Selos

Atopa o teu selo perfecto en Correos, en calquera das nosas oficinas ou a través da nosa Tenda Online.

Ofrecemos unha gran variedade de formatos e tarifas para axustarnos a todos os teus envíos, tanto se son nacionais como internacionais. 

Ademais, contamos con deseños únicos e orixinais que farán que a túa colección sexa a máis especial. Históricos, emblemáticos, de recoñecidos personaxes de animación ou das túas películas favoritas... non importa como sexa a túa colección, nós completámola. 

Selo.- Un só selo por emisión, é o máis común.

Folla bloque.- É unha superficie de papel ilustrada na que aparecen un ou máis selos, co seu correspondente valor de franqueo, diferentes medidas e sistemas de impresión. Supón unha forma acertada de agrupar selos dun mesmo tema e é a alternativa para mostrar personaxes vivos no ámbito do selo.

Prego Premium.- Pezas filatélicas singulares, que enriquecen a variedade, orixinalidade e calidade das emisións filatélicas. Dende o ano 2014.

• Pregos de entre 12 e 20 selos con deseño e impresión singular.
• Motivos e ilustracións que abranguen a totalidade do prego e alusivos á temática dos selos.
• Inclúen citas literarias ou textos descritivos.

Miniprego.- Contén varios selos conmemorativos de España ou Andorra, nunha pequena folla en cuxas marxes se integran motivos da emisión.

Carné.- Forma de presentación dos selos en pequenos bloques ou follas, cunhas tapas ou envases protectores, que facilitan tanto a súa conservación coma a súa venda en máquinas expendedoras.