Carta digital

A Carta Digital facilita o envío de comunicacións que deben entregarse fisicamente a un ou múltiples destinatarios, realizando unha xestión totalmente online a través da nosa web.

Coa nosa Carta Digital podes xestionar os teus envíos en todo momento e dende calquera parte:

• Máis doado que nunca: realiza os teus envíos directamente dende o teu ordenador, sen horarios nin esperas nas nosas Oficinas.
• Facémolo por ti: aforra custos de impresión, ensobrado e papel.
• Comparte: o seguimento da carta certificada con quen o necesite.

Poderás elixir se queres que o envío da túa carta sexa ordinario ou certificado, tanto para envíos nacionais como internacionais.

En envíos nacionais de carta certificada podes engadir adicionalmente o servizo de  Prueba de Entrega Electrónica (PEE).

Ademais, durante o proceso poderás decidir se queres que a impresión da carta se realice en branco e negro (B/N) ou en Cor.

Se vas subir un documento, revisa que se axuste a estes requisitos:

• Formato: Adobe Acrobat (PDF). Comproba que non está protexido e que non leva ningunha sinatura dixital.
• Tamaño do arquivo: máximo 1 MB.
• Dimensión: 210 x 297 mm (DIN A4).
• Número de páxinas: máximo 20, entre o documento e a portada.

Ademais, se a túa carta inclúe un Logo:

• Posición: inserir no encabezado da carta, na súa parte superior esquerda.
• Formato de imaxe: JPEG ou GIF.
• Tamaño: máximo 1 MB.
• Dimensión: 200 x 75 píxeles. Se é máis grande, reducirase.

Ou unha Sinatura:

• Posición: inserir ao final da carta.
• Formato de imaxe: JPEG ou GIF.
• Tamaño: máximo 1 MB.
• Dimensión: 500 x 200 píxeles. Se é máis grande 

Non te preocupes, se a túa carta non cumpre algún destes detalles aparecerache un aviso durante o proceso coas modificacións que hai que realizar.

Se a túa carta é certificada indemnizarémoste en caso de deterioración ou perda do envío:

• Envíos nacionais: 30 euros.
• Envíos internacionais: tarifa abonada + 30 DEX.

Ademais, entregaremos o teu envío o máis rápido que poidamos.

A Carta Digital imprímese e ensóbrase para que estea lista para a súa distribución a mañá seguinte de que a envíes dende a nosa web.

Aínda que as cartas non teñen garantías de prazo de entrega, esforzámonos por entregalas o antes posible:

• Destinos nacionais: en 3 días (93 % dos envíos).
• Europa: entre 2 e 4 días (varía segundo o país).

Unha vez estea lista encargarémonos de imprimila:

En papel branco de tamaño DIN-A4 e gramaxe de 80 g. A calidade de impresión é de 1200 ppp para os envíos en cor e de 300 ppp para os envíos en branco e negro.

A impresión realízase a unha soa cara por folla.

E de preparala para enviala ao seu destino:

Nun sobre branco con dobre xanela (remitente e destinatario). O seu tamaño dependerá do número de páxinas que teña o envío:

• De 1 a 6 follas: en sobre C5 (162 x 229 mm)
• De 7 a 20 follas: en sobre C4 (229 x 324 mm)