Portal de Correos - Medio ambiente

ONLINE BIDALI

Bidali dokumentuak edozein gailuren bitartez, edonon zaudela, kasu guztietan legezko baliotasunarekin.

Burofaxa

Dokumentuak premiaz eta segurtasun osoz bidali

Eskutitza

Bidali eskutitz digitala, arrunta zein ziurtatua

Tarjeta Postal

Posta-txartel digitalak Internet bidez bidali

BIDALKETAK PRESTATU

Inprimatu etiketak eta ordaindu zure bidalketak Correos-en bulegora joan aurretik

PAQ 48

Entrega 24/48 orduren buruan, jatorriaren eta helmugaren arabera

Gutun ziurtatua

Egiaztatu jaso dela, sinadura bidez

Notificaciones Administrativas

Legezko jakinarazpenak egiteko zerbitzu aproposa

LAGUNDU AHAL DIZUGU

Medio ambiente
Medio ambiente
Correos-en CO2 isuriak

Gure konpromisoa.

Gizartearekiko eta lan egiten duen ingurua errespetatzearekiko benetako konpromisoa du Correos-ek. Horregatik, jakin badaki zein den isurtzen dituen negutegi-efektuko gasen inguruan ekiteak duen garrantzia, klima-aldaketaren arrazoi eta garraioan eta bidalketen tratamenduan kontuan hartu beharreko aspektu nagusiak izaki.

Egia esan, funtsezkoa da klima-aldaketa kontuan hartzea egunero egiten diren lanetan, haren ondorioz posta-lanei eragin diezaieketen hainbat egoera hartu behar dira eta aintzat. Besteak beste:

- CO2 isuriei buruz gero eta araudi gehiago daude Europa mailan, nazio-mailan eta tokian tokian. Adibidez, ohiko erregai bidez funtzionatzen duten ibilgailuen trafiko-murrizketari buruzkoa.

- Kontsumitzaileek gero eta informazio gehiago eskatzen dute ingurumenari buruz eta enpresek ingurumenean duten eraginarekiko kontzientzia areagotu da. Hala agertzen da karbono-aztarnari buruzko Errege Dekretuan.

- Erregai fosilen prezio desegonkorrak.

Nolanahi ere, horien ondorioz aukerak ere sortzen dira, adibidez:

- Soluzio garbiagoak barne hartzen dira, egun Europan egiten diren programei esker.

- Kostuetan aurrezten da, epe luzeko iraunkortasunean oinarritzen diren kontsumoak murrizteari esker.

- Lan egiten duen ingurunearekin konpromisoa duen enpresa da eta erreferente nazionala posta-sektorearen iraunkortasunean.

Halako egoeraren aurrean, Correosek helburu hauek ezarri ditu, emisioak gutxitzeko eta eragiketa eraginkorragoak izan daitezen:

- 1., 2. eta 3. irismeneko CO2 isuriak %15 murriztea 2020rako, 2013koak kontuan hartuta.

- Bidalketetan eragiten diren isuriak %2 baino gehiago ez izatea 2020rako, 2013ko datuak kontuan hartuta.

- Higiezinen energia-kontsumoa %8 murriztea 2017rako, 2013ko datuak kontuak hartuta.

Horiek lortzeko, Antolakuntza, Eraginkortasun eta Iraunkortasun Zuzendariordetzak (erakundean klima-aldaketaren efektuak ebaluatzeaz eta CO2 isuriak neurtzeaz eta kudeatzeaz arduratzen da) eta Erantzukizun Sozialaren eta Higiezinen Zuzendariordetzek eraginkortasun eta iraunkortasun plana sustatu dute, energia-eraginkortasuna, mugikortasun iraunkorra eta erosketa arduratsuak oinarri isuriak murrizteko.

Aipatu helburuak lortzeko, besteak beste, neurri hauek jarri dira abian:

- Karbonorik gabeko produktuak merkaturatzea.
- Energia-eraginkortasuneko neurriak ezartzea, Plan100, esaterako. Horri esker %4,8 energia gutxiago kontsumitu da 2012an kontsumitutakoarekin alderatuta, eta 1.000.000 euro baino gehiago aurreztu ditugu.
- Energia-eraginkortasunean eta garraio eraginkorrean prestakuntza ematea langileentzako, Energia Dibertsifikazio eta Aurrezpenen Institutuarekin sinatutako lankidetza-hitzarmenari esker.
- Basotze-kanpainak egitea, Espainiako WWFarekin batera.
- Ingurumen Konpromisoaren Saria.

Ez dugu ahaztu behar Correos-ek urte asko daramatzala energia-eraginkortasuna izateko eta energia aurrezteko neurriak ezartzen, bezeroei ingurumena errespetatzen duten produktuak eskaintzen (adibidez, Linea Berdea izeneko produktu-sorta) eta prozesuak eta ingurumen-aspektuak kontrolatzen (ISO 14001 ziurtagiria).

Gure emaitzak.

2013an, Correosek 183.579 tCO2 erregistratu zituen guztira.Egiaztatutako emisioen txostena 2014.

Emaitza horiek argi uzten dute 2008tik 2014ra bitartean %39 gutxitu zirela 1+2 irismeneko emisioak, eta %19 hiru irismenekoak:

 [Asset Included(Id:1363186854592;Type:CorreosMedia_C)]

- 1. irismena: egindako isuri zuzenak laneko eremuan zerbait erretzeagatik, adibidez, erregai-kontsumotik eratorritakoak.

- 2. irismena: energia sortzeko instalazioetan eragiten diren isuriak (ziklo konbinatuko zentralak, zentral termikoak, hidraulikoak, eolikoak, etab.) Correos-ek kontsumitzen duen energia ekoizteagatik.

- 3. irismena: enpresaren jardueraren ondorioz zeharka eragindakoak. Adibidez, azpikontratatuenak, negozio-bidaietakoak edo langileek lanpostura joateko eragiten dituzten isuriak.

Ikus daitekeen bezala, ez zaio murrizteari utzi denboran zehar. Murrizketak aurrera eramandako energia-eraginkortasuneko neurriei esker lortu dira. Horrez gain, orain arte ezarritako eraginkortasun-helburuei jarraiki, 2020rako KPIa %20 murrizteko helburua aurreikusi baino 5 urte lehenago lortu da, eta horregatik, helburu zorrotzagoa ezarri dugu 2020rako.

Isuriak konpentsatzea.

Hala ere, Correos-en jarduerek eragindako isuriak ezin izan dira guztiz desagerrarazi. Hori dela eta, murrizketa-ekintzez gainera, Correos-ek karbono-kredituak erosi ditu merkatu boluntarioan, hain zuzen ere, egiten dituen jarduera batzuengatik eta bidalketen banatzeagatik eragindako isuriak konpentsatu eta karbonorik gabeko ekintza bihurtzeko (Karbono Neutrala).
Konpentsatzeko proiektuen artean, Correosek zeramika-lanak eskuz egiten dituen Brasilgo enpresa batena aukeratu du. Erabiltzen zuen erregaia aldatu zuen enpresak, bere jarduerak iraunkorrak izan zitezen
(Ikusi proiektuaren xehetasunak). Correosen emisioak konpentsatzeko proiektua.