Consignas de Correos

Gardámosche as pertenzas que nos pidas durante o tempo que precises.

Dende

3,5 €
Ven a calquera das nosas oficinas e completa o formulario de subscrición do servizo de Consigna.
Elixe a tarifa que queiras segundo o tamaño do vulto e o tempo que queres que o gardemos
Tras aboar o servizo, deposita o teu vulto sen máis demoras nin esperas
Retira o teu obxecto ao finalizar o prazo ou en canto o precises

Información do produto

Descrición

Onde se gardan as túas consignas?

O servizo de Consigna consiste no depósito dun obxecto nunha oficina de Correos para que sexa almacenado e custodiado na mesma oficina durante o tempo que contrates.

Durante ese tempo, nós coidaremos do teu vulto como a seguridade e garantías que ofrece Correos en todos os seus servizos.

Poderás retirar o teu vulto en calquera momento antes da finalización do servizo se así o desexas.

 

En que casos usar o servizo de consigna de Correos?

  • Deixa a túa equipaxe para percorrer a cidade.
  • Envía as túas maletas a outra cidade.
  • Viaxa sen a carga da túa equipaxe.

Detalles do servizo

Que debes ter en conta sobre o servizo?

O vulto a gardar deberá pesar, como máximo, 30 kg.

Ademais, deberá estar ben pechado,  sen posibilidade de acceder ao contido e nunha soa embalaxe. Se non é así, podería ser rexeitado.

Igualmente deberás ter en conta que hai obxectos que non serán aceptados no servizo, como:

  • Materiais explosivos, inflamables, radioactivos e outros perigosos ou que emitan olores prexudiciais
  • Armas
  • O opio e os seus derivados, a cocaína e demais estupefacientes e substancias psicotrópicas
  •  Diñeiro, xoias, metais preciosos, mostras ou documentos de negocios e obxectos de valor en xeral
  • Os produtos sometidos a réxime de reserva e non provistos de autorización especial para circular pola rede postal.
  • Animais vivos
  • Produtos perecedoiros
  • Restos e/ou cinzas humanas
  • Aqueles vultos cuxa envoltura ou cuberta conteña textos ou debuxos que vulneren calquera dos dereitos fundamentais da persoa
  • Obxectos cuxo tráfico sexa constitutivo de delito

 

A miña equipaxe está segura?

Descansa tranquilo: o teu vulto está 100 % seguro nas nosas oficinas de Correos. A confianza que nos avala garante a integridade da túa consigna.

 

 Onde deixar maletas?

Xestionar os teus envíos é doado! Atopa o noso servizo de consignas en calquera oficina de Correos. Controla a recepción e decide canto tempo queres que coidemos o teu paquete.

Prezos

Temos dous tipos de tamaños con diferentes tarifas por días.

Por tamaño:

  • Ata 10 kg
  • Ata 30 kg

Por días:

  • 1 día
  • 2 días
  • 5 días
  • 7 días
  • 15 días

Elixe o peso e os días que mellor se axusten ás túas necesidades e consulta a tarifa final nas nosas oficinas.