que non dispoñan do mesmo.
• O selo non será requisito para admisión e entrega de notificacións de Órganos Xudiciais.

Se dispón de selo:

• Selo.
• Autorización asinada polo destinatario.
• Documento orixinal de identificación do autorizado con fotografía e que sexa válido no país do destinatario.
• Excepción: no caso de notificacións procedentes de Organismos Públicos non será esixible o selo.

Se non dispón de selo:

• Poder notarial.
• Autorización asinada polo destinatario.
• Documento orixinal de identificación do autorizado con fotografía e que sexa válido no país do destinatario.

Para que un particular poida recoller os envíos dirixidos a unha empresa ou sociedade, cómpre que os remitentes indiquen, a razón social, o nome e apelidos do particular que vai efectuar a recollida do envío.

Por outra parte, poden darse determinados casos específicos que requirirán doutro tipo de documentación e procesos:

Persoas falecidas

• Os envíos entregaranse aos seus herdeiros ou a aqueles que administren a herdanza.
• No caso no que teña a natureza de carta, esta quedará depositada na oficina de Correos e consultarase o remitente para que autorice a entrega ou ben a recupere.
• No caso no que haxa varios herdeiros, para a súa recollida é necesario achegar unha autorización escrita asinada por todos eles.
• Xunto co aviso de chegada (físico ou dixital), é necesario presentar e arquivar o certificado de defunción do destinatario do envío e o documento acreditativo da condición de herdeiro.

Comerciantes en quebra ou concurso de acredores

• Entregarase aos administradores concursais ou ás persoas designadas pola autoridade competente.

Unidades militares

• Entregaranse ás persoas autorizadas formalmente.

Centros penais

• Aplícase a normativa específica das institucións penais.

Persoas xurídicas

A entrega de notificacións a persoas xurídicas realizarase ao seu representante ou ben a un empregado desta, facendo constar na documentación de Correos e, se é o caso, no aviso de recibo que acompañe á notificación:

• A identidade da persoa que recolle o envío, sinatura e data da notificación, estampando, así mesmo, o selo da empresa.

No caso das comunidades de bens, entre as que se encontran as comunidades de propietarios, poderase facer entrega de notificacións sen a estampaxe do selo, no caso de que non dispoñan del.

Á súa vez, o selo non será requisito para admisión e entrega de notificacións de órganos xudiciais.

Organismos públicos

A entrega de notificacións a Organismos Públicos realizarase a un empregado e no Aviso de Recibo deberá constar:

• A identidade da persoa que recolle o envío, sinatura e data da notificación, e o selo do organismo público.
• O selo non será requisito para admisión e entrega de notificacións de órganos xudiciais.

Envíos a menores

• A partir de 14 anos: é necesario presentar un documento válido de identificación.
• Se é menor de 14 anos: só se pode entregar o envío a un membro da súa familia que presente documentos válidos de ámbolos dous.

Entrega exclusiva ao destinatario

• Unicamente se entrega ao destinatario e non se permite autorización. Só aplica no caso de particulares. 

Envíos procedentes de promocións de prensa

• Comprobarase que o código do envío que ten o cliente coincide co que figura no paquete.

Envíos dirixidos a dominios web

Cando un envío vaia dirixido a un Dominio Web, e só para os casos nos que o propietario do devandito dominio teña subscrito un contrato con Correos, existirá un documento que conteña os datos relativos ao cliente, tanto se é persoa física como xurídica.

• A entrega realizarase á persoa física ou xurídica que figure no documento como propietaria do Dominio e realizarase coas mesmas formalidades de calquera outra entrega.
• No caso no que a oficina non dispoña de tal documento, non se poderá realizar a entrega do envío.

• Nacionalidade española: é imprescindible que tanto remitente coma destinatario presenten o DNI orixinal, segundo a Lei 10/2010. Ademais, dende Correos temos obriga de conservar unha fotocopia do DNI de ámbolos dous por un período mínimo de 10 anos.
•  Nacionalidade estranxeira: 
  • Tarxeta de Identidade de Estranxeiro/Tarxeta de Residencia.
  • Pasaporte válido no país de procedencia que incorpore fotografía do seu titular.
  • O documento, carta, pasaporte ou tarxeta oficial de identidade persoal expedido polas autoridades de orixe no caso de ser cidadáns da UE ou o Espazo Económico Europeo e da Confederación Suíza.
  • Documento de identidade expedido polo Ministerio de Asuntos Exteriores e o de Cooperación para o persoal das representacións diplomáticas e consulares de terceiros países en España.
  • Tarxeta de asilo político.

• Completas: nunha relación de envíos ou vultos que teñan un mesmo remitente, destinatario e produto, a entrega realízase á vez.
• Parciais: nunha relación de envíos ou vultos que teñan un mesmo remitente, destinatario e produto, a entrega realízase de xeito fraccionado.