Enviar online

Envía documentos dende calquera dispositivo e dende calquera lugar coa mesma validez legal.

Burofax

Enviar documentos de forma urxente e segura

Carta

Envía unha carta dixital, ordinaria ou certificada

Tarxeta Postal

Enviar postais dixitais a través da Internet

PREPARAR ENVÍOS

Imprime as túas etiquetas e paga os teus envíos antes de ir á túa oficina de Correos

Paq 48

Entrega en 24/48 horas, segundo orixe destino

Carta Certificada

Garante a recepción mediante sinatura

Notificacións administrativas

Servizo indicado para comunicacións legais

PODEMOS AXUDARTE

Emisións

Emisión

EFEMÉRIDES. 50 Aniv. de la C.E.E.

  • Data de emisión: 23/03/2007
  • Procedemento de Impresión: Huecograbado
  • Papel: Estucado, engomado, fosforescente
  • Tamaño do selo: 28,8 x 40,9 mm. (vertical)
  • Efectos en prego: 50
  • Valor postal dos selos: 0,58 €
  • Tiraxe: 1.000.000
  • Dentado: 13 3/4

Máis de 490 millóns de cidadáns de 27 Estados europeos conmemoran este ano o 50 Aniversario da Comunidade Económica Europea (CEE); unha organización internacional con fins económicos, políticos e sociais que promove valores como a democracia, a liberdade e a xustiza social entre os países membros.

30320071

A idea de crear unha Europa unida, en paz e en desenvolvemento, xorde tras finalizar a Segunda Guerra Mundial, pero non se faría realidade ata 1957 coa sinatura dos Tratados de Roma entre Alemaña, Bélxica, Francia, Italia, Luxemburgo e Países Baixos, polos que se crearon a Comunidade Económica Europea (CEE) e a Comunidade Europea da Enerxía Atómica (EURATOM). O nacemento da CEE foi o punto de partida dun mercado común de bens que iría evolucionando co paso dos anos ata constituírse nunha unidade de nacións, coa libre circulación de persoas, mercancías, bens e servizos. Aos seis países asinantes do acordo uníronselles, en 1973, tres novas potencias: Dinamarca, Irlanda e Reino Unido. En 1981 faríao Grecia e, seguindo a orde cronolóxica, en 1986 ingresarían España e Portugal. En 1995 adheríronse Austria, Finlandia e Suecia; e en 2004 a República Checa, Chipre, Eslovaquia, Eslovenia, Estonia, Hungría, Letonia, Lituania, Malta e Polonia. Finalmente, o 1 de xaneiro de 2007 uníronse Bulgaria e Romanía, completando, así, a lista dos 27 países que forman a organización. En 1993, coa entrada en vigor do Tratado de Maastrich, pasou a denominarse Unión Europea (UE). Un dos grandes logros económicos da Unión foi a posta en circulación da moeda única: o euro, en 2002. Na actualidade esta moeda é compartida por 13 Estados. A UE conta con cinco institucións que cumpren funcións específicas: o Parlamento Europeo; o Consello da Unión Europea; a Comisión Europea; o Tribunal de Xustiza da Unión e o Tribunal de Contas Europeo. O 26 de maio de 1986 estreouse a bandeira oficial, formada por un círculo de doce estrelas amarelas sobre fondo azul. As doce estrelas aparecen situadas como as horas na esfera dun reloxo e o seu número é invariable. A bandeira europea non substitúe as dos Estados membros posto que cada país conserva a súa propia. O selo conmemorativo do 50 Aniversario da CEE reproduce o mapa de Europa cos anos de integración de cada país agrupados en bloques de cores baixo as doce estrelas douradas, símbolo da solidariedade entre os pobos europeos.

Compárteo nas túas redes