Enviar online

Envía documentos dende calquera dispositivo e dende calquera lugar coa mesma validez legal.

Burofax

Enviar documentos de forma urxente e segura

Carta

Envía unha carta dixital, ordinaria ou certificada

Tarxeta Postal

Enviar postais dixitais a través da Internet

PREPARAR ENVÍOS

Imprime as túas etiquetas e paga os teus envíos antes de ir á túa oficina de Correos

Paq 48

Entrega en 24/48 horas, segundo orixe destino

Carta Certificada

Garante a recepción mediante sinatura

Notificacións administrativas

Servizo indicado para comunicacións legais

PODEMOS AXUDARTE

Emisións

Emisión

EFEMÉRIDES

  • Data de emisión: 07/05/2009
  • Procedemento de Impresión: Huecograbado
  • Papel: Estucado, engomado, fosforescente
  • Tamaño do selo: 28,8 x 40,9 mm. (verticales)
  • Efectos en prego: 50
  • Valor postal dos selos: 0,39 y 0,62 €
  • Tiraxe: 450.000 sellos de cada motivo
  • Dentado: 13 3/4

Consta a emisión de Efemérides de dous selos cos que se conmemora o IX centenario da morte do rei Afonso VI de León e Castela e o IX centenario do falecemento de Santo Domingo de la Calzada.

10520091

O primeiro reproduce a imaxe do monarca pertencente a unha miniatura que aparece no Tumbo A (século XII), do arquivo da Catedral de Santiago de Compostela, e o segundo representa a letra capital U do pergameo, datado en Avignon, o 22 de xuño de 1362, polo que se lles concede indulxencia aos fieis que axuden a construír a capela sepulcral de Santo Domingo de la Calzada. Esta é unha das primeiras representacións que se conservan do santo que no selo aparece representado como sacerdote portando a pértega de arquitecto e acompañado de escravos liberados orando tras el. Este pergameo, cuxos textos están escritos en latín, consérvase no arquivo da Catedral de Santo Domingo de la Calzada. Afonso VI de León e Castela, coñecido como Afonso O Bravo, foi tamén rei de Galicia. Fillo de Fernando I de Castela e de Sancha de León, á morte desta houbo de enfrontarse cos desexos expansionistas do seu irmán Sancho, quen perdeu a súa vida nas mans de Vellido Dolfos no cerco de Zamora. Morto Sancho e encarcerado o seu irmán García no castelo de Luna, Afonso consolídase no trono castelán-leonés e ademais de Galicia anexiónase os territorios de Araba, Biscaia, Guipúscoa e La Bureba, adoptando en 1077 o título de emperador. Recuperou Toledo, sede lexítima do imperio hispánico en 1085 e a cidade onde faleceu en 1109, aínda que foi soterrado no mosteiro de Sahagún. Afonso VI fomentou a seguridade do Camiño de Santiago e impulsou a introdución da reforma cluniacense.

10520092

Domingo García, coñecido como Santo Domingo de la Calzada, naceu en 1019 en Viloria de Rioja, provincia de Burgos. Colaborador de Gregorio, bispo de Ostia, chegado a Calahorra, xuntos construíron unha ponte sobre o río Oja e logo unha calzada, de aí a súa denominación, para facilitar o tránsito de peregrinos a Santiago. O seu labor foi recoñecido por Afonso VI quen, tras visitalo, nomeouno responsable das obras viarias do Camiño de Santiago. Santo Domingo protagonizou varios milagres, antes e despois da súa morte en 1109, no lugar que leva o seu nome na Rioxa.

Compárteo nas túas redes