O Verificador de correo electrónico é a nova ferramenta dixital que deseñamos co obxectivo de loitar contra a fraude e a suplantación de identidade. A través deste verificador, poderás comprobar que os correos que recibes en nome de Correos son realmente nosos. Para iso, introducimos un código de letras e números que identifica todas as comunicacións que emitimos para comprobar a veracidade das mensaxes. Grazas a esta solución rápida e sinxela, garantimos a túa seguridade, e coidamos de ti. 

O mellor do Verificador de correo electrónico é que é doado de usar. Contámosche os pasos que debes seguir para que ti tamén coides da túa ciberseguridade:

1. Accede ao Verificador de correo electrónico dende unha das tres vías que poñemos á túa disposición dentro da web de Correos: banner principal, menú Ferramentas ou ben dende o propio espazo de Seguridade da Información, dentro de Atención ao Cliente. 
2. Introduce o teu enderezo de correo electrónico e o código que aparece na parte final do correo que recibiches.
3. Preme COMPROBAR.
4. O Verificador de correo electrónico indicarache cun OK que o teu correo é seguro.
5. Se a resposta non é OK, le con atención a información que che ofrece o sistema e revisa ben os campos introducidos. Non sempre podes estar ante un intento de phishing; podería haber algún erro no enderezo de correo ou no código que introduciches.
6. Se todos os datos están correctos, pero a resposta non é OK, podería ser un correo falso e tratarse dun intento de phishing.

O código é unha combinación de letras e números que aparece na parte final do correo electrónico que recibiches por parte de Correos.

Moi importante! Non esquezas introducir o código completo no verificador para poder realizar a comprobación.  

Respostas cando non hai risco de fraude

• OK. Este correo electrónico foi enviado por Correos e é seguro.
  

Respostas cando hai risco de fraude 

• Moi importante! Este correo electrónico non foi enviado por Correos. Pode ser un correo falso e tratarse dun intento de phishing. Consulta máis información.
• Atención! Este correo electrónico xa foi comprobado anteriormente. Se non fuches ti quen realizou esta comprobación, pode ser un correo falso e tratarse dun intento de phishing. Consulta máis información.

A loita contra a fraude é unha das principais misións de Correos na actualidade. Garantimos a dixitalización cibersegura do noso ecosistema e, para iso, modificamos as nosas comunicacións:

• Apostamos por canles seguras, como a app ou o correo electrónico. 
• Incorporamos nos nosos correos electrónicos un código de letras e un número único para que comprobes a veracidade dos correos recibidos en nome de Correos. 

A aposta por canles seguras de comunicación e a inserción do código de letras e números nos correos electrónicos enviados por Correos implantarase a partir do 1 de abril de 2022. A partir desta data, estará dispoñible a nova ferramenta Verificador de correo electrónico para que poidas comprobar a veracidade da comunicación recibida. 

Coidado! Se a partir do 1 de abril de 2022 recibes un correo en nome de Correos sen código, poderías estar ante un intento de fraude mediante phishing, xa que todas as comunicacións de Correos por correo electrónico deberán contar co código de letras e números. 

Si, este código xérase de forma única e personalizada para cada correo electrónico. Baixo ningunha circunstancia é posible que dous correos electrónicos compartan o mesmo código de verificación. 

Importante! Unha vez introducido o código correctamente, só poderás comprobar a súa veracidade nese momento. Non é posible verificalo máis dunha vez. 

Poderás comprobar a veracidade dos correos electrónicos recibidos en nome de Correos a través do Verificador de correo electrónico. Encontrarás esta ferramenta na web de Correos.es.

Moi sinxelo! Só precisas introducir dous datos no Verificador de correo electrónico: o teu enderezo de correo e o código de letras e números que figura na parte final do correo.

Se o Verificador de correo electrónico indica OK, o correo si foi enviado por Correos, polo que podes confiar no seu contido. Este OK garante a veracidade do correo que recibiches!

Se o Verificador de correo electrónico indica outra resposta que non sexa OK... Ponte en alerta! Seica estás ante un correo falso que podería ser un phishing. Consulta máis información.

Contacta connosco! En Correos tes sempre á túa disposición o espazo de Seguridade da Información para ampliar calquera dato sobre phishing ou ciberseguridade. Consulta máis información.