Bidali dokumentuak edozein gailuren bitartez, edonon zaudela, kasu guztietan legezko baliotasunarekin.
Dokumentuak premiaz eta segurtasun osoz bidali
Bidali eskutitz digitala, arrunta zein ziurtatua
Posta-txartel digitalak Internet bidez bidali
Inprimatu etiketak eta ordaindu zure bidalketak Correos-en bulegora joan aurretik
Entrega 24/48 orduren buruan, jatorriaren eta helmugaren arabera
Egiaztatu jaso dela, sinadura bidez
Legezko jakinarazpenak egiteko zerbitzu aproposa
Araudiari buruz
Erregimen juridikoa eta izaera zehazten dituen araudia, baita jarduera, horniduren, ondasunen eta zerbitzuen kontratazioak arautzen dituena eta gobernu ona eta kudeaketan jarraitu beharreko gardentasuna ezartzen dituena ere.
Izaera eta erregimen juridikoa
Correos y Telégrafos, S.A., S.M.E estatuko sozietate anonimoa 2001eko ekainaren 29an sortu zen, zerga, administrazio eta gizarte-mailako neurriei buruzko abenduaren 29ko 14/2000 Legearen 58. artikuluan ezarritakoari jarraiki.
Martxoaren 20ko HAP/583/2012 Aginduaren bidez publiko egin eta estatuko sektore publikoko enpresa eta fundazioen Berregituratze eta Arrazionalizazio Plana onartzen duen 2012ko martxoaren 16ko Ministro Kontseiluaren akordioak ezarri zuen, besteak beste, Correos-en titulartasunaren aldaketa, eta horren ondorioz SEPIren aldeko akzio guztiak hartu zituen barne.
Correos merkataritza-sozietatea da; ordenamendu juridiko pribatuak arautzen du, aurrekontu, kontabilitate, finantza-kontrol eta kontratazio araudia aplikagarri den gaietan izan ezik, sektore publikoko enpresa izaki, Aurrekontu Orokorren azaroaren 26ko 47/2003 Legearen 3. artikuluan xedatutakoari jarraiki eta Administrazio Publikoen Ondasunei buruzko azaroaren 3ko 33/2003 Legearen 166. artikuluan ezarritakoarekin bat.
Kontratazioa
Kontratazioak egiteko araudi hauek hartzen dira kontuan:
- 3/2011 Legegintzako Dekretua, azaroaren 14koa, Sektore Publikoko Kontratuen Legeko testu bategina onartzen duena.
- 31/2007 Legea, urriaren 30ekoa, uraren, energiaren, garraiobideen eta posta-zerbitzuen sektoreetan kontratazioak egiteko prozedurei buruzkoa. Aipatu Legearen Bigarren Xedapen Gehigarrian espresuki adierazten da Correos y Telégrafos, S.A., S.M.E estatuko sozietatea Legearen baitan dagoen erakunde kontratatzailea dela.
- Sozietatearen kontratazioak egiteko barne-jarraibideak. Aipatu jarraibideak nahi duen orok kontsultatu ditzake kontratatzailearen profilean, www.correos.es webgunean.
Jarduera
Correos legez izendatu da Espainian posta-zerbitzu unibertsala emateko, kalitate-, erregulartasun-, irisgarritasun- eta eskuragarritasun-baldintzei jarraiki posta-komunikazioa erabiltzeko herritar guztiek duten eskubidea betetze aldera. Izan ere, postaren merkatua guztiz liberalizatu zen 2011ko urtarrilaren 1ean, Posta Zerbitzu Unibertsalari, Erabiltzaileen Eskubideei eta Posta Merkatuari buruzko abenduaren 30eko 43/2010 Legea oinarri.
Aipatu legean, posta-zerbitzu unibertsala eskaintzeko izendatu den operatzaileari eskatzen zaizkion biltzeko, onartzeko, banatzeko eta entregatzeko baldintzak arautzen dira batik bat, baita betebehar horien finantzazioa, prezioak eta posta-zerbitzuen beste tarifa-baldintza batzuk ere.
Halaber, gaitutako enpresa garraiolaria izaki, Correos-ek paketeria-aukera zabala eskaintzen du, betiere Lurreko Garraioen Antolamenduari buruzko uztailaren 30eko 16/1987 Legearekin eta Salgaiak Lurretik Garraiatzeko Kontratuei buruzko 15/2009 Lege Arautzailearekin bat.
Gardentasuna eta gobernu ona
Bestalde, gardentasunari, informazioa eskuratzeari eta gobernu onari buruzko abenduaren 9ko 19/2013 Legeak xedatzen du sektore publikoko enpresa guztiek aldizka eta eguneratuta argitaratu behar dutela gardentasuna bermatzeko garrantzitsua den jarduera publikoaren funtzionamenduari eta kontrolari buruzko informazioa.
