Enviar online

Envía documentos dende calquera dispositivo e dende calquera lugar coa mesma validez legal.

Burofax

Enviar documentos de forma urxente e segura

Carta

Envía unha carta dixital, ordinaria ou certificada

Tarxeta Postal

Enviar postais dixitais a través da Internet

PREPARAR ENVÍOS

Imprime as túas etiquetas e paga os teus envíos antes de ir á túa oficina de Correos

Paq 48

Entrega en 24/48 horas, segundo orixe destino

Carta Certificada

Garante a recepción mediante sinatura

Notificacións administrativas

Servizo indicado para comunicacións legais

PODEMOS AXUDARTE

Emisións

Emisión

VIAS VERDES

  • Data de emisión: 13/06/2011
  • Procedemento de Impresión: Offset
  • Papel: Estucado, engomado, fosforescente
  • Tamaño do selo: 40,9 x 28,8 mm. (horizontal)
  • Efectos en prego: 50
  • Valor postal dos selos: 0,35 €
  • Tiraxe: 300.000

Denomínanse Vías Verdes os itinerarios que discorren sobre as antigas infraestruturas ferroviarias que foron acondicionadas con fins ecoturísticos. Na actualidade existen máis de 80 rutas repartidas por toda a xeografía nacional, con distancias quilométricas que varían en función do trazado e séguense acondicionando novos tramos.

10620111

O proxecto Vías Verdes iniciouse no ano 1993 para tratar de converter nun espazo de ocio e de deporte ao aire libre os máis de 7.000 quilómetros de liñas de trens que non teñen servizo ou que nunca chegaron a telo por quedar sen finalizar as obras de construción. Ata o momento, abríronse máis de 1.800 quilómetros para uso e goce de camiñantes, cicloturistas e persoas de mobilidade reducida. Unha das características que presentan estes itinerarios é a fácil accesibilidade para todo o público, xa que ao tratarse de terreos sen grandes desniveis poden ser utilizados por todo tipo de deportistas.

Nunha clara aposta polo desenvolvemento sostible e a dinamización do medio rural, nas diferentes rutas estanse potenciado os recursos turísticos de cada zona e estase levando a cabo un labor de rehabilitación das antigas estacións ferroviarias para transformalas en restaurantes, museos, lugares de aloxamento e áreas de aluguer de bicicletas e cabalos. Todos os itinerarios están sinalizados con antigas travesas de madeira das vías férreas e o logotipo específico da organización.

O programa Vías Verdes está coordinado pola Fundación dos Ferrocarrís Españois (FFE) e conta coa colaboración do Ministerio de Medio Ambiente, Medio Rural e Mariño, as comunidades autónomas, deputacións, concellos e outros colectivos.

O modelo español expandiuse por outros lugares de Europa e, en 1998, creouse en Namur (Bélxica) a Asociación Europea de Vías Verdes (AEVV), da que forman parte cerca de 60 organizacións de 14 países.

No selo reprodúcese a imaxe dos sendeiristas por un antigo trazado de tren e o logotipo de Vías Verdes.

Compárteo nas túas redes