Enviar online

Envía documentos dende calquera dispositivo e dende calquera lugar coa mesma validez legal.

Burofax

Enviar documentos de forma urxente e segura

Carta

Envía unha carta dixital, ordinaria ou certificada

Tarxeta Postal

Enviar postais dixitais a través da Internet

PREPARAR ENVÍOS

Imprime as túas etiquetas e paga os teus envíos antes de ir á túa oficina de Correos

Paq 48

Entrega en 24/48 horas, segundo orixe destino

Carta Certificada

Garante a recepción mediante sinatura

Notificacións administrativas

Servizo indicado para comunicacións legais

PODEMOS AXUDARTE

Emisións

Emisión

EFEMÉRIDES 50 aniv. inauguración del servicio de la Televisión en España

  • Data de emisión: 08/11/2006
  • Procedemento de Impresión: Huecograbado
  • Papel: Estucado, engomado, fosforescente
  • Tamaño do selo: 40,9 x 28,8 mm. (horizontal)
  • Valor postal dos selos: 0,29 €
  • Tiraxe: 1.000.000
  • Dentado: 13 3/4

Entre as efemérides recordadas este ano pola filatelia, non podía faltar a emisión dun selo dedicado ao 50 Aniversario da Inauguración do Servizo de Televisión en España.

41120061

Se xa na segunda metade do século XIX os investigadores dos países máis avanzados comezaron a realizar as primeiras experiencias de transmisión de imaxes, non sería ata moitos anos máis tarde cando a televisión se fixo realidade. O vocábulo francés télévision foi utilizado por primeira vez polo ruso Constantin Perskyi durante o Congreso de Electricidade que tivo lugar en París en 1900. O termo foi adoptado seguidamente por outros idiomas con expresións moi similares. En España, a primeira emisión de televisión produciuse o domingo, 28 de outubro de 1956, desde o pequeno estudo situado no Paseo da Habana, en Madrid. O radio de difusión chegaba, unicamente, a uns 60 quilómetros de distancia e o número de aparatos de televisión era duns 600. A programación arrancou coa Carta de Axuste, o discurso inaugural do ministro de Información e Turismo, Gabriel Arias-Salgado, representacións de coros e danzas rexionais, actuacións musicais e reportaxes do No-Do. A Carta de Axuste servía para sintonizar o ton e os brillos e aparecía en pantalla unha hora antes de comezar a transmisión. A década dos 60 supuxo o gran despegue da televisión, con acontecementos como a retransmisión do primeiro partido de fútbol Barcelona-Real Madrid, en 1960, seguido a través dos escaparates das tendas de electrodomésticos. Ese mesmo ano estableceuse conexión coa rede internacional de Eurovisión. En 1963 comezou a utilización dos rombos para avisar da “perigosidade moral” do programa e en 1966 iniciáronse as emisións da Segunda Cadea (UHF), cunha programación máis cultural. Se ben, os momentos de maior interese social foron os funerais de John F. Kennedy, en 1963 e a chegada do home á Lúa, en 1969, seguidos por millóns de espectadores en todo o mundo. Ao longo destes 50 anos, a televisión pasou a converterse no medio de comunicación máis aceptado pola cidadanía cumprindo, pola súa vez, unha función informativa, cultural e de entretemento. Para a emisión do selo contouse coa colaboración do Colexio Oficial de Enxeñeiros de Telecomunicación, unha profesión á a que se debe, en boa parte, a evolución e desenvolvemento do proceso técnico televisivo.

Compárteo nas túas redes