Para todas as empresas do Grupo Correos, respectar a súa privacidade e cumprir coa normativa de protección de datos é un aspecto de vital importancia.
O noso desexo é que en todo momento coñeza para que utilizamos, ou queremos utilizar, os seus datos e cales son os seus dereitos. Con este obxectivo, redactamos os seguintes termos de Protección de datos (Política de privacidade Web) que regulan o tratamento de datos que se levará a cabo cando calquera Usuario navegue pola nosa páxina web www.correos.es, de calquera dos seus subdominios ou doutras webs de Correos.
A presente Política de privacidade web poderá ser obxecto de modificación para calquera adaptación legal a futuras novidades lexislativas ou xurisprudenciais, así como prácticas da industria. En calquera caso, o tratamento de datos do usuario será regulado pola Política de Protección de datos que estivese vixente no momento da navegación.
1. Quen tratará os seus datos?
O responsable do tratamento é “Sociedad Estatal Correos y Telégrafos, S.A., S.M.E” (en diante, “Correos”), con CIF A-83052407 e domicilio social en rúa Conde de Peñalver, n.º 19, 28006 Madrid (España).
Para garantir a axeitada xestión do devandito tratamento, Correos ten designado un Delegado de Protección de datos (DPD ou DPO), a quen se pode dirixir a través do seguinte enderezo de correo electrónico: dpdgrupocorreos@correos.com
2. Para que se tratarán os seus datos e por que?
Os datos de carácter persoal do Usuario serán utilizados para as seguintes finalidades:
Finalidade 1: Permitir a navegación e funcionamento a través da nosa páxina web
Finalidade 2: Recollida e análise de datos mediante cookies ou tecnoloxías similares
Pode consultar información detallada sobre as cookies utilizadas, as súas finalidades, terceiros intervenientes e prazos de conservación na Política de Cookies.
Finalidade 3 – Xestión de solicitudes recibidas a través de formularios web
Cando un formulario implique un tratamento distinto ou adicional ao descrito nesta Política, facilitarase ao Usuario a correspondente información específica en materia de protección de datos antes de que facilite os seus datos.
Finalidade 4 – Xestión de consultas a través do asistente virtual
O asistente virtual utiliza tecnoloxía de intelixencia artificial xerativa. As conversas non serán utilizadas para adestrar ou mellorar os modelos de intelixencia artificial, nin para elaborar perfís dos Usuarios ou adoptar decisións automatizadas que produzan efectos xurídicos ou lles afecten significativamente de modo similar. Cando resulte necesario, a interacción poderá derivarse a un axente humano.
3. Comunicaranse os seus datos a terceiros?
Con carácter xeral non se prevé que os seus datos sexan comunicados a outras persoas distintas de Correos. Non obstante, poden darse as seguintes excepcións:
- Para cumprir coa lei, podemos vernos obrigados a ter que comunicar os seus datos a outros terceiros, como Administracións públicas (p. ex., FCSE) ou tribunais.
- Para poder prestarlle o mellor servizo na navegación a través da nosa páxina web e tramitar a súa solicitude, podemos ter que comunicar os seus datos a outras empresas do Grupo Correos dedicadas aos sectores de paquetería, de valor engadido ao servizo postal, loxística, mercadotecnia e de telecomunicación.
Adicionalmente, os seus datos poderán ser accesibles por terceiros na súa condición de encargados do tratamento, baixo as instrucións de Correos.
4. Por canto tempo serán tratados os seus datos?
Os datos persoais serán conservados exclusivamente durante o prazo necesario para permitir a súa navegación pola páxina web, analizar a súa navegación (en caso de aceptación da política de cookies) ou tramitar as súas solicitudes de servizo a través da páxina web. No momento en que deixen de ser necesarios, os datos serán suprimidos conforme co disposto na normativa de protección de datos, o que implica o seu bloqueo previo, e só estarán dispoñibles por solicitude de xuíces e tribunais, o Ministerio Fiscal ou as administracións públicas competentes durante o prazo de prescrición das accións que puidesen derivar e, unha vez transcorrido o período de bloqueo, a súa completa eliminación. Para os efectos exemplificativos, nos casos máis habituais aterase ao prazo de prescrición de tres anos derivado da normativa de protección de datos.
En concreto, os datos tratados durante a interacción co asistente virtual serán suprimidos unha vez finalizado o procesamento necesario para xerar a resposta. Cando a interacción xere unha solicitude, incidencia, reclamación, apertura de caso ou derivación a atención humana, Correos poderá conservar nos seus sistemas a información estritamente necesaria durante un prazo máximo de cinco anos para xestionar e documentar a atención prestada, atender posibles reclamacións e responsabilidades e garantir a trazabilidade do servizo.
Transcorridos os prazos aplicables, os datos serán suprimidos definitivamente. Non obstante, cando existan litixios, reclamacións ou procedementos pendentes, os datos poderán conservarse, debidamente limitados ás devanditas finalidades, ata a finalización da súa tramitación e durante os prazos de prescrición de calquera responsabilidade que puidese derivarse.
5. Cales son os seus dereitos?
Na medida que estean recoñecidos na normativa de protección de datos aplicable en cada momento, o Usuario poderá exercer os seguintes dereitos en relación co tratamento dos seus datos:
- Dereito de acceso: se exerce este dereito, poderá coñecer que tipo de datos estamos a tratar e as características do tratamento que estamos a levar a cabo.
- Dereito de rectificación: se exerce este dereito, poderá solicitar a modificación dos seus datos por ser estes inexactos ou non veraces.
- Dereito de portabilidade: se exerce este dereito, poderá obter unha copia nun formato interoperable dos datos que estean a ser tratados.
- Dereito á limitación no tratamento de datos: se exerce este dereito, poderá limitar o tratamento dos seus datos nos casos recollidos na Lei.
- Dereito de oposición: se exerce este dereito, poderá opoñerse ao tratamento dos seus datos.
- Dereito de supresión: se exerce este dereito, poderá solicitar a supresión dos seus datos cando o tratamento xa non resulte necesario.
- Dereito a revogar o consentimento prestado.
Pode exercitar os seus dereitos a través dalgunha das seguintes canles, indicando o dereito en cuestión:
a. Enderezo postal: Rúa Conde de Peñalver, n.º 19, 28006 Madrid (España)
b. Correo electrónico: derechos.protecciondatos.correos@correos.com
Na páxina web da Axencia Española de Protección de datos (AEPD) pode encontrar unha serie de modelos que lle axudarán no exercicio dos seus dereitos. Así mesmo, informámolo de que ten dereito a interpoñer unha reclamación ante a autoridade de control (en España, a AEPD) en caso de que considere infrinxidos os seus dereitos.