Paquete Premium

Zuri egokitutako bidalketa, behar duzun tokian eta unean.

BIDALI Egin zaitez bezero
Paquete Premium BIDALI

Zerbitzu gehigarriak

Entregaren Froga Elektronikoa (PEE)

Entrega ziurtatuaren frogagiri digitala.
INFORMAZIO GEHIAGO

Entregaren froga elektronikoa

Entregaren frogagiri ziurtatua, denbora-zigiluarekin elektronikoki sinatua eta hartzailearen sinaduraren xehetasunarekin, PDF fitxategi baten bidez bidalia. Correosen berme osoarekin. 

CSV (Egiaztapen Kode Ziurtatua) bisorearen bidez egiazta daiteke. Bisoreak fitxategia deskargatzeko aukera ematen dizu, denbora-zigiluaren eta bertan dauden sinaduren osotasuna eta benetakotasuna egiaztatzeko.

Entrega hartzaileari soilik

Bidalketa hartzaileak besterik ezin du jaso, beti bere burua identifikatu eta gero. Ez da onartzen erakunde edo enpresei edo hirugarren pertsonei ematea, baimen sinatua izan arren. Bi hartzaile adierazteko aukera dago.

Diru-itzulketa

Jaso zure bidalketen kobrantza modu seguruagoan, errazagoan eta fidagarriagoan. Correosen hartzaileak aurrez ordaindutako eta bidalketan agertzen den kopurua itzuliko dizugu.

Parametroen bidez kalkula daitezkeen entrega saiakerak

Kontratua duten bezeroentzako.

Aukeratu entrega-saiakeren kopurua, gehienez 3 izanda. 

Entrega aurreko baimena (APE)

Kontrolatu bidalketak uneoro. Blokeatu zure bidalketa, automatikoki geldi dadin banaketa-bulegora edo -unitatera iristen denean, eta desblokeatu entregatzeko edo itzultzeko baimena eman nahi duzunean. 

Egonaldi-epea zerrendan

Kontratua duten bezeroentzat.

Erabaki zenbat denbora egongo den erabilgarri zure bidalketa Correos-eko bulego batean, gehienez 30 egunera arte. 

Aseguruak

Aseguratu are gehiago dokumentu edo salgai garrantzitsuenak.
INFORMAZIO GEHIAGO

Paketeria nazionalerako aseguruak

Aseguratu are gehiago dokumentu edo salgai garrantzitsuenak.

  • Aseguru estandarra: galeren estaldura, banaketan egindako lapurretak, kaltetutako salgaiak edo eduki-faltak.
  • LCTTM asegurua: kontratudun bezeroa bazara eta aseguru estandarraren modalitateari berariaz uko egiten badiozu, zure aseguru-poliza kontratatuta daukazulako.
  • Paketeriaren balio aitortua: bidalketa bakoitzari aplika dakioke, eta salgaiaren balioaren ehuneko gisa kalkulatzen da. 6.000 €-ko kalte-ordaina ordainduko da gehienez ere, aseguratutako zenbatekoaren arabera.
  • Berezia: baldintza bereziak adosten ditugu bezero bakoitzarekin, eta, hortaz, kalte-ordaina itundua da.

Etxean jasotzea

Kontratua duten bezeroentzako.

Zure paketeak etxean edo biltegian jasotzen ditugu. Erabilgarritasuna bidalketaren bolumenaren eta entrega-gunearen araberakoa da.

 
Hautatu BIDALI eta erregistratu aurretik online zure bidalketak prozesua azkartzeko, edo etorri gure bulego batera.
Adierazi zer bidalketa mota egin nahi duzun, bete datuak eta azaldu beste zerbitzu gehigarririk sartu nahi duzun.
Egin ordainketa banku-txartelarekin, PayPal-ekin edo gure bulegoetan.
Inprimatu etiketak paketeak identifikatzeko, paketeen bilketa kudeatu edo gure bulegoetako batera eraman aurretik.

Produktuari buruzko informazioa

Deskribapena

Badakigu zure bezeroek entrega urgenteak eta eraginkorrak behar dituztela; horregatik, Paquete Premium da zure bidalketak egiteko aukerarik onena:
  • Neurrira: zure bezeroaren beharretara egokitua; entrega bezeroak eskatutako data eta lekuan egiten dela ziurtatzen dugu.
  • Bermearekin: etxean entregatzeko bi saiakera egiten dira sinadura bidez eta bermatutako epean. Halaber, eskura duzu entrega Correoseko bulegoetan edo Citypaq bidez. Ezin bada egin, postontzian ohar bat utziko dugu adierazitako bulegoarekin bidalketa 15 egun igaro baino lehen jasotzeko. Epeak betetzen ez baditugu, ordaindutako tarifa itzultzen dizugu.
  • Modify hartzen du barne: aldatu erraz bidalketaren entrega ordenagailu edo mugikorraren bidez zure uneko beharretara egokitzeko. Bestalde, hautatu hartzaileak ere aldaketak egiteko aukera eta egin ditzakeen aldaketak. Aukera hau entrega etxean duten paketeria-bidalketa nazional guztietarako dago erabilgarri.
  • Zure lasaitasunerako: hartzaileentzako iritsi izanaren abisua barne Correosen APParen, e-postaren edota SMS bidez.
  • Zugandik hurbil: bidalketa nazionaletarako eta Andorra eta Portugalerako (penintsularra) bidalketetarako.

Bidalketaren xehetasunak

Zeuk aukeratzen duzu bilgarri ezin hobea. Eskuragarri dauden produktu ugari eros ditzakezu gure Online Dendan eta Correosen bulego guztietan!

Hori bai, tamaina neurri hauetara doitu behar da:

Gehienez:

  • Kutxa: Luzera + Altuera + Zabalera = 240 cm; neurri batek ere ezin du 120 cm gainditu.
  • Biribilkia edo hodia: luzerak ezin du 120 cm gainditu, eta diametroa 30 cm.

Handiagoa den zerbait bidali nahi izanez gero, ez kezkatu, pixka bat gehiago ordainduz Gehiegizko Tamainaren Mugaketa gehi dezakezu:

  • Luzera + Altuera + Zabalera = 300 cm, % 35 gehiagoren truke.
  • Neurri horiek ezin dira 240 cm baino handiago izan % 35 gehiagoren truke.

Gehiegizko bi tamainen mugaketak ere gehi ditzakezu % 70 gehiagoren truke.

Gutxienez:

  • Kutxa: 10 x 14,5 cm.
  • Biribilkia edo hodia: 10 x 14,5 cm-ko etiketa bat eranstea ahalbidetzen duten neurriak. Eta ez dezala 2 kg baino gehiago izan!

Eta ezin du 30 kg baino gehiagoko benetako pisua izan! 


Gainera, Kontratua duen Bezeroa bazara, 10 pakete arte ere bidali ditzakezu Pakete askoko Bidalketa aukerarekin.

Pisu bolumetrikoa guk kalkulatzen dugu.

Azkenik, nora bidali nahi duzun esan beharko diguzu:

  • Etxera: entregatzeko bi saiakera egingo dira sinadura bidez. Entrega ezin bada egin, bidalketa 15 egunez egongo da eskuragarri zugandik gertuen dagoen bulegoan. Kontratua duten bezero partikularrentzako entrega-aukera, eta Portugalen (penintsulan barne) egin daitekeen bakarra.
  • Aukeratutako bulegoa: entrega aukeratzen duzun bulegoan egingo da; horrek paketeriako entrega-gune zerbitzua izan behar du, eta bidalketa 15 egunez egongo da eskuragarri. Hartzaileari bidalketa iritsi dela jakinaraziko diogu Correosen aplikazioan, mezu elektroniko eta/edo SMS bidez, eta, jasotzera joaten ez bada, gogorarazteko hainbat mezu bidaliko dizkiogu.
  • Citypaq: bidalketa Correosek hirian zehar dituen armairu adimendunen batean uzten da; horiek eguneko edozein ordutan daude erabilgarri (kontsultatu ordutegiak webgunean eta aplikazioan). 

Oso garrantzitsua da zure datuak eta hartzailearenak bilgarrian jarrita egotea, ikusteko moduan.

Eta gogoan izan etiketa sortu eta bidalketa ordain dezakezula izapidea azkartzeko.

Zer da pisu bolumetrikoa?

Bermeak eta entrega-epeak

Bidalketa helmugara iristean arazoren bat egonez gero, Correosek kalte-ordaina emango dizu. Ordaina hartzaileak jasotzea nahiago baduzu, sinatutako baimena aurkeztu beharko duzu.

Badakigu gutaz fidatzen zarela; horregatik, honela eskertzen dizugu:

Paquetería nacional zerbitzuen baldintzak

Berme nazionalak:

Atzeratuz gero:

  • Gorabehera jakinarazteko edo erreklamazioa egiteko epeak: gutxienez 3 egun eta gehienez 21 egun, bidalketaren entrega-datatik aurrera.
  • Kalte-ordaina: ordaindutako tarifa itzultzen da.
  • Baldintzak: entrega-epeak bidalketa 16:00ak baino lehen onartu bada soilik beteko dira. Hala ez bada, epea egun bat luza daiteke.
  • Andorra, Kanariak, Ceuta eta Melillara zuzendutako edo bertatik bidaltzen diren bidalketen kasuetan, ez da aduanako izapideari dagokion denbora zenbatuko.
Bidalketa hondatzeagatik:
  • Gorabehera jakinarazteko edo erreklamazioa egiteko epeak: entrega egin eta hurrengo 7 egun naturalen barruan.
  • Kalte-ordaina: 6,67 euro fakturatutako kilogramo bakoitzeko (6,43 euro fakturatutako kilogramo bakoitzeko, 2022an onartutako bidalketetarako.). 
  • Gutxieneko kalte-ordaina 40€-koa da, soilik Paq Premium-entzat eta kontraturik gabeko bezeroentzat. Hau da,  kalte-ordainaren (aurreko formularen arabera) eta tarifaren batura 40€ baino gutxiago bada, kalte-ordaina 40€-koa izango da. 
  • Baldintzak: gertaera-mota horien kasuan, aditu batek txosten bat egingo du bidalketaren hondatzeari dagokion zenbatekoa zehazteko.
  • Aurkeztu beharreko dokumentuak: bilgarriaren eta hondatutako edukiaren argazkiak eskatu ahal izango dizkizugu, kaltea eta bidalketaren osotasuna bermatzeko bilgarri egokia zuen egiaztatzeko. Bidalketa onartzean, hura nola prestatu aholkatu eta bilgarririk egokiena eskain diezazukete gure langileek.
  • Asegurua edo Adierazitako Balioa duen bidalketa bat hondatzeagatik edo edukia faltatzeagatik erreklamazioa aurkeztuz gero, merkantziaren balioa egiaztatzen duen agiria edo konponketaren edo birjarpenaren faktura eskatu ahalko dugu.
  • Kontratua duten bezeroek bertan ezarritako baldintzen araberako kalte-ordainak jasoko dituzte.
Bidalketa galtzeagatik:
  • Gorabehera jakinarazteko edo erreklamazioa egiteko epeak: gutxienez 3 egun eta gehienez urtebete, bidalketaren onarpen-datatik aurrera.
  • Kalte-ordaina: 6,67 € fakturatutako kilogramo bakoitzeko (6,43 € fakturatutako kilogramo bakoitzeko, 2022an onartutako bidalketetarako), gehi tarifaren itzulketa. 
  • Gutxieneko kalte-ordaina 40 €koa da bakarrik Paquete Premium-entzat eta kontraturik gabeko bezeroentzat. 
  • Bidalketak aitortutako balioa edo arrisku orotarako asegurua badu, 6.000 €ko gehieneko estaldura duena, kalte-ordaina izango da tarifa gehi Adierazitako Balioa edo Asegurua itzultzea. 
  • LCTTMk (Merkantzien Errepide Garraioaren Kontratuari buruzko Legea) araututako bidalketek asegurua daramatenez, ezbeharra jazotzen bada, honako zenbateko hauetako zenbatekorik txikiena ordainduko zaizu:
    • Adierazitako balioa.
    • Galdutako objektua birjartzea.
    • Kaltetutako objektua konpontzea.
  • Aurkeztu beharreko dokumentuak: Asegurua edo Adierazitako Balioa duen bidalketa bat galtzeagatik, hondatzeagatik edo edukia faltatzeagatik erreklamazioa aurkeztuz gero, merkantziaren balioa egiaztatzen duen agiria edo konponketaren edo birjartzearen faktura eskatu ahal izango dugu.
  • Kontratua duten bezeroek bertan ezarritako baldintzen araberako kalte-ordainak jasoko dituzte.

Horrez gain, bidalketa ahal bezain laster entregatuko dugu.

Bilatu gertuen duzun Correoseko bulegoa eta ekarri zure bidalketa; 1-2 egunetan entregatuko dugu, jatorri eta helmugaren arabera.

Hautatu paketea entregatzeko nahiago duzun ordu-tartea :

  • 09:00etatik 12:00etara
  • 12:00etatik 15:00etara
  • 15:00etatik 18:00etara
  • 18:00etatik 21:00etara

(Ez ahaztu aukera hori soilik probintziako hiriburuetan eta arratsaldeko banaketa duten hirietan soilik dagoela).

 Behar duzun egunean entregatzeko.

Zeuk jartzen duzu data gure egutegian, eta bidalketa gorde egingo dugu helmugara iristeko unea iristen den arte. 

Prezioa

Eskaintza pertsonalizatu bat egitea nahi baduzu, utz iezazkiguzu zure datuak hemengo inprimakian.

Pisu bolumetrikoari buruzko informazioa

Pisu bolumetrikoa pakete baten pisua da, baina neurriak kontuan hartuta. Gure tarifak kalkulatzeko, garraio-enpresok neurri hori erabili ohi dugu pisu errealaren ordez; izan ere, ez du toki bera hartzen tamaina handiko objektu baten kg bat edo objektu txiki baten kilo bat garraiatzeak, nahiz eta pisua berbera izan.

Correosen 167 kg/m3-ko pisua/bolumena irizpidea aplikatzen dugu paketea onartzeko unean, formula honi jarraituz: luzera x altuera x zabalera cm-tan / 6.000.