Cambio de divisas a domicilio

Correos e Global Exchange facilítanche as cousas cando viaxas ao estranxeiro: atopa a túa oficina de cambio de divisas nas nosas sucursais de Correos ou se o prefires podes utilizar o noso servizo de cambio de moeda a domicilio.

SOLICITAR CAMBIO DE DIVISAS
Cambio de divisas a domicilio SOLICITAR CAMBIO DE DIVISAS

Solicitude online
Accede á nosa páxina web para cambiar euros pola divisa que necesites. Cambia euros a dólares ou a outras 70 divisas máis.
Indica onde queres recibir o teu cambio de divisas: a domicilio, a un enderezo da túa elección ou nunha oficina de Correos
 Completa o formulario para poder validar a operación de cambio de moeda. Ten á man o teu DNI ou NIE en vigor!
Listo! Aboa a cantidade a cambiar coa túa tarxeta ou contra reembolso ao recibir a túa moeda.

Solicitude en oficina de Correos
Acude á túa oficina de Correos máis próxima. Non esquezas o teu móbil para aceptar os termos e condicións a través dunha SMS.
Indícanos que moeda estranxeira precisas e que cantidade para que poidamos solicitar o cambio de divisa dende o mostrador. 
Facilita os teus datos ao empregado de Correos para validar a operación de cambio de moeda estranxeira. Ten á man o teu DNI ou NIE en vigor!
Listo! Elixe pagamento con tarxeta ou contra reembolso e recibe a divisa estranxeira na oficina de Correos que elixas ou no enderezo que desexes.

Servizo de cambio de divisas de Correos

Descrición

Xunto con Global Exchange, Correos pon á túa disposición unha forma cómoda e sinxela de conseguir a túa moeda estranxeira en poucos días e con total seguridade. Poderás contratar o cambio de divisas á moeda que precises elixindo entre as máis de 70 opcións dispoñibles.

Ademais non terás que moverte da casa ou do traballo para recibir o teu diñeiro: Encargámonos de levalo ata o enderezo que nos indiques! Aínda que, se o prefires, poderás recollelo en calquera das nosas oficinas.

Lembra! Non existe unha cantidade mínima para solicitar o servizo, pero si un importe máximo por pedido de 5900 € por persoa solicitante e trimestre natural.

Este servizo está dispoñible polo momento para calquera persoa que resida na Península ou Baleares xa que, por agora, non o podemos ofrecer en Canarias, Ceuta e Melilla.

Divisas dispoñibles

Bota unha ollada ás divisas que poderás solicitar e cambiar a través deste servizo:

AED (dirham dos Emiratos Árabes), ARS (peso arxentino), AUD (dólar australiano), BGN (lev búlgaro), BOB (boliviano), BRL (real brasileiro), CAD (dólar canadense), CHF (franco suízo), CLP (peso chileno), CNY (iuan chinés), COP (peso colombiano), CRC (colón costarriqueño), CVE (escudo de Cabo Verde), CZK (coroa checa), DKK (coroa danesa), DOP (peso dominicano), DZD (dinar alxeriano), EGP (libra exipcia), GBP (libra esterlina), GMD (dalasi), GTQ (quetzal guatemalteco), HKD (dólar de Hong Kong), HUF (forinto húngaro), IDR (rupia indonesia), ILS (novo séquel israelí), INR (rupia india), ISK (coroa islandesa), JMD (dólar xamaicano), JOD (dinar xordano), JPY (ien xaponés), KES (xilín kenyano), KHR (rail camboxano), KRW (won surcoreano), KWD (dinar kuwaití), LKR (rupia de Sri Lanka), MAD (dirham marroquí), MUR (rupia mauriciana), MVR (rupia de  Maldivas), MXN (peso mexicano), MYR (ringit malasio), NIO (córdoba nicaraguana), NIP (libra irlandesa), NPR (rupia nepalesa) NOK (coroa norueguesa), NZD (dólar neozelandés), OMR (rial omaní), PEN (novo sol peruano), PHP (peso filipino), PLN (esloti polaco), PYG (guaraní paraguaio), QAR (rial qatarí), RON (leu romanés), RSD (dinar serbio), RUB (rublo ruso), SAR (rial saudita), SCP (libra escocesa), SEK (coroa sueca), SGD (dólar de Singapore), THB (baht tailandés), TND (dinar de Tunisia), TRY (lira turca), TTD (dólar de Trindade e Tobago), TWD (dólar taiwanés), TZS (xilín tanzano), UAH (grivna ucraína), USD (dólar estadounidense), UYU (peso uruguaio), VND (dong vietnamita), XAF (franco CFA de AC), XOF (franco CFA de AO), TSAR (rand sudafricano).

Lembra que o número de divisas e a cantidade dispoñible pode variar en función da oferta e a demanda do mercado.

Documentos de identificación aptos para o cambio de divisas

Para cumprir coa normativa contra o branqueo de capitais e o financiamento do terrorismo, sempre que fagas uso do servizo de cambio de divisas, será necesario que presentes o teu documento de identidade (DNI ou NIE) vixente. Tamén o deberás ter á man no momento da entrega da túa moeda estranxeira porque os nosos repartidores deberán verificar a túa identidade.

Así os teus cambios de divisa serán sempre seguros!

Condicións e Prazos de entrega

Queremos que os teus cambios de divisas sexan cómodos e rápidos!

Por iso, poderás recibir o teu pedido nun prazo de entre 2 e 4 días laborables dende que realices o pagamento. Estes prazos serán os mesmos tanto nas entregas a domicilio, noutro enderezo de entrega que elixas ou nas oficinas de Correos.

Se elixes a entrega a domicilio ou no teu lugar de traballo, os nosos mensaxeiros realizarán dous intentos de entrega. Se finalmente non puidésemos facer a entrega, non te preocupes! Enviarémosche unha mensaxe para indicarche a oficina de Correos á que poderás ir recollelo.

Lembra que para cumprir coa normativa contra o branqueo de capitais, só poderemos entregar o cambio de divisas á persoa que o realizou para poder garantir a seguridade na entrega. Tes que presentar o teu documento de identidade en vigor.