Enviar online

Envía documentos dende calquera dispositivo e dende calquera lugar coa mesma validez legal.

Burofax

Enviar documentos de forma urxente e segura

Carta

Envía unha carta dixital, ordinaria ou certificada

Tarxeta Postal

Enviar postais dixitais a través da Internet

PREPARAR ENVÍOS

Imprime as túas etiquetas e paga os teus envíos antes de ir á túa oficina de Correos

Paq 48

Entrega en 24/48 horas, segundo orixe destino

Carta Certificada

Garante a recepción mediante sinatura

Notificacións administrativas

Servizo indicado para comunicacións legais

PODEMOS AXUDARTE

Emisións

Emisión

JUVENIA 2009

  • Data de emisión: 06/11/2009
  • Procedemento de Impresión: Offset
  • Papel: Estucado, engomado, fosforescente
  • Tamaño do selo: 28,8 x 40,9 mm. (vertical)
  • Efectos en prego: 50
  • Valor postal dos selos: 0,39 €
  • Tiraxe: 320.000
  • Dentado: 13 3/4

A Exposición Nacional de Filatelia Xuvenil (JUVENIA 2009), acontecemento filatélico de importante relevancia para o coleccionismo xuvenil de selos que se vén realizando con periodicidade bienal, ten como sede, o ano 2009, a localidade asturiana de Mieres. É alí onde terán lugar, desde o día 6 ao 14 de novembro, as exposicións, obradoiros, seminarios e demais actos conmemorativos de JUVENIA, na súa xa XXI edición. Esta Exposición Nacional de Filatelia Xuvenil, como en anteriores citas, imponse como reto dar a coñecer o variado, apaixonante e formativo mundo dos selos entre os mozos, pois neles están as bases do futuro coleccionismo filatélico. Nesta XXI edición, organizada polo Club Filatélico Mierense, que cumpre este ano o seu 50 aniversario, preséntanse coleccións filatélicas procedentes de Francia, Portugal e de toda España. Dentro do programa de JUVENIA terán lugar diversas actividades culturais: seminarios, visitas, charlas filatélicas, presentacións de selos, etc. Estes actos terán como lugar de celebración o hall do edificio principal del campus universitario de Barredo, en Mieres.

61120091

Mieres limita ao norte con Ribera de Arriba, Oviedo e Langreo; ao sur con Lena e Aller; ao leste con Langreo, San Martín del Rey Aurelio e Laviana; e ao oeste con Morcín e Riosa. Do seu pasado histórico, pola existencia de castros e túmulos, sábese que houbo poboación autóctona anterior á ocupación romana. Tamén desta última se atoparon restos e inscricións, aínda que a importancia deste concello comezará a partir do século IX cando diversos reis asturianos destinan doazóns ás súas igrexas e foros. Mieres figurou desde a Idade Media na Ruta Xacobea. De aí o nome da súa capital, Mieres do Camiño. O concello, desde o século XIX, tivo unha importante actividade coa explotación de minas de carbón, actualmente en declive, e tamén contou ata 1970 cunha importante industria siderúrxica. O selo reproduce unha panorámica da praza de Requejo na que aparece en primeiro plano a escultura dun escanciador de sidra e como fondo os edificios típicos asturianos de galerías acristaladas, ademais de logos e textos alusivos a Mieres e a JUVENIA.

Compárteo nas túas redes