A importación de mercadoría na Península e Baleares procedente de Canarias, Ceuta e Melilla ou dalgún país fóra da Unión Europea está suxeita a tramitación de importación ante a Alfándega.

Ademais, dependendo do seu contido pode requirir controis de seguridade con carácter previo a que se presente o despacho aduaneiro de importación (DUA) ante a Alfándega de Madrid.

Estes envíos xerarán a obriga de pagamento de tributos e aranceis, así como o pagamento a Correos se elixes que sexamos o teu representante ante a Alfándega e ante o servizo de inspección fronteirizo (sanidade, farmacia...).

Se o envío que esperas ten destino na Península ou Baleares e procede de Canarias, Ceuta e Melilla ou dun país non pertencente á Unión Europea poderase tramitar de varias maneiras:

• Importación por Procedemento Simplificado (DUA Simplificado):
  • Destinatario particular
  • Valor da mercadoría que non exceda de 150€
  • Mercadoría non suxeita a impostos especiais (tabaco, alcohol, etc.)
  • Mercadoría non suxeita a controis de seguridade (sanidade, farmacia, etc.)
• Importación por Procedemento Ordinario (DUA Ordinario):
  • Destinatario empresa/persoa xurídica
  • Valor da mercadoría superior a 150€
  • Mercadoría suxeita a controis de seguridade (sanidade, farmacia, etc.)
  • Mercadoría suxeita a Impostos Especiais (tabaco, alcohol, etc.)