Buzón Digital

Almacena os teus documentos dixitais e accede a eles cando o necesites.

QUÉROO
Buzón Digital QUÉROO

Rexístrate en Buzón Digital para comezar a recibir documentos doutras empresas
Revisa o apartado “Subscricións” e subscríbete ás que máis che interesen para recibir documentación.
Crea as túas propias carpetas persoais e sube a documentación importante que queiras poder consultar no futuro.

Información do produto

Descrición

A caixa dixital de Correos, Buzón Digital, é a mellor forma de almacenar os teus documentos dixitais xa que poderás acceder a eles de xeito rápido e sinxelo dende calquera dispositivo, cando e onde queiras. Só necesitarás conexión a Internet e as túas claves de acceso.

Trátase dun espazo seguro en Cloud que permite centralizar as túas comunicacións con outros usuarios, empresas e Administracións Públicas adheridas ao servizo, de forma segura e sen risco de recibir spam ou comunicacións non desexadas.

Poderás subscribirte ás empresas que máis che interesen para recibir a documentación electrónica que envíen e así evitar os envíos físicos en papel. A túa caixa de correo intelixente axudarache a clasificalos en carpetas, de forma automática, para que non teñas que preocuparte por nada.

Tamén che permite crear as túas propias carpetas persoais para subir os documentos que queiras conservar e poder consultalos en calquera momento grazas ao seu motor de busca co que poderás localizalos de xeito rápido e sinxelo. Ademais, poderás descargalos ou compartilos con outros usuarios de Buzón Digital mediante creación de ligazóns, correo electrónico ou a través de redes sociais.

Por outra parte, proximamente o Buzón Digital ofrecerá a posibilidade de realizar comentarios ao remitente sobre a documentación recibida e abrir fíos de comunicación entre ambos os dous onde poderás incluír texto e documentos adxuntos.

Incluirase a sinatura electrónica de documentos para que poidas devolver asinados os contratos ou pólizas que che envíen as empresas. Para iso deberás dispor dun certificado electrónico emitido por unha oficina de Correos.   

Permitirase o envío e recepción de documentación certificada a través de comunicacións electrónicas con validez legal.

E posibilitarase o envío de documentos de gran tamaño a Administracións Públicas adheridas, directamente dende a túa situación e en formato electrónico, grazas á opción Pendrive en Cloud. Para rematar o proceso deberás acudir a unha oficina de Correos a formalizar o pagamento e obter o teu xustificante. 

Prezo

O prezo do servizo básico do Buzón Digital é gratuíto. Para outras funcionalidades consulta as nosas tarifas.

Deberías saber

Preguntas frecuentes

Que tipo ou formato de documentos podo gardar?

Todo tipo de documentos, en calquera formato (Word, PDF, JPG), sen importar a súa orixe e con calquera contido.

Hai algún límite de tamaño ou de número de documentos?

Poderás subir ata 25 documentos ao mes, sempre que o seu tamaño non supere os 300MB.

Podo aumentar o espazo dispoñible para a miña caixa de correo?

Aínda non dispoñemos desa opción.

Actualmente o espazo dispoñible é de 2GB para documentos persoais, xa que os documentos procedentes de subscricións non consomen espazo.

Canto custa a Caixa de Correo Dixital?

O servizo básico é gratuíto.

Para outras funcionalidades consulta as nosas tarifas.

Podo darme de baixa cando queira?

Si. Este servizo non está suxeito a ningún contrato de permanencia. 

Ten algún custo a cancelación da conta?

Non. Este servizo non está suxeito a ningunha cláusula económica ligada á permanencia.

Como me dou de baixa?

Accede ao separador Axuda da aplicación, atoparás un formulario que terás que completar para iniciar o proceso de baixa.

Poñerémonos en contacto contigo para verificar a solicitude e proceder a eliminar a túa conta, datos e todos os documentos da túa caixa de correo.

Deixarei de recibir documentos en papel por correo?

Durante o proceso de subscrición cada entidade emisora informarate das condicións que se aplican. Nalgúns casos as entidades ofrecen o envío simultáneo de documentos en papel e a través da Caixa de Correo Dixital, mentres que noutras deixarán de remitir documentos físicos en papel.

Canto tempo estarán dispoñibles os documentos na Miña Caixa de Correo?

Sempre que o precises. Todos os arquivos e documentos almacenados na túa Caixa de Correo son da túa propiedade, e só ti poderás eliminalos.

Como me decato de que recibín algún documento?

Dentro da caixa de correo, na Miña Conta, selecciona Preferencias para indicar con que periodicidade queres que che enviemos un correo electrónico de notificación sobre os documentos recibidos.

Como comunico que non quero recibir máis documentos dunha entidade?

No menú de Subscricións podes pechar a subscrición coa entidade que queiras.

Están asinados os documentos?

Cada entidade emisora decide o formato e contido dos documentos que envía. A Caixa de Correo Dixital permite enviar e recibir documentos, independentemente de se están asinados dixitalmente ou non.

Podo comprobar as sinaturas dos documentos?

Para comprobar a sinatura dixital dun documento terás que descargalo no teu ordenador e utilizar o programa correspondente de comprobación de sinatura.

Que pasa cos meus documentos se me dou de baixa?

Procederase a bloquear a túa Caixa de Correo e eliminarase tanto a conta como os documentos contidos nela.  

Antes de solicitar a baixa do servizo, deberás descargar os documentos que queiras conservar e gardalos no teu ordenador. 

Pódese acceder á Miña Caixa de Correo dende un móbil ou tablet?

Si. A Caixa de Correo Dixital dispón dunha versión web adaptada a teléfonos móbiles, ademais de apps nativas compatibles con IOS e Android ás que se pode acceder dende os Markets oficiais App Store e Google Play.