Viaxar con equipaxe está pasado de moda. Agora con Correos as túas maletas van directas ás vacacións e volven a casa sen necesidade de ter que cargar con elas.
As vacacións son para desconectar e gozar. Bastante tes con facer as maletas como para tamén ter que cargar con elas ata o destino. Algunha vez pensaches comezar a túa viaxe só co imprescindible? En Correos facemos o teu soño realidade co “Paq Maleta”!
Este servizo é a opción máis cómoda para realizar a túa viaxe: levámosche as túas maletas onde queiras, con cobertura en todo territorio nacional peninsular e Baleares. Sube ao coche, ao tren ou ao avión sen preocupacións. Levar as maletas ás costas xa é cousa do pasado.
Propoñémosche un proceso moi sinxelo! Recollemos a túa equipaxe onde nos indiques ou, se o prefires, podes depositalo en calquera das nosas oficinas. Entregámolo en 24 horas se o traxecto é entre capitais de provincia con conexións máis frecuentes, ou en 48 horas no resto de destinos peninsulares.
O servizo “Paq Maleta” permíteche enviar ata 5 vultos por envío cun peso máximo por maleta de 25kg. Importante! Dispós de 230 destinos nacionais aos que poderás enviar a túa equipaxe.
Á hora da recollida da túa equipaxe, só terás que identificarte presentado o teu DNI, Pasaporte, Permiso de conducir, Tarxeta de residencia ou Documento de identificación que incorpore fotografía, sexa válido e se encontre en vigor no momento da entrega
Queres que outra persoa recolla as túas pertenzas?
Neste caso, a persoa encargada de recoller a equipaxe no teu lugar deberá presentar unha autorización asinada na que se recollan tanto os teus datos persoais coma os datos do autorizado, xunto cunha fotocopia do teu DNI.