Web-pribatutasuna

Correos Taldearen enpresa guztientzat, berebiziko garrantzia du, batetik, zure pribatutasuna errespetatzeak eta, bestetik, datuak babesteko araudia betetzeak.

Une oro datuak zertarako erabiltzen ditugun edo zertarako erabili nahi ditugun jakin dezazun nahi dugu, baita zure eskubideak ezagut ditzazun ere. Hori dela eta, datuak babesteko zehaztapen hauek idatzi ditugu (“Web pribatutasun-politika”). Erabiltzaileek www.correos.es webgunean, Correosen edozein azpidomeinutan Correosen beste webgune batzuetan barrena nabigatzean datuak nola tratatuko diren arautzen du aipatu politikak.

Web pribatutasun-politika hau aldatu ahal izango da, etorkizunean izan litezkeen legegintza- edo jurisprudentzia-berrikuntzetara zein industriaren jardunbideetara egokitzeko. Edozelan ere, nabigatzeko unean indarrean zegoen datuak babesteko politikak arautuko du erabiltzailearen datuen tratamendua.

1. Nork tratatuko ditu zure datuak?

Datuen tratamenduaren arduraduna: “Sociedad Estatal Correos y Telégrafos, S.A., S.M.E” (aurrerantzean, “Correos”); IFK: A-83052407; egoitza soziala: Conde de Peñalver 19, 28006 - Madril (Espainia).

Aipatu tratamendua behar bezala kudeatzeko, Correosek datuak babesteko ordezkari bat du (DPD edo DPO). Berarekin harremanetan jartzeko, idatzi honako helbide elektroniko honetara: dpdgrupocorreos@correos.com

2. Zertarako eta zergatik tratatuko dira zure datuak?

Erabiltzailearen datu pertsonalak helburu hauetarako erabiliko dira:

1. helburua: Webgunean nabigazioa eta funtzionamendua ahalbidetzea

Helburuaren deskribapena: Webgunean zehar nabigatzen uztea, behar bezala funtzionatzen duela bermatzea eta lotutako sistemen eta zerbitzuen segurtasunari eustea.
Tratatutako datuak: Cookieen erabilerari buruzko lehentasunak eta haien onarpenaren edo konfigurazioaren erregistroa; hautatutako hizkuntza; saioaren identifikatzaileak, erreferentziak eta token teknikoak; saioaren denbora‑marka; eta erabiltzailearen saioa identifikatu eta mantentzeko beharrezkoa den informazio zorrotzena, Correosen aplikazioetan nabigatu eta sartzen den bitartean.
Legitimazio oinarria: Correosen interes legitimoa webgunearen funtzionamendu teknikoa, jarraitutasuna, eskuragarritasuna eta segurtasuna bermatzeko, baita erabiltzaileek adierazitako cookie‑lehentasunak kudeatu eta errespetatzeko ere. Egindako haztapenari buruzko informazio gehiago behar izanez gero: derechos.protecciondatos.correos@correos.com.

2. helburua: Cookieen edo antzeko teknologien bidez datuak biltzea eta aztertzea

Helburuaren deskribapena: Correosek informazioa bildu eta aztertu ahal izango du cookieak instalatuz eta, hala badagokio, datuak biltegiratzeko edo berreskuratzeko antzeko beste teknologia batzuk erabiliz (hala nola pixelak, etiketak edo identifikatzaileak), erabiltzailearen nabigatzailean edo gailuan. Teknologia horiek webguneko nabigazioa eta erabilera aztertzeko erabili ahal izango dira, estatistikak egiteko, haren egitura, edukiak eta diseinua optimizatzeko, eta, hala dagokionean, portaeran oinarritutako edo pertsonalizatutako publizitatea erakusteko.
Tratatutako datuak: Webguneko nabigazioari eta erabilerari buruzko datuak: IP helbidea, cookieen edo gailuaren identifikatzaileak, bisitatutako orriak, sartzeko data eta ordua, bisitaren iraupena, egindako interakzioak, jatorrizko webgunea, sistema eragilea, gailu mota eta erabilitako nabigatzailea.
Legitimazio oinarria: Erabiltzailearen berariazko baimena, edozein unetan ukatu edo aldatu ahal izango duena.

Erabilitako cookieei, haien helburuei, parte hartzen duten hirugarrenei eta gordetzeko epeei buruzko informazio zehatza kontsulta dezakezu cookie-politikan.

3. helburua – Web-inprimakien bidez jasotako eskabideak kudeatzea

Helburuaren deskribapena: Erabiltzaileak webgunean eskuragarri dauden inprimakien bidez emandako datuak tratatuko ditu Correosek, haren eskaera edo kontsulta kudeatu eta artatzeko.
Tratatutako datuak: Identifikazio‑datuak (izen-abizenak) eta harremanetarako datuak (posta elektronikoa, telefonoa), egindako eskaerari buruzko datuak, eta erabiltzaileak dagokion inprimakiaren bidez ematen dituen gainerako datu guztiak.
Legitimazio oinarria: Kontratu-aurreko neurriak aplikatzea edo kontratu-harremana gauzatzea, eskaera produktuak edo zerbitzuak kontratatzearekin edo ematearekin lotuta dagoenean.

Inprimaki batek politika honetan azaldutakoa ez den beste tratamendu bat edo tratamendu osagarri bat eskatzen badu, erabiltzaileari datuen babesari buruzko informazio espezifikoa emango zaio bere datuak eman aurretik.

4. helburua – Kontsultak kudeatzea, laguntzaile birtualaren bidez

Helburuaren deskribapena: Erabiltzaileak borondatez bezeroarentzako arreta‑zerbitzuko adimen artifizialean oinarritutako laguntzaile birtualarekin elkarreragiten duenean emandako datuak tratatuko ditu Correosek, kontsulta ulertu eta interpretatzeko eta erantzun automatizatua sortzeko; baita elkarreragina giza agente bati bideratzeko ere, kontsulta automatikoki ebatzi ezin denean edo ondorengo kudeaketa bat eskatzen duenean.
Tratatutako datuak: Identifikazio‑datuak (izen-abizenak), harremanetarako datuak (posta elektronikoa, telefonoa), bidalketaren jarraipen‑zenbakia edo kontsulta testuinguruan kokatzeko beharrezkoa den beste edozein informazio. Erabiltzaileak ez ditu kategoria berezietako datuak edo hirugarrenen datuak emango, eskaerari erantzuteko beharrezkoak ez badira.
Legitimazio oinarria: Erabiltzaileak eskatuta kontratu‑aurreko neurriak aplikatzea edo kontratu-harremana gauzatzea, kontsulta erabiltzaileak kontratatu nahi dituen produktu edo zerbitzuei edo dagoeneko kontratatutako zerbitzu bati buruzkoa denaren arabera.

Laguntzaile birtualak adimen artifizialeko teknologia sortzailea erabiltzen du. Elkarrizketak ez dira erabiliko adimen artifizialeko ereduak entrenatzeko edo hobetzeko, ez eta erabiltzaileen profilak erakitzeko edo ondorio juridikoak sortzen dituzten edo modu esanguratsuan eragiten dieten erabaki automatizatuak hartzeko ere. Beharrezkoa denean, interakzioa giza eragile batengana bideratu ahal izango da.

3. Hirugarrenekin partekatuko dira zure datuak?

Printzipioz, eta oro har, zure datuak ez dira Correos ez den beste norbaitzuekin partekatuko. Hala ere, salbuespen batzuk egon daitezke:

- Legea betetzeko, baliteke Administrazio Publikoekin (Poliziarekin, adibidez) edo auzitegiekin zure datuak partekatu behar izatea.

- Gure webgunean barrena nabigatzean ahalik eta zerbitzurik onena eman ahal izateko eta zure eskaera bideratzeko, baliteke Correos Taldeko beste enpresa batzuekin partekatu behar izatea zure datuak. Sektore hauetakoak dira aipatu enpresak: paketeriakoak, posta-zerbitzuaren balio erantsikoak, logistikakoak, marketinekoak eta telekomunikaziokoak.

Horrez gain, zure datuak hirugarrenek eskuratu ahal izango dituzte, tratamenduaren arduradunak diren aldetik, Correosen jarraibideekin bat.

4. Noiz arte tratatuko dira zure datuak?

Webgunean barrena nabigatu ahal izateko, zure nabigatzeko ohiturak aztertzeko (cookie-en politika onartuz gero) edo zure zerbitzu-eskaerak webgunearen bitartez bideratzeko beharrezkoa den bitartean baino ez dira gordeko datu pertsonalak. Beharrezkoak izateari uzten dioten bezain laster, ezabatu egingo dira datuak, datuak babesteko araudian xedatutakoari jarraikiz. Hortaz, aurretik blokeatu egingo dira, eta epaileek, auzitegiek, Fiskaltzak edo Administrazio Publiko eskudunek eskatuz gero baino ez dira erabilgarri egongo, sor litezkeen ekintzen preskripzio-epeak iraun bitartean. Aipatu blokeo-aldia igarotakoan, guztiz ezabatuko dira datuak. Esaterako, 3 urtekoa izango da preskripzio-epea oro har, datuak babesteko araudiaren arabera.

Zehazki, laguntzaile birtualarekin elkarrekintzan tratatutako datuak ezabatu egingo dira erantzuna sortzeko beharrezkoa den prozesamendua amaitutakoan. Elkarreraginak eskaera, gorabehera, erreklamazioa, kasu‑irekiera edo giza-arretara bideratzea eragiten duenean, Correosek bere sistemetan behar‑beharrezkoa den informazioa gorde ahal izango du gehienez bost urtez, emandako arreta kudeatu eta dokumentatzeko, balizko erreklamazioak eta erantzukizunak artatzeko, eta zerbitzuaren trazabilitatea bermatzeko.

Aplikatu beharreko epeak igaro ondoren, behin betiko ezabatuko dira datuak. Hala ere, auziak, erreklamazioak edo ebatzi gabeko prozedurak daudenean, datuak gorde ahal izango dira, helburu horietara behar bezala mugatuta, harik eta izapideak amaitzen diren arte eta sor daitezkeen erantzukizunen preskripzioa-epeen barruan.

5. Zer eskubide dituzu?

Unean-unean aplikagarri den datuak babesteko araudian aintzatesten diren heinean, erabiltzaileak honako eskubide hauek gauzatu ahal izango ditu datuen tratamenduari dagokionez:

- Datuetan sartzeko eskubidea: eskubide hau erabiliz gero, zer datu mota tratatzen ari garen eta burutzen ari garen tratamenduaren ezaugarriak ezagutu ahal izango dituzu.

- Zuzentzeko eskubidea: eskubide hau erabiliz gero, datuak aldatu daitezen eskatu ahal izango duzu, zehatzak edo egiazkoak ez izateagatik.

- Eramateko eskubidea: eskubide hau erabiliz gero, tratatzen ari diren datuen kopia bat eskuratu ahal izango duzu formatu elkarreragile batean.

- Datuen tratamendua mugatzeko eskubidea: eskubide hau erabiliz gero, datuen tratamendua mugatu ahal izango duzu, legeak horrela zehazten duen kasuetan.

- Aurka egiteko eskubidea: eskubide hau erabiliz gero, datuen tratamenduaren aurka egin ahal izango duzu.

- Ezabatzeko eskubidea: eskubide hau erabiliz gero, datuak ezabatu daitezen eskatu ahal izango duzu tratamenduak beharrezkoa izateari uzten dionean.

- Emandako baimena baliogabetzeko eskubidea.

Ondorengo kanaletako baten bidez balia ditzakezu zure eskubideak, eta adierazi zein den eskubide hori baliatzeko eskubidea:

a. Posta-helbidea: Calle del Conde de Peñalver, nº 19, 28006 Madrid (España)

b. Posta elektronikoa: derechos.protecciondatos.correos@correos.com

Datuak Babesteko Espainiako Agentziaren (DBEB) hainbat eredu aurki ditzakezu, zure eskubideak gauzatzen lagunduko dizutenak. Bestalde, jakinarazten dizugu eskubidea duzula kontrol-agintaritzan (Espainian, DBEA) erreklamazioa jartzeko zure eskubideak urratu direla uste baduzu.