Enviar online

Envía documentos dende calquera dispositivo e dende calquera lugar coa mesma validez legal.

Burofax

Enviar documentos de forma urxente e segura

Carta

Envía unha carta dixital, ordinaria ou certificada

Tarxeta Postal

Enviar postais dixitais a través da Internet

PREPARAR ENVÍOS

Imprime as túas etiquetas e paga os teus envíos antes de ir á túa oficina de Correos

Paq 48

Entrega en 24/48 horas, segundo orixe destino

Carta Certificada

Garante a recepción mediante sinatura

Notificacións administrativas

Servizo indicado para comunicacións legais

PODEMOS AXUDARTE

Emisións

Emisión

JORNADA MUNDIAL DE LA JUVENTUD

  • Data de emisión: 01/07/2011
  • Procedemento de Impresión: Offset
  • Papel: Estucado, engomado, fosforescente
  • Tamaño do selo: 28,8 x 40,9 mm. (vertical)
  • Efectos en prego: 50
  • Valor postal dos selos: 0,80 €
  • Tiraxe: Ilimitada

A celebración na capital de España da XXVI edición da Xornada Mundial da Mocidade é o motivo da emisión conxunta que se realiza entre España e Cidade do Vaticano. Os selos de ambos os países reproducen o logotipo oficial do evento.

10720111

En 1984, durante o papado de Xoán Paulo II, naceu a idea de realizar periodicamente unha reunión internacional entre mozos católicos de todo o mundo para incentivar a súa participación na Igrexa católica. Un ano máis tarde, e coincidindo coa proclamación pola ONU do Ano Internacional da Mocidade, a Igrexa organizou un encontro entre mozos na praza de San Pedro de Roma, tras o que o papa instituíu a Xornada Mundial da Mocidade. A primeira reunión con este nome realizouse, o Domingo de Ramos de 1986, na capital italiana e supuxo o inicio duns encontros que contribuíron a denominar a Xoán Paulo II co alcume de o Papa da Mocidade.

A Xornada Mundial da Mocidade celébrase anualmente en todas as dioceses o día de Domingo de Ramos, pero cada dous ou tres anos toma carácter internacional e organízase nunha cidade diferente. Este encontro, de varios días de duración, é presidido polo papa e é o que se coñece como Xornada Mundial da Mocidade.

España é a segunda vez que acolle o encontro internacional. A primeira ocasión tivo lugar en Santiago de Compostela, en 1989. Nesta ocasión realízase en Madrid, entre o 16 e o 21 de agosto. Outros lugares de reunión foron: Arxentina (1987), Polonia (1991), Estados Unidos (1993), Filipinas (1995), Francia (1997), Italia (2000), Canadá (2002), Alemaña (2005) e Australia (2008).

Os símbolos que presiden a xornada son a Cruz dos Mozos e unha imaxe da Virxe María.

O selo ilústrase co logotipo do deseñador gráfico José Gil-Nogués e plasma unha alegoría da unión dos mozos de todo o mundo ao pé da Cruz, que dan forma á coroa da Virxe da Almudena, patroa de Madrid. Na coroa figura o “M” de María e primeira letra de Madrid, lugar de realización.

Compárteo nas túas redes