Enviar online

Envía documentos dende calquera dispositivo e dende calquera lugar coa mesma validez legal.

Burofax

Enviar documentos de forma urxente e segura

Carta

Envía unha carta dixital, ordinaria ou certificada

Tarxeta Postal

Enviar postais dixitais a través da Internet

PREPARAR ENVÍOS

Imprime as túas etiquetas e paga os teus envíos antes de ir á túa oficina de Correos

Paq 48

Entrega en 24/48 horas, segundo orixe destino

Carta Certificada

Garante a recepción mediante sinatura

Notificacións administrativas

Servizo indicado para comunicacións legais

PODEMOS AXUDARTE

Emisións

Emisión

Milenio Reino de Granada 1013 - 2013

  • Data de emisión: 26/02/2013
  • Procedemento de Impresión: Offset
  • Papel: Estucado, engomado, fosforescente
  • Tamaño do selo: 40,9 x 28,8 mm. (horizontal)
  • Valor postal dos selos: 0,37 €
  • Tiraxe: 300.000
  • Dentado: 13 3/4

Ao cumprirse o Milenio do Reino de Granada ponse en circulación un selo que conmemora a creación deste reino independente no ano 1013.

30220131

Tras o derrubamento do Califato de Córdoba, da dinastía omeia, a partir de 1009, os territorios de Al-Andalus dividíronse en pequenos estados de existencia efémera chamados reinos de taifas. Un destes primeiros reinos foi o de Granada, fundado no ano 1013 polo musulmán bérber Zawi ben Ziri. Unha das primeiras accións tomadas pola dinastía dos Zirís foi trasladar a capital desde a cidade de Elvira, un lugar de difícil defensa, a Granada, entón un lugar sen demasiada importancia. A elección de Granada como capital do reino foi debido á súa boa situación e rica veiga, o que facilitaba o abastecemento da poboación.

A dinastía dos Zirís abarcou desde 1013 ata 1090 e nas Memorias deixadas polo cuarto e último soberano Zirí pódese ler: “E contemplaron unha fermosa chaira, chea de regatos e de arboredos, que como todo o terreo circundante, está regada polo río Xenil, que baixa de Serra Nevada. Contemplaron así mesmo o monte no que hoxe se asenta a cidade de Granada, e comprenderon que era o centro de toda a comarca”.

Tras preto de 150 anos de guerras, primeiro con almorábides e máis tarde con almohades, Granada engrandeceríase coa chegada da dinastía do reino Nazarí, desde 1232 ata 1492, que lles foi entregada aos Reis Católicos. Durante este período, levantáronse os palacios, os xardíns, os estanques, os centros de estudo e as estreitas calellas que lle deron á cidade a fisionomía urbanística que hoxe coñecemos. Alí floreceron as ciencias, as artes e as letras e conviviron en perfecta harmonía árabes e xudeus.

Coa chegada dos reis cristiáns continuou a expansión artística e cultural da cidade. Construíuse a catedral renacentista, conventos e igrexas. O emperador Carlos V edificou un palacio dentro do recinto da Alhambra e fundou a universidade, á que acudiron os máis ilustres mestres do momento.

En 1984, o palacio da Alhambra, o Xeneralife e o barrio do Albaicín da histórica cidade de Granada foron declarados Patrimonio da Humanidade.

Compárteo nas túas redes