Paquete Internacional Standard

Os teus envíos viaxarán en preferente, sen baleirarche os petos.

Dende

32,10 €

ENVIAR
Paquete Internacional Standard Dende 32,10 € ENVIAR

Servizos adicionais

Seguro

Contrata un seguro complementario que cubra a perda ou deterioración dos teus envíos, cun límite máximo de 3.000€.
MÁIS INFO

Seguros para paquetería internacional

En Correos reservámonos o dereito de rexeitar a contratación deste seguro dependendo da tipoloxía da mercadoría, o valor solicitado ou o destino. A cobertura exclúe a estafa ou fraude, derramos ordinarios, perda de peso ou volume por desgaste natural, así como uso e deterioración a causa de defectos do propio obxecto.

O importe dos obxectos contratados no Seguro non se verá alterado por calquera outro que apareza nos documentos aduaneiros ou de facturación do envío. En caso de sinistro, indemnizarase a cantidade menor:

  • O valor declarado.
  • Custo da devolución do obxecto perdido.
  • Custo da reparación do obxecto danado.
Describe os teus envíos. Este servizo permite a identificación e enumeración de cada un dos paquetes que compoñen unha relación de envíos.
Rexistra o conxunto de destinatarios aos que queres enviar os paquetes e indica se desexas incluír algún servizo engadido.
Realiza o pagamento con tarxeta bancaria, PayPal, a través dunha das nosas oficinas ou enviando o paquete nun sobre prepagado.
Imprime as etiquetas que identifican os paquetes antes de levalos a unha das nosas oficinas.

Información do produto

Descrición

Se queres o mellor prezo para eses envíos que non poden esperar, o Paquete Internacional Standard é a túa opción ideal:

  • Á túa medida: envíos con carácter preferente ao mellor prezo.
  • Maior seguridade: entrega a domicilio e baixo sinatura do destinatario.
  • Pola túa tranquilidade: ampla cobertura mundial e garantías de Correos.
  • A todas as partes: para os destinos internacionais que admitan este servizo.

Detalles de envío

Ti elixes a embalaxe perfecta. Podes comprar un montón de produtos dispoñibles na nosa Tenda Online e en todas as oficinas de Correos!

Iso si, necesitamos que o tamaño se axuste a estas medidas:

Como máximo:

  • Caixa: Longo + Alto + Ancho = 200 cm, sen que ningunha supere os 105 cm.
  • Rolo ou tubo: Longo = 100 cm e Diámetro = 15 cm.

Como mínimo:

  • Sobre ou caixa: 14 x 9.
  • Rolo ou tubo: Longo + dúas veces o diámetro = 17 cm, sen que ningunha medida sexa inferior a 10 cm.

Se queres enviar algo máis pequeno, non te preocupes, só terás que engadirlle unha etiqueta de 10 x 7 cm na que apareza o enderezo e o franqueo.

E que non supere os 30 kg de peso real! (segundo o país de destino).

O peso volumétrico xa o calculamos nós.

Xa só queda que nos digas onde queres que o levemos:

  • É importante que os teus datos e os do destinatario estean nun lugar visible sobre a embalaxe.
  • Lembra que podes xerar a etiqueta e pagar o envío aquí mesmo.

Importante! Lembra que estes envíos non se poden dirixir nin a Apartados Postais nin a Lista de Correos.

Consulta as zonas internacionais e como se dividen

Garantías e prazos de entrega

Se o teu envío sofre algunha incidencia ao chegar ao seu destino, dende Correos indemnizámoste. Se prefires que a compensación sexa cobrada polo destinatario, deberás presentarnos unha autorización asinada.

Sabemos que confías en nós e este é o noso xeito de agradecercho:

Anexo I. Condicións para os prazos de entrega paquetería internacional
Garantías Internacionais:
Por extravío:
  • Prazos para poder formular unha incidencia ou reclamación: mínimo 15 días e máximo 6 meses, dende a data de admisión do envío.
  • Indemnización: tarifa aboada + 40DEG + 4,5 DEG/kg.
  • Se o envío ten contratado Seguro ou Valor Declarado, cuxa cobertura máxima son 3.000 €, a indemnización sería a tarifa aboada + Seguro ou Valor Declarado.
  • O Dereito Especial de Xiro (DEX) é unha divisa creada e utilizada polo Fondo Monetario Internacional (FMI) cuxo valor é a suma de determinadas cantidades de varias moedas: o dólar dos EUA, o euro, o renminbi chinés, o ien xaponés e a libra esterlina. Os DEX poden intercambiarse por moedas de libre uso.
  • Documentos para achegar: no caso de reclamación dun envío extraviado ou con falta de contido que dispoña de Seguro ou Valor Declarado, poderemos solicitar un documento xustificativo do valor da mercadoría, factura de reparación ou de reposición.

Iso e entregar o teu envío o máis rápido que poidamos.

Localiza a túa oficina de Correos máis próxima e tráenos o teu envío. Ten en conta que os prazos de entrega dependen do país de destino.

Prezo

Consulta a túa tarifa aquí ou nas oficinas de Correos.

Información sobre o peso volumétrico

O peso volumétrico é o peso dun paquete, pero tendo en conta as súas dimensións. Para calcular as nosas tarifas, as empresas de transporte adoitamos utilizar esta medida en vez do peso real, porque non ocupa o mesmo transportar 1 kg dun obxecto voluminoso que un 1 kg dun obxecto reducido, aínda que o seu peso sexa igual.

En Correos aplicamos o criterio peso/volume entre 167kg/m³ no momento da admisión do paquete, seguindo a seguinte fórmula: longo x alto x ancho en cm / 6.000.